A la Royne

Madrid, 14 octobre 4570.

Madame, Ce m'estoit une grande espérance que le mariage de Madame se traicteroît au premier jour d'avoir entendu la revocation de l'ambassadeur de Portugal don Francés Pereires, croyant avec d'autres de ceste court que son successeur don Duard de Castelblanc, proche parenl des deux Theatins, viendroit fourny de commission pour traicter led. mariage. Et sur cela je depeschis Vallue vers Vos Majestés le xaj"' du passé. S'est ensuivy, Madame, que led. Pereires pour oboyr auRoy son maistre partist de ceste ville le xxvj*"" de septembre avecques femme et enfans non sans regret de quicler une charge où il s'est veuhuict ans autorisé et favorisé plus qu'il ne sera en sa patrie; et toutesfois sond. successeur n'arrivera plustost par deçà que après les nopces du Roy Catholique afin défaire l'office de viziter par mesme moyen et evicter à despence, car en Portugal ont reformé toutes despences jusques à l'extrémité; mais qui que soit cause de ces longueurs, je voy bien que la venue dud. ambassadeur nouveau n'advancera pas beaucoup led. traicté qu'il n'y ayt assez d'allées et de venues devant que commencer d'y entrer. 11 est neantmoins vray et ne scay, Madame, sy c'est l'instance de Vos Majestés, ou

N- 259. — 14 OCTOBRE io70 283

de son mouvement, que le Pape a escript par une sienne depesche du mois d'aoust en tel langage au roy de Portugal et au car'* Infant, qu'il Ta grandement adoulcy et dispozé à se marier, ainsi que don Loys de Tourres m'a dict; et m'a Anthoine d*Almeyde certifié d'avoir veu et leu une lettre que le sieur Lorenso Pères de Tavora, ung des premiers hommes du conseil d'Estat dud. Portugal, a escript par led. de Tourres à ung sien nepveu en ceste court, nommé don Christofle de Mores; disant que le mariage du roy de Portugal et de Madame votre fille ne fusl onc en si bons termes qu'il est à présent: car le Pape a escript de sa propre main aud. roy que la conservation ou la perte et ruyne de chrestienté consiste aud. mariage, qui est cause que Sa Saincteté l'exhorte, et prie le plus chauldement qu'il luy est possible d'oster toutes difficultés et dillations, luy protestant s'il ne se marie bientost avec mad. Dame, il aura les Roys d'Espaigne, France et Sa Saincteté pour enemys et qu'il sera le premier à y mectre le feu. Tout aultant. Madame, en escrivent aud. Christovol deux autres s" dud. conseil et don Jehan de Borge et que lesd. roy et cardinal respondent de leur main avec telle satisfaction qu'il demande; désirant qu'il soit juge et arbitre de leurs demandes et pretenssions; desquelles particularités ne m'a rien declairé led. de Tourres; c'est que je croy qu'il veult, et a raison, que Sa Saincteté scache par luy la première nouvelle de sa negociacion, et Vos Majestés par la voye de sond. maistre, dont je pense qu'il vous en ira faire le rapport, afin d'entendre votre rezoUution: et pour esbaucher les choses couleront quelques jours et mois, mais aussi sera ce le service du Roy et votre d'avoir par ceste patience plus de lumière des secrets de ces deux Roys et veoir ce qu'ils ont sur le cueur, ne s'ils ont collusion ensemble pour vous abuser et tenir en longue expectative, afin d'exécuter cependant leurs dessains sansempeschement: car l'ung a la guerre du Turc, et h recouvrer Tunes, et l'autre en veult au roy de Fez cest esté qui vient, ou au moins il s'en faict bruict en Portugal; de laquelle collusion secrète, y a, Madame, de quoy doubler et en m'escroire ^ Sa Majesté Catholique en considérant la froideur de ses responces du xix d'avril et xviij de

^ Ne pas croire.

septembre, et qu'il n'a faict les offices et démonstrations envers led. roy, son nepveu, avecques la chaleur qu'il apartenoit mesme s'il ne s'en vouUoit esmouvoir davantage ny s'en mectre en coUere que donc il eust envoyé ung des s" de son conseil d'Estat ou autre personnage de quallité aud. Portugal leur parler en grand Roy mal content et offencé d'estre desdict de sa paroUe et promesse qu'il avoit donnée à Vos Majestés, en vertu d'une lettre de la propre main dud. roy, son nepveu, et autre de la royno ayeulle d'icelluy. On me respond que c'est son naturel de passer ainsi froidement ses propres plus urgents affaires, qui n'est, à mon advis, suffizante descharge, car il n'en scauroitpourcejourd'huy avoir nul de telle concequence que celluy là, sy Vos Majestés le veuUent prendre à la rigueur. Tant y a. Madame, que à Dieu ne plaise que je vueîlle vous aigrir contre luy ne contre le roy de Portugal, que vous n'en ayez plus de lumière ny estre si mal sage de destourner la bonne fortune de Madame, si elle s'offre en aultre endroit digne de Son Alteze, et de votre alliance, sauf qu'il me semble que de touz les princes à marier led. roy de Portugal est en estatz et en biens le plus convenable h votre Royaume, pour tout ce qui pourroit encore survenir. Et ne puis, Madame, me renger à croire qu'ils ne dezirent aultant led. mariage en Portugal comme Votre Majesté le scauroit voulloir; mais leur manière de faire les froids n'est que pour vous mectre à la taille et vous faire renoncer à la navigation des Indes pour vous et vos subjectz. C'est, si je ne me trompe, ce qu'ils vcullent estre traicté par le Pape; ce qu'il m'a semblé comprendre aux dernières parolles de don Loys de Tourros, qui me l'a dict comme de par luy ; mais Sa Saincteté feroit oeuvre digne du lieu qu'il tient d'estre moyen que les Indes fussent reparties justement, et que la France en eust aussi sa bonne part, afin que Dieu y fut cognu et honnoré mieulx qu'il n'est, et éviter toutes occasions de querelle. De Madrid, le xiiij'""^ octobre 1370.