Au Roy

Madrid, 18 octobre 1570.

Sire, Depuis le xxx™' d'aoust, je n'avois esté à l'audience du Roy Catholique, votre frère, jusques avant hier, xv"' du présent.

N" 260. — 18 OCTOBRE i570 285

pource qu'il s'est tenu ores au Pardo, ores à Escurial, ou retiré au monastère S' Jheronime, en atendant la venue de la Rovne, son espouze, qui luy lardoit beaucoup, et en esloit en terrible soucy pour les dangers de la mer, et quasi hors d'espérance que elle peult venir de cest hiver; auquel cas, elle eust prins son chemin par terre s'embarquer h Gennes, celluy mesme que le duc d'Alve feit allant en Flandres. Mais il a pieu à Dieula conduire à bon port, le troiziesme de ce mois à Laredo et à S* Andrest, où elle est descendue.

En mad. audience, Sire, je me suis resjoui avec led. S' Roy de votre part et de la Royne pour Theureuze arrivée de la Roync Catholique. Il en remercie bien affectueuzement Vos Majestés, scachant bien que vous aurez tousjours bon plaisir de ses heureux succez; et m'a raconté que la tourmente avoit duré trois jours à la flotte en arrivant; parquoy il a esté besoing laisser repozer lad. Dame^ ses gens, et chevaulx, qui se sentoient du travail et de l'avertion de la mer; duquel S* Andrest elle deslogeroit hier ou ce jour présent, pour venir en sept jours à Burgos, et de là en cinq à Vaildolit, où elle fera la Toussainctz, puis en quatre ou cinq à Segovie, lieu destiné pour les nopces qui se pourront faire devant la S' Martin et sur le xx""" de novembre arriver en ceste ville. Je dezirois scavoir s'il fauldra (jue les ambassadeurs se trouvent ausd. nopces; ce (ju'il ne m'a voullu dire, toutesfois qu'il nous fera adviser assez à temps de ce que nous avons h faire. Si est ce que tout homme se tient prest; et n'y a si petit cavaillero qui ne face habillement neuf, et veslir ses gens de livrée pour honnorer la feste.

J'ay, Sire, en oultre demandé h Sa Majesté Catholique s'il luy plairoit me dire ce que don Loys de Tourres luy a rapporté de Portugal en responce des deux depesches du Pape, afin que je les feisse entendre à Votre Majesté. Il m'a respondu que le roy de Portugal ne luy en arien escript et qu'il ne m'en scauroit dire davantage que ce que led. de Tourres luy adict m'en avoir communiqué, ni'asseurant neanlmoins que le propoz du mariage n'est poinct rompu, et que Sa Sainctoté y peult grandement par son authorité, comme en semblable sur les deux Theatins qui gouvernent led. jeune roy absolument; qui est tout ce qu'il luy semble que je puis escrire à Vos Majestés sur ce faict. Je luy ay remons-

