A la Royne

Madrid, 3 septembre 1570.

Madame, Si par le bon office que le Pape envoyé faire par don Louys de Tourres ne sera prinse une bonne rezoUution sur le mariage de Madame avecq le roy de Portugal, je croy qu'il n'y fauldra plus avoir espérance; ains il y aura de quoy soubspeçonner que ung Castillan ou Castillane le destoume ou les deux. Si est ce qu'on me faict entendant que le Roy Catholique et Madame la Princesse, sa soeur, dezirent qu'il s'acomplisse et qu'ilz en ont escript bien chauldement et envoyé leurs lettres à leur ambassadeur don Juhan de Borge par img sien home qui avoit attendu sa depesche cinquante jours; lequel home est party de Madrid ung jour devant led. de Tourres. Je ne scay s'il y auroit de la malice par lad. diligence et prévention; car si ce fust pour faire bon office et non pour gaigner le devant, led. sieur Roy Catholique m'en eust dict quelque mot,quand,en ma dernière audience le xxx du passé, je l'exhortois de vous respondre clairement dud. maryage du si ou du non, et que ce fust, s'il luy estoit possible, tellement que Voz Majestés eussent cause de s'en contenter. Mais il estraignist les espaulles et me deist qu'il respondroit le rnyeulx qu'il pourroit sans me dire quoy ny que led. de Tourres eust receu aulcune depesche, ce qu'il scavoit neantmoins bien. Tant y a, Madame, que j'ay despuis en çà parlé aud. de Torres, qui m'a juré, comme j^ai escript en mon aultre letre à Votre Majesté, et asseuré de la bonne intention et bons

' Autographe. Bibl. Nat., ms. fr. 16403, f» 622.

NO. 247 ET 248, 4 septembre 4570 255

offices desd. Roy etPrincesse. Semblablementle Nonce dud. Père Sainctet le secrétaire Caves, qui me vindrent visiter le premier jour de ce mois, attestent le mesme sur leurs consciences. Par ainsy je n'y scay faire aultre jugement ne conjecture, sinon d'attendre le retour dud. don Loys, car par luy se scaura ce qu'il s'en fault promectre, excepté qu'il en voulsist aller faire le premier rapport à Sa Saincteté; auquel cas, je ne seray pas négligent aussy de presser Sad. Majesté Catholique, lequel le debvra bien scavoir, qu'il vous en responde clairement s'il ne l'aura faict par la responce qu'il m'a promys de faire à mon memoryal mentionné en la letre que j'escripz au Roy; laquelle responce j'envoyeray à Voz Majestés par Vallue incontinent que je lapourroy retirer, et sur les aultres articles. Quant à Chantonay, Madame, il sera fort bon de veriffier qu'il a dict les méchantes parolles, car les veriffiant il ne peult faillir d'estre ruyné et vous venger de tant de maulvais offices qu'il feist estant ambassadeur près de Voz Majestés, et croy que aura tousjours continué et fera où qu'il soit. Ung courrier venu de Flandres a dict que le Roy s'en alloit en Piccardie. Cela donne à discourir que c'est pour veoir la Royue d'Espagne sur le Pas de Calais ou de Boloigne en passant.

Madame, je prie Dieu qu'il face succéder toutes chozesà votre souhaict et contentement.

De Madrid, le troisiesme de septembre 1570.

Votre très humble, très obeyssant et très obligé subject, vassal et serviteur.

FORQUEVAULX.