A la Royne

Madrid, 8 août 1570.

Madame, Le xxvij"* du mois passé, je fuz viziter don Loys de Torres, comme j'ay escript à Votre Majesté dud. jour par ung courrier du Roy Catholicque allant en Flandres, que j'estois délibère de faire et si j'eusse heu loizir dud. courrier, il vous eust porté le discours qui s'ensuit. M'ayant dict icelluy don Loys qu'il partist de la court de Portugal le troisième jour dud. juillet, s'en est venu par la ville de Malgua veoir son père et parentz, car il en est natif; et est arrivé en ceste ville le xxiij"" dud. mois. Je Tavois vizité à Seville et luy à moy et raconté dès lors en quel estât estoit le pourparlé du mariage de Madame, soeur du Roy, avec le roy de Portugal, dont il me deist avoir commission du Pape d'en parler quand il seroit aud. Portugal au mesme roy et h son conseil, comme il m'a asseuré à son retour avoir faict par les propres termes contenuz en la minute de deux lettres en itallien qu'il a escriptes de Lisbonne le quinziesme de juin; lesquelles il m'a monstrées, une au Pape et l'autre au cardinal Alexandrin, leur rendant compte de son voiage de Portugal et de ce qu'il y a negotié par commission de Sa Saincteté, ensemble de ce que luy a esté respondu sur les deux chefz de sad. commission, car il n'en avoit non plus à traicter.

Le premier d'attirer led. s' roy à la ligue contre le Turc et qu'il fust content d'envoyer ses dix gallères présentement pour se joindre à l'armée de lad. ligue, et vouUoir créer une bonne flotte pour l'an qui vient. Il luy a esté respondu quand à ced. premier chef, qu'il n'avoit sinon deux gallères armées à cause que la ciurme des autres huict a servy aux hospitaulx de la peste dud. Lisbonne durant le danger; la pluspart de laquelle ciurme y est morte ; et seroit ce secours trop tardif pour ceste

» Original. Bibl. Nat., ms. fr. 16103, f» 616.

année; mais en la prochaine il baillera de bonne heure vingt cinq bons vaisseaulx entre gallions, ses dix gallères et autres grands navires, tout bien armé et esquippé qu'il n'y manquera rien.

L'autre chef, Madame, a esté pour persuader aud. roy le mariage de Madame; en quoy led. don Loys s'est estendu par si bonnes remonstrances qu'il seroit, à mon advis, impossible d'avoir mieulx dict, le tout de la part de Sa Saincteté, qui interposoit en cela son aUthorité, son afiectîon et sa prière, gardant dignement la grandeur du Roy Très Chrestien, comme je m'asseure que Votre Majesté verra par la coppie desd. lettres et discours, car led. Père Sainct les aura faict donner à- votre ambassadeur à Rome, s'il ne Ta envoyée à son Nonce en votre court pour vous la communiquer, et pareillement la responce dud. jeune roy, qui n'est que de remerciement et de sa dévote obeissence comme de bon filz à son père; neantmoins que desja il avoit escript à Sa Saincteté et donné charge à son ambassadeur rezident aud. Rome de luy faire entendre ce qui a passé entre le Roy Catholique, son oncle, et luy sur ce mariage; scachant bien que Sa Saincteté n'en estoit point informé lors du partement dud. don Loys : lequel don Loys en a parlé après h la rojTie dud. Portugal, qui ne dezire bien ny contentement en ce monde tant que lad. alliance. Le cardinal en semblable en a escript à Sa Saincteté de sa main, sur la promesse que led. don Loys luy a faicte que led. ambassadeur de Portugal rezident à Rome n'en scaura rien^ car il est parent des deux Theatins et .

mis de leur main aud. estât; et ils les redoubte grandement; suppliant led. s' cardinal à Sad. Saincteté qu'il luy plaize <

embrasser led. faict avec toute la chaleur qu'il pourra. Les autres s" dud. conseil luy ont respondu que c'est le plus grand heur qui pourroit advenir à leur roy et à son royaume.

Quant au confesseur, qui est le Theatin principal, ilrespondit qu'il le dezire tellement pour son endroit qu'on l'en tient pour suspect et trop affectionné qu'il se face signifGant qu'il manque par led. jeune roy plus que par nul autre; lequel n'a nulle volunté pour le présent de se marier; et parce que led. don Loys leur remonstroit qu'estoit donc la cause pourquoy il avoit esté escript et donné parolle au Roy Catholique de traicter led.

mariage, respondent que ce fust lad. Dame royne qui donna lad. paroUe soubz deux conditions, Tune que sa Majesté Catholique renonceast à ses pretensions des Isles Malucques, et l'autre que les François feissent réparation des excez de la Madère. Ce que entendu par ced. S' Roy Catholique, il luy sembla que ce n'estoient demandes pour debvoir retarder d'entrer aud. traicté ; et là dessus il demanda que Sa Majesté Très Chrestienne envoyast son pouvoir par deçà pour en traicter, tennant le consentement dud. jeune roy tout rezoUu.