286 DÉPj^CHES de m. de FOURgUKVAUX

tré que Madame vous est demandée et requise d'autres grands lieux; ne soaurois toutesfois dire s'il y a parti pour elle d'aucun grand prince catholique, lequel soit à marier; que ce sera donc par contrainte et neccessité qu'il fauldra que Vos Majestés la donnent à ung protestant, car n'y a ordre de luy devoir faire perdre sa fortune ny son eage. Il me demanda quel eage Madame avoit. Je luy respondis que seze ou dix sept ans et sur cella il m'alla dire que Teage convenoit fort bien aud. roy son nepveu : lequel aussi peu ne scauroit trouver femme pour luy de ceste part de huict ou dix ans sinon mad. Dame; et à mon advis c'est le seul mariage et le plus à propos pour toutz qui soit en chrestienté; m'en parlant, Sire, d'une telle façon que je demeure le plus confuz du monde; car ses parolles sont remplies d'affection que led. mariage se face; et de l'autre part^ il ne semble qu'il ne s'en est poinct tant eschaufé comme il debvoit pour ce que au fin moins il deubt avoir envoyé ung des s" de son conseil d'Estat aud, Portugal ou autres s" de quallité leur braver et prétexter en grand Roy mal content et offencé ; ce qu'il n'a faict, ains a passé les choses trop froidement. Il est vray, Sire, que pour remonstrer le peu de compte que led. jeune roy tennoit de la royne sa grand mère, led. S' Roy Catholique y envoya^ il y a trois ans, le duc de Feries, qui brava et fit assez de menaces; tant y a que ses protestations ny ses bravades n'y advencerent rien, ains en ont faict moins d'estime despuis et n'en a esté autre chose; car ce sont de cornelins * gaillards qui ne prisent roy ny nation que la leur; et suis adverty, qu'ils veuUent ognimodo demeurer paisibles des Malucques sur le marché, estant bien aizes que Votre Majesté presse ced. S*^ Roy de vous acomplir la paroUe ; et veoirrez, Sire, qu'ils auront respondu à Sa Saincteté par led. de Tourres qu'il leur face quicter lad. prétention^ reparer les excez de laMadere et defl'endre à vos subjects de naviguer vers les conquestes dud. Portugal, qui seroitvouUoir rendre la France esclave, je parle de ceste dernière condition, et vous priver de pouvoir conquérir une province dont j'ay escript par autres mienes lettres à Votre Majesté qui est plus grande que France et Espaigne, et aultant fertille et copieuse de toutes choses que païs de desoubs le cîeL

» Corneaulx, cornellins, chiens.

Et touchant, Sire, à ce que icellui de Tourres m'a dict du faict du mariage de Madame votre soeur, Votre Majesté aura, s'il luy plaist, souvenance de ce que je vous cscriviz en septembre qu'il estoit retourné aud. Portugal exprez, avec une depesche du Pape bien fort affectionnée et l'espérance que je y avois. Il est advenu. Sire, que led. de Tourres a esté de retour en ce lieu le quatriesme de ce mois, m'a faict entendant que sur lad. depesche luy fut faict une responce assez maisgre, quoyqu'il eust remonstré oultre le contenu des lettres de Sa Saincteto tout ce que humainement ung autre ministre peult avoir faict; mais luy avoit esté reppliqué lé propre langage de la première fois qu'il y fust encore plus froidement, mesme que le roy de Portugal est tout tel qu'il estoit en may et en juin derniers, c'est à scavoir en bas eage et trop délicat pour se marier si tost; aussi que Madame votre soeur n'avoit poinct de haste, ny ne peult rien perdre pour atendre quelques ans à prendre mary; car Madame de Savoye sa tante eust bien plus longue patience. En oultre que la paix de France leur semble estrange à cause d'aucuns articles portés par votre eedict de paix qu'ils baptisent là et icy capituUation ; de laquelle paix fault veoir quels effects en sortiront devant que passer plus oultre aud. négoce.

Autres parolles aussy fades et sans goust que celles là luy furent respondues en luy baillant les lettres que led. roy et son conseil rescrivoient sur lad. depesche à Sa Saincteté; non. Sire, de telle sorte qu'ils entendissent coupper la pratique dud. mariage; et ainsi mal satisfaict led. de Tourres print congé dud. roy qui estoit lors à Bellain voyant la monstre et resseigne de samillice et legionaires qu'il a faict enroUer dans Lisboneet de là s'en alla à Cintre, autre sienne place à cinq lieues dud. Lisbone; led. de Tourres s'en retourna led. soir en intention de reprendre lendemain son chemin de Madrid; ce qu'il eust faict; mais il luy surveint la nuict une nouvelle depesche du Pape avec lettres de sa main propre aud. roy et au car'* Infant; parquoy led. de Tourres s'en alla aud. Cintre et leur donna lesd. lettres sans dire ny propozer chose nouvelle, car il n'en avoit à ce qu'il m'a dict aucune commission ; lesquelles lettres veues et consultées sans communication de la royne, car elle n'est pour rien comptée, ains se tient aud. Lisbone, lesd. roy et car'* rescri-

