Au Roy

Madrid, 11 octobre 1570.

Sire, Encore que Votre Majesté puisse avoir desja sceu l'arrivée de la Royne d'Espaigne au port de Larede en Espaigne,

si m'a il semblé ne debvoir pour cela faillir de vous en donner advis ; et que ce fust le jour Sainct François, qualriesme de ce mois, dont en ceste court on faict feu de joye, feste et allégresse le vj"'. Le Roy votre frère, Sire, estoit lors à Escuryal attendant lad. nouvelle, et aussitost de l'avoir sceue lia fait partir parla poste le conte de Lerme. gentilhomme de sa chambre, porter des bagues et joyaulx à lad. Dame Royne, et la prier de voulloir s'advancer de venir devant que l'hiver survienne et la surprenne en chemin. Ce qu'elle faict et pourra entrer à Valdolit le xvj"' de ce mois où elle est attendue tle ceulx de la ville avec grande dévotion pour la recevoir et honnorer, comme ilz sont tenuz et mesme que elle y fust née par ung xviij"' de juillet en Tan mil V" cinquante deux, ung quart d'heure devant les sept du soir: duquel lieu de Valdolit on compte jusques à Segovie dLx sept lieues. Parquoy il est croyable que elle y arrivera peu de jours après, et que les nopces s'y feront dens ced. mois. La Princesse de Portugal s'acheminera d'icV lundy prochain, xvj"" du présent, pour aller à Segovie pour y arriver la première et faire préparer le chasteau de lad. ville où elle attendra lad. Dame Royne, la recevra et logera, et fera la despence des nopces durant quatre jours que lesd. deux Majestés y séjourneront; car ced. S' Roy y arrivera comme l'on ^estime tantost après lad. Royne. Puis, les nopces faictes, et les quatre jours passez, s'en viendront au Bosc dud. Segovie, et de là à Madrid où la feste n'empirera pas. Je croy bien. Sire, qu'il y viendra de votre part quelque notable personnage pour vous resjouir avec lesd. Majestés de leurs nopces; et veulx espérer pour les vôtres que seront acomplies entre cy et là, si elles ne le sont de ces heures.

Le duc d'Alve, Sire, n'oblia d'escrire l'autre jour à lad. Princesse de Portugal comme la royne d'Angleterre avoit envoyé en Flandres un millord honnorablement acompaigné pour viziter lad. Dame Royne Catholique; et vous. Sire, vous estes contenté de la faire viziter par votre agent, qui est une manière de reproche, qui n'a pas esté celle par lad. Dame comme mal contente, que sa niepce n'a esté vizilée de votre part par quelque grand seigneur. Et ne font pas peu de compte de ce que lad. Dame royne d'Angleterre feist sortir neuf ou dix de ses grandz gaUions au devant de lad. flotte faire la salve à la Royne Catholique et la

présenta ' de beaulx rcfrediissemenlz et d'une bague d'un grand pris que la royne angloise luy envoya; qui ne sont que démonstrations artificieuses sans aucune bonne volunté; et Dieu scait comme le Roy Catholique laissera pour cela de perdre le maltalent- qu'il porte à la royne d'Angleterre pour les grefs que les Anglois ont faict à ses subjects dont. Sire, je suis adverty que elle commencera dens bref temps à s'appercevoir; et si ce ne sera surl'isle d'Angleterre, ce sera au moins sur Hirlande, car Richard Stuely et l'arcevesque de Cassel ne dorment pas. estant led. Stuely demeuré en ce lieu avec deux de ses gens, Fung Anglois, et l'autre Hirois. Tout le surplus de son train l'est allô atendre en Gallice, vers la Corroigne, auquel païs y a bon nombre de gens de guerre, prestz à s'embarquer pour passer en Hirlande, bien qu'ilz n'en scavent rien et s'embarqueront sur une partie des navires qui ont mené la Royne d'Espaigne. Et pourra estre que les quinze cens Vallons qui sont venuz sur lad. flotte seront de l'entreprinze; mais je ne puis encore scavoir qui en sera le chef. Il est vray que le prieur don Hernando de Tollede, filz naturel du duc d'Alve, vient d'arriver, qui pourroit bien en avoir la charge. Et lesd. arcevesque de Cassel et Stuely partiront par la poste pour aller aud. embarquement. Me tcnnant bien asseuré, Sire, que si aud. Hirlande descendront quatre mil hommes de guerre, que toute l'isle s'eslevera tout aussitost contre les Anglois, car les princes du païs leur sont enemys ; et ne tint que au feu Roy de glorieuse mémoire votre père de s'en faire Roy, lorsque Monsieur de Vallence et moy fusmes envoyés de sa part vers led. princes.

En oultre j'entendz, Sire, que de l'infanterie qui se levé en ce royaume en gros nombre, lequel je ne puis scavoir, il en passera deux mil en Piémont, en faveur de Monseigneurde Savoye, qui se deffie de ceulx de la religion prétendue refformée, à cause qu'on dict que M' l'admirai de Chastillon espouse la contesse d'Entremont. Et a esté bruict quelques jours qu'il alloit votre lieutenant gênerai au Marquisat de Saluces, qui a donné à parler et discourir à ces courtizans trop creduUes et soubspegonneux.

Au reste, Sire, la conclusion de la ligue est arrcstée et envoyée ;

* Présenter, offrir.

* Colère, irritation.

280 DÉPÈCHES DE M. DE FOURQUKVAUX

mais on ne scait encore si le duc d'Urbin sera gênerai pour la descente sur terre, ou bien si ce sera le duc de Parme; toutesfois ce doibt estre entre Tung des deux. Et que je n'oblie à dire ung mot de la guerre de Granade. Il se dict publiquement en ceste court que les Morisques ne se monstrent plus en corps ny en nombre pour faire teste ny résistance, si ce n'est quelquefois à bouttées et par surprinses; qu'ils se rassemblent en petites troppes pour charger en sursault les chrestiens, s'ils en voyent des bendes. A ces fins, Sire, pour exterminer du toutlesd. vagabons, Ton dict que l'infanterie qui se faict en divers endroictzde Castille et Andolouzie servira et avoir nectoyé les montaignes et Alpuxarres dud. Grannade, au long et au large, sera employée contre le Turc sur l'arnire de lad. ligue. Le duc de Medine Cely va en Flandres au lieu du duc d'Alve, lequel s'en retournera en Espaigne par le chemin qu'il feit en allant aud. Flandres. Don Anthonio de la Cueva, par cy devant maistre d'hostel de la feu Royne votre soeur et de Mesdames les petites Princesses, est declairé mayord'home mayor de la nouvelle Royne d'Espaigne, une sienne terre qu'on appelle Ladrada, érigée en marquisat et à luy une commanderie de l'ordre de S' Jacques de cinq mil escuz de rente. Le Roy Catholique l'a voullu ainsi, et le car'* de Sigueuce le favorize encore qu'il en desplaize aux grands de Castille. C'est ung fort bon gentilhomme qui a fort bien servy la feu Royne et Mesdames ses filles et continuera, car leur estât et maison sera mesme chose avec celle de la Royne leur belle mère, encore que le service soit séparé.

Dud. Madrid, le xj"' octobre 1570.