Et là dessus, Madame, est survenu le grand crédit desd. frères Theatins qui font parler leur maistre tel langaige qu'ilz veulent; et de jallouzie d'estre reculez, comme en effect ilz seront, s'il se marye, ils n'empeschent pas seulement led. mariage, ains sont cause que led. jeune roy a toutes les femmes en horreur et n'en peult veoir aucune. Concluant led. don Loys de Torres qu'il fault que Sa Saincteté prenne led. mariage en sa main; et si par son moyen il ne se faict, il fauldra croire véritablement que le led. jeune roy n'a point puissance d'homme et que sond. confesseur le scait, mais ne le veult descouvrir ne diffamer, craignant une révolte comme elle y seroit aud. cas, pource que le royaume le feroit moyne et vouldroit que don Duart fust roy et qu'il print femme pour en avoir lignée; laquelle femme seroit Madame votre fille et non autre ; car du plus petit marinier ou laboureur Porturgois jusques au plus grand sieur, il n'y a celluy qui ne la dezire pour royne et dizent d'une voix que led. deux Theatins frères empeschent que elle ne Test desja ; et cest empeschement vient de leur malice, afin de régner et tenir plus longuement led. roy en leur pouvoir; se tennant pour très asseurez qu'il n'y a mariage pour mad. Dame que celluy dud. Portugal, et que neccessairement elle leur est rezervée sans pouvoir espouzer autre mary que led. jeune roy. C'est ce qui les faict si arrogantz.

Ne voulant obmetre à vous dire, Madame, que passant led. don Loys en avril par cestc ville, il déclara à la Princesse de Portugal la commission qu'il avoit du Pape de parler dud. mariage; ce que elle n'oblia pas de dire à don Alvaro de Castro, quand il veint la viziter et luy le deist aud. s' roy, son maistre, à son retour aud. Portugal. Sur quoy lesd. Theatins feirentsoub-

dain une despcsche à Sa Saincteté devant Tarrivée dud. don Loys, afin de prévenir sad. charge et donnèrent advis à Sad. Saincteté des escuzes et raisons qu'ilz ont de laisser dormir led. traicté à cause du bas eage dud. roy, et les demandes qui avoient esté faictes aud. S' Roy Catholicque par la lettre que la royne dud. Portugal luy feist d'entrée qu'il entasma le propoz et seroient bien aises que Voz Majestez demandassent à Sad, Majesté Catholicque qu'il vous acomplist sa promesse, espérant par ce moyen le faire condescendre à renoncer aux Malucques ou marché nul. Et respondent aussi que les François n'ont à se plaindre dud. Portugal; car c'est de la part dud. S' Roy de Castille qu'il leur a esté propozé et non de la part du Roy Très Chrestien; mais une grande taceaiguerie desd. Theatins et de leurd. maistre qu'ilz promisrent et feirent entendant aud. don Loys qu'il est respondu à Sa Saincteté sur led. mariage par une lettre qui hiy a esté donnée; et toutesfois parung double d'icelle qu'il a trouvé moyen de recouvrer, n'en est escriptung seul mot, sinon tant seullement de la ligue et de l'armée que led. jeune roy promest pour l'an qui vient; estant vray, Madame, que le conseil dud. s" roy debatist aud. don Loys que le bref de Sa Saincteté ne parle que de lad. ligue. Parquoy sembloit estrange qu'il y eust adjouslé led. proproz de mariage. Respond led. don Loys que cela c'estoit obmis exprez, pource qu'il failloit communiquer aux Vénitiens lad. demande de la ligue et armée; et ne vouUoit Sa Saincteté qu'ilz entendissent qu'il s'entremectoit du mariage; se faisant fort que Sad. Saincteté envoyeroit à ces fins non ung seul bref, ains cent, s'il seroit besoing.

Madame, Votre Majesté entend par ce discours en quelle bouche led. don Loys de Tourres a laissé lesd. s'^ roy, royne, cardinal et autres dud. Portugal. Il s'arrestera encores quelques jours en ceste court et après s'en retournera par la poste à Rome, où il eschaufera le Pape de prendre ce négoce vifvement; et pence qu'il sera renvoyé aud. Portugal avec plus expresse commission. Il est clerc de chambre de Sa Saincteté, bien gentil personnaige et fort affectionné que led. mariage se conclue. Toutesfois j'entendz que les Portugois vouldroientj si le Pape s'en mesle, qu'il le feist traicter par quelque evesque ou autre personne de plus grande authorité,

N» 245. — 8 AOUT 1570 25i

car ilz sont fondez en fumée, vanité et foUie comme la plus vaine et oultrecuydée nation de chrestienté; et fauldroit que ce fust de manière que le Roy Catholique n'entrast en jallouzie de veoir entreprendre sur son marché; car il pourroit gaster tout.

