A la Royne

Madrid, 8 août 1570.

Madame, Je vous supplie très humblement qu'il n'est possible et vous adjure par votre bonté et clémence qu'il vous plaise me revocquer et oster de ceste ambassade, car il n'y a ordre ny remède que je la face davantage ; et m'est advis qu'il vous doibt suffire de m'y avoir tenu cinq ans; ce qui n'advint à nul aultre ambassadeur vostre il y a longtemps. Mesme il est vray, Madame, que despuis qu'il vous pleust m'envoyer par deçà, vouz avez changé voz ambassadeurs de Rome, Angleterre, Venize et Flandres une ou deux fois; entre toutz lesquelz n'y en a ung seul si antien serviteur de votre coronne que je suis, ne qui ait myeulx mérité du service du Roy et vostre pour l'avoir deu plus souUager et myeulx traicter et gratiffier que à moy. Parquoy, Madame, il est raisonnable que vous y ayez esgard et à mon eage; car cinq ans perduz à moy ou aultant vault me sont à présent plus à plaindre que vingt ans n'estoyent en ma jeunesse. Vous scavez. Madame, si je les puis estimer au nombre des perduz ne si les promesses de Voz Majestés m'ont advancé en rien. Cecy puis je dire que aux occasions qui ont passé durant lesd. cinq ans en vostre Royaulme, je fusse mort comme d'aultres voz fidelles serviteurs ou j'aurois à présent myeulx que je n'ay. Or, avez vous la paix que je prie Dieu vous garder longuement? Je ne demande sinon qu'il vous plaise. Madame, me renvoyer à Narbonne comme Votre Majesté m'en a tiré ; à me faire tant de grâce que mon successeur arrive par deçà devant que la

* Autographe. Bibl. Nat., ms. fr. 16103, f" 653. — C'est par erreur qu'en -cet endroit cette lettre a été, postérieurement dans le recueil des minutes, datée du mois de septembre 1571.

nouvelle Royne y soit ; à laquelle aussy bien je ne scaurois faire la belle harengue pour son joyeulx advenement, ny me resjouir de la veoir Royne d'Espaigne au lieu de la feu Royne votre fille, pour la perte et mort de laquelle j'ai pleuré larmes de sang, et la regretteray tant que je vivray. C'est, Madame, la requeste que vous faict du meilleur de son sens

Votre très humble, très obeyssant et très obligé subject et serviteur.

FORQUEVAULX.