Au Roy

Madrid, 18 octobre 1570.

Sire, Je rends compte à Votre Majesté par une longue lettre de ma main de l'audience que j'ay heu du Roy Catholique, le xv"' de ce mois; la présente racontera si peu de nouvelles que j'ay aprinses depuis que Vallue partist de ceste cour, comraenceantpar ung advis venu de la main du duc d'Alve à Madame la Princesse de Portugal, disant, par manière de reproche, que la royne d'Angleterre avoit envoyé en Flandres ung grand millord magnifiquement acompaigné pour viziter la Royne d'Espaigne; et de votre part ne l'avoit vizitée sinon un