A la Royne

Madrid, 41 octobre 1570.

Madame, J'escriptz au Roy les nouvelles que jay aprinses depuis que Vallue est party. Et sera ceste lettre pour vous dire que don Loys de Tourres m'a monstre qu'on luy a escript de Rome que le Pape tennoit souvent concistoire pour remédier à la peur qu'il avoit de perdre Avignon à cause de la paix de France, trouvant bien estrange que le Roy print en mauvaise part qu'il y eust envoyé des soldats itallicns en garnison; et

N« :258. — H ocioBRE 1570 281

avoit coru ung bruict aud. Rome comme il a faict icy que Sa Magesté vouloil bailler lad. ville et le comtalàcculx delà religion prétendue reformée, dont Sa Sainctelé cstoit fort esbahye^ et aussi de ce que lesd. Avignon et contât ne sont esté comprins et reservez de votre part et articles de lad. paix. Ces langages, Madame, ont donné icy de nouveau à parler et discourir h ceulx qui ne peuvent gouster le repos de votre Royaume ny la reconciliation de vos subietz; mais j'ay respondeu aud. de Tourres qu'il n'y avoit propoz ny apparance de comprendre lesd. ville et contât en lad. paix, car TEstat de l'Eglise est de tout tempz soubz la protection de la couronne de France et que Teedict de la paix a esté faict afin de pacifier et reconcillier les François qui estoient en querelle entre eulx, et non en guerre contre le Roy; (Je sorte que à voulloir reserver les amys et alliez de lad. couronne en'lad. paix, il estoit requis qu'il y eustheu à l'encontre de Sa Magesté ung autre roy ou grand prince estranger son esgal. lequel eust en semblable comprins les siens suivant la nature et coustume de Iclz traictez; ce qui n'a lieu par lad. pacification, car c'est Sa Magesté qui a reconcillié ses subjectz réciproquement et leur a pardonné à toutz, car il y est intervenu delafaulte de toutes partz, et n'y a poinct apparence de penser que lesd. Italliens fussent suffisants de défendre la ville quand il plairoit à Sa Magesté s'en emparer ou la consigner à quelcun; mais bien lad. garnison donneroit coleur et occasion ausd. prétendus reformés de crier qu'on entretient des estrangers contre eulx, et de voulloir eulx pareillement qu'il leur soit permis d'en tenir pour leur seureté, qui seroit aud. cas reallumer le feu, qui tant a cousté d'estaindre ; auquel compte le soubspeçon que Sa Saincteté a heu de chose tant esloignée de raison doibt estre sorty des enernys et envyeulx de votred. couronne, qui vouldroient mectre en jallouzie et deffiance led. Père Sainct de votre cousté, ce qu'il n'a occasion, ains de croire et faire estât que Sa Majesté Très Chrestienne quand besoing sera se declairer prendra à l'exemple des Roys ses encestres la deffencc du S' Siège contre et envers quiconqne essayera de Toffencer, qui est fort loing de debvoir craindre qu'il vueille permectre que ses subjectz de quelque rchgion qu'ils soient entreprennent d'envahir ou endommager led. Avignon et contât. Ainsy, Madame, il m'a esté advis

282 DÉPÊCHES DE Ms DE FÛURQUEVAUX

que led. de Tourres est demeuré satisfaict des doubles susd. et luy ay remonstré quant aux articles dud. edict qu'ilz ne sont si desadvantageux comme Ton crie, mesme que par l'edict premier on preschoit à la calviniste en toutes les citez de France, ce qui est défendu par le dernier. Icelluy de Tourres pence avoir demain son congé du Roy Catholique et reprendre son chemin dud. Rome parla poste en intention de passer par Languedoc. Mesdames les petites Princesses s'en vont retirer pour ung nombre de jours au monastère de S' Jheronime en atendant la nouvelle Royne leur belle mère. Elles se portent fort bien, Dieu grâces, mais Faisnée a fort pleuré quand on luy a dict que lad. Dame Royne estoit arrivée en Espaignc. Il a esté commandé à Chassincourt et aux autres filles de luy persuader que c'est sa propre mère; ce qui sera diffîcille, car elle a ung esprit et jugement d'une fille de quinze ans. Du xj"' octobre 1570.