Au Roy

Madrid, 8 août 1570.

Sire, Comme j'ay escript à Votre Majesté et à la Royne du xxvij du passé par ung courrier allant en Flandres, le Roy Catholique arriva en ce lieu venant d'Escuryal le xxj dud. mois; et depuis en çà on ne Ta veu sortir en public sinon le jour de Sainct Jacques qu'il fut oyr la messe en sa chappelle. Tout le plus du tempz il a demeuré retiré et peu de personnes ont negotié avec luy, si ce ne fust vendredy dernier qu'il a assisté à la consulte; la raison, selon que j'entendz, est, Sire, qu'il ne se peult encore bien ravoir de la foiblesse du fluz de ventre qui l'a vexé longuement aud. Scurial, qui l'a laissé foible et maisgre ; on cuydoit qu'il deubst retourner aud. Escurial pour y faire la Sainct Laurens; mais il ne bougera d'icy qu'il ne scache nouvelles de l'embarquement de la nouvelle Royne d'Espaigne, laquelle il ira attendre au Bosc de Segovye ; elle descendra à Laredo ; puis par Burgos et Vaildolit se rendra aud. Bosc pour y faire les nopces, ayant esté mandé au duc d'Alve qu'il fault que lad. Dame soit conduicte à Laredo, où toutes choses sont prestes pour son desembarquement; et neantmoins toute la coste jusques à la Coroigne est advertie et pourveue pour la recevoir, si d'avanture

le vent la contraint d'aborder ailleurs que aud. Laredo: les haquenées et coches pour elle et pour ses dames partiront au premier jour ; les Espaignolz à pied et à cheval de sa garde sont mandés pour s'acheminer au xv"* de ce mois et une partie des officiers domestiques; Burgos faict ses appareils pour l'entrée; aussi font Vaildolit, Segovye et Madrid; car la feste se viendra faire en ce lieu, où il y aura grande assemblée; à cause de laquelle, les depputez des bonnes villes de ce royaume qui avoient suivy de Cordoue icy pour continuer et achever le cours et estatz, combien qu'ils n'ayent procédé h aucuns actes d'iceulx depuis estre arrivés, deux mois a, en ceste ville. Ils sont commandés se retirer jusques après lad. feste, afin qu'il y ayt meilleure aisance de logis. Pour le regard de laquelle feste, les Princes de Bohême demandèrent avant hier à Sa Majesté Catholique s'il ne trouveroit pas bon qu'ilz dressassent quelques joustes et passetemps; il leur respondit en soubriant qu'il y adviseroit, et pour encore il ne s'en faict aucun preparatif; et ne scavent lesd. Princes s'ilz retourneront vers l'Empereur sur la flotte qui aura passé lad. Dame leur seur, ou bien si ce sera par Barcelonne sur les gallères; mais par une mer ou autre, leur demeure par deçà ne peult estre guère plus longue, car led. S' Empereur les demande.

Icy font estât. Sire, que Jehan André Dorie sera allé se joindre avec cinquante gallères à l'armée du Pape et des Venetiens qui le doibvent atendre à Corffou; c'est par manière de prest que Sa Majesté Catholique baille sesd. cinquante gallères ceste année, pource que les articles de la ligue ne sont encore accordés ; et sera aultant espargné à luy de ce que sa part eust monté pour l'an présent; car ainsi que sesd. gallères estoient en nature ainsi et sur sa despence et touchera ausd. Père Sainct et Vénitiens de porter les fraiz jusques au renouveau. J'entendz, Sire, qu'il vous est laissé le premier lieu après l'Empereur pour entrer en lad. ligue; toutesfois il est venu nouvelle que l'ambassadeur d'Espaigne rezident à Rome a empesché que le cardinal Saincte Croix, ung des commissaires de Sa Saincteté depputez à traicter lad. ligue, n'y soit intervenu, le tennant suspect pour ce qu'il a des bénéfices en France; qui donne trop à cognoistre la mauvaise opinion que led. ambassadeur et ceulx de son party ont

de Votre Majesté en ce qui concerne le Turc, ou bien qu'il y doibt avoir en lad. ligue et traicté quelque article à votre dommaige; ce que je descouvrirois de bon cueur, si je pouvois. Et. quant aud. S' Empereur, je m'asseure qu'il n'y entrera point pour le présent, car il ne vouldra pas rompre la tresve pour attirer la guerre sur ses païs à Tappetit d'une ligue incertaine ; car on estime que les Vénitiens ne pourront durer ung an sans le traffîc et commerce de Levant, ains s'accomoderont aussitost qu'ilz pourront; et s'esbahissent de quoy Votre Majesté a donné du tiltre de Grand Duc au duc de Florence; ce que l'Empereur et Roy Catholique luy ont refuzé quand c'est venu à traicter de le recevoir en lad. ligue ; et sont lesd. deux Majestés mal satisfaictes dud. duc.

Sire, touchant les nouvelles des3Iorisques, don Jehan d'Austrie, après avoir mis en déffence ung grand fort qu'il a faict dens les montaignes Alpuxarres, s'est retiré en la ville de Grannade; il y a des Italliens qui l'ont suivy et au duc de Sesse durant la guerre; lesquelz se moquent dé la grandeur dud. fort; car il y fault trois mil hommes pour le garder; et veu que lesd. Morisques n'ont artillerie ny moyen d'assaillir ung petit lieu médiocrement fort, il leur semble qu'il suffizoit d'une bicoque, mais qu'ilyeust des gens et des vivres dedens. Pareillement lesd. Italliens desprizent les Espaignolz qui ont esté en lad. guerre de ce quih n'entendent rien en fortiffications ny en approches et batterie de places, ne sinon fort peu es autres factions militaires ; de sorte que si autres gens que de ceste nation ne s'en meslent, il y en a pour d'icy à dix ans à veoir la fin desd. rebelles. C'est pour quoy, Sire, on dict que deux régiments de Vallons viennent avec lad. Dame Royne, et du cousté d'Itallie viendront quatre mil Italliens pour les employer en lad. guerre durant cest hiver; et le petit roy desd. Mores qu'on disoit avoir capituUé, il n'a voullu tenir la capitullation, ains se maintient tousjours en armes une fois en une part desd. Alpuxarres et autres fois dans les montagnes de Ronde, accompaigné de huict ou dix mil bons soJdatz Morisques vagabondz comme luy; lesquelz n'ont rien à eulx ny veullent avoir sinon de persévérer en guerre mortelle contre les Espaignolz; mais ceulx qui avoient maison et biens sont retournez ou se réduisent de jour en jour à l'obéissance en leur rendant le leur ou autres possessions, et si hardy chrestien d'en olfencer

NO 245.-8 AOUT i570 247

le moindre, car soudain don Jehan d'Austrie, qui les a prins soubz la protection du Roy Catholique, les faict punir. De Madrid, le viij"»' d'aoust 1570.