Laquelle Majesté, Madame, y est allé franchement, sincèrement et de bonne intention, à ce que led. de Torres m'a dict et asseuré ; car s'il fust autrement, il en eust descouvert quelque choze estant aud. Portugal; et demeure fort picqué et mal content de sond. nepveu et desd. Theatins. M'a dict aussi que don Juhan Mascareigne a faict bons offices à son retour de France, et semblablement don Alvaro de Castro à son retour d'icy. Il n'y a que ung poinct qui me desplaize en ceste Majesté Catholicque : c'est de quoy il n'a prins ce faict à bon escient, car s'il eust bravé et menacé comme il debvoit faire, cela seroit achevé; mais il est trop phlegmaticque en ses propres et plus urgentz affaires, ainsi que les siens mesmes s'en plaignent; et n'est pas de merveille s'il procède lentement es vostres.

Icelluy de Torres, Madame, en l'audience que Sa Majesté Catholique lui a donnée deux jours après m'avoir faict led. discours, n'a pas faiily de le luy représenter tout du long, ainsi qu'il m'a asseuré despuis, et faict bon serement que led. S"* Roy Catholique est bien fort dezireux que led. mariage se face; et luy a respondu qu'il est grandement desplaizant de quoy le roy, son nepveu, ne cognoist mieulx ce qui luy est tant proffitable et à son royaume comme est votred. alliance. Trouve pareillement très mauvaize la longueur et manière de procéder de ses conseillers; que touchant à luy, il y a faict ce qu'il a peu et s'y employera tousjours de bien bon cueur. Aussi luy semble fort à propoz que Sa Saincteté embrace ce négoce, afin de vuyder toutes difficultez par son authorité. M'a semblablement asseuré que la Princesse, mère dud. roy de Portugal, selon ses paroUes y a grande affection, et que led. de Tourres remonstrera à Sad. Saincteté ; et, s'il aura l'honneur d'estre renvoyé pour ce faict aud. Portugal, il procurera qu'il luy soit commandé de passer vers Voz Majestez pour les advertir des bons offices dud. Père Sainct et prendre instruction et comman-

dément de Voz Majestez sur ce qu'il vous plaira qu'il face aud. Portugal.

Et puis, Madame, que la praticque dud. mariage est encore en son entier et qu'il y est tant affectionné, je pence que Votre Majesté fera bien de donner charge à votre ambassadeur de Rome qu'il moyenne queled. de Tourres aytlad. commission de Sa Saincteté; car combien qu'il soit Espaignol de nation, il est serviteur du Pape, auquel il espère tout son advancement. Au reste, Madame, l'ambassadeur vieil dud. Portugal attend son successeur au xx"* de ce mois, lequel est proche parent desd. Theatins et s'appelle don Duart de Castelblanc, homme de trente cinq ans pour le plus. Ainsi lesd. Theatins vont establissant leur crédit par leurs parentz et amys qu'ilz font employer aux charges, qu'il n'y a rien qui leur eschappe et ne soit mis de leur main, ayant si bien faîct par leurs journées que la royne ayeuUe de leur maistre est recuUée et le cardinal, son oncle, n'y est plus pour rien compté; car ilz gouvernent tout soubz led. jeune roy qui s'en va estre de l'humeur du feu Prince d'Espaigne, ou beaucoup plus estrange et bizarre qu'il n'estoit, car ung des principaulx de ceste court, comme pourroit estre Ruy Gommes, me l'a dict. C'est, Madame, tout ce que je scaurois dire à Votre Majesté des nouvelles de deçà ; et va ceste depesche par le s' Benavent qui m'a demandé ce voiage, pource qu'il dezire aller trouver Mons' de Ferralz en Flandres; m'estantbien long de veoir venir Lasalle; aussi est ce qu'il y aura tantost quatre mois que je le depeschiz. Mesdames les Infantes sont en bonne santé. La duchesse d'Alve a esté mallade de quelques accez de fiebvre; mais elle est bien guérie à présent.

Madame, je prie Dieu qu'il vous vueille conserver et maintenir très longues années en très accomplie santé et félicité. De Madrid, le viij"' d'aoust 1570.

De sa main : Madame, led. s' Ruy Gomes me disoit ce matin que le Roy son maistre est fort malcontent desd. deux Theatins, gouverneurs et maistres du roy de Portugal, son nepveu, pour toutplain de chozes qu'ilz ont faictes et font journellement pour luy desplaire, comme est d'avoir osté la royne hors d'authorité, à cause que elle leur sembloit favorable à Sa Majesté Catholique, et d'empescher le maryage de Madame, pource qu'il le

N«« 245 ET 246. — 8 août do70 253

traictoit. A raison desquelles chozes et aultres, ilz se peuvent tenir asseurez de le lui payer quelque jour chèrement; et le petit malsage de leurd. jeune roy n'y gaignera rien; lequel veult faire du suffizant et gaste tout.

Vostre très humble, très obeyssant et très obligé subject, vassal et serviteur.

FORQUEVAILX.