virent de leur main au Père Saint ce que led. roy n'avoit encore faict, disant led. caH aud. de Tourres en prennant congé qu'il s'en dcbvoit à ce coup partir bien joyeulx, car il laissoit les choses en beaucoup meilleurs termes qu'il ne les avoit encore veues, et trouveroit Sa Sainctele dens lesd. lettres telle responce dentelle recevra contentement. Qui est. Sire, la plus grande clarté dud. négoce que j'ay peu tirer dud. embassadeur: lequel est d'opinion que luy de retour à Rome Sa Saincteté depeschera soudain personnage exprez vers Votre Majesté vous donner compte dud. négoce. J'entendz que ce sera led. de Tourres; et la Princesse de Portugal a dict à certaine personne qu'il sera en ceste cour dens deux mois; bien m'a fait bon serement led. de Tourres encore ceste fois que le Roi Catholique procède sincèrement aud. mariage, et a tousjours faict bons offices ; en foy de quoy il m'a produict les coppies d'aucunes lettres de Sa Majesté escriptes à don Jehan do Borge, ambassadeur en Portugal, cependent que led. deTourres y estoit; par lesquelles estoit mandé bien expressément aud. de Borge qu'il luy assistât à procurer et faire tout ce qu'il pourroit pencer qui peult servir aud. traicté pour satisfaire à Sa Saincteté et à Votre Majesté et de la Royne; m'ayant fort prié et exhorté led. don Loys pour le bien universel de la chreslienté de vous supplier très humblement, Sire, ne vous fascher de ces longueurs ny de voulloir entendre à aucun autre parti pour Madame, pource qu'il espère et s'asseure,Dieu aydant, que celluy de Portugal sortira elfect.

Là dessus, Sire, je luy ay représenté assez de choses concernant votre dignité et grandeur, blasmant ses façons exquises dont on traicte Votre Majesté, que par adventurepourroientadmenerdes repentailles avecques le temps aux plus asseurez, et au mesmc roy quitant se monstre froid et dédaigneux, car la France n'est pas au dessoubz comme ceulx qui s'y cognoisscnt estiment, ains plus redoubtable ([u'elle ne fust il y a cinq cens ans, ainsi que je luy ay faict toucherau doigt. Il y a, Sire, ce malheur qu'en tout Portugal n'y a ung seul homme qui cognoisse votre Royaume ni ses forces ny en tout Espaigne, je croy, sine sont le Roy Catholique, le duc d'Alve et Ruy Gommes, toutzles autres ne scavent que c'est de France et pource que le duc d'Alve la cognoit mieulx qu'eulx c'est l'occasion pourquoy il se plaist tant de la division de vos

subjectz. Or Votre Majesté, Sire, aura entendu par ce discours le propos, qu'icelluy de Tourres m'a tenu concernant led. mariage auquel Sa Majesté Catholique m'a remis pour vous en donner advis; à quoy je n'ay vouUu faillir ny de rendre compte à Votre Majesté de ce qui s'est passé en mad. dernière audience. Ne faisant. Sire, à oblier que led. de Tourres m'a dict qu'il arriva aud. Portugal en mauvaise saison pour leur parler des affaires de France :c'estoit lors que les courssaires de La Rochelle eurent faict morir trente ou trente six Theatins pourtugois qui alloient aux Indes. Ce fust cruaulté, mais aussi peu avoient mérité la mort plus de trois cens François qu'ils ont pendus et tués sur le Rio pays de Gennero, au païs du Brasil et en toutz autres lieux où lesd. Portugois sont plus forts que voz subjectz ils n'en ont plus de mercy que des mothons. De Madrid, le xviij"* octobre 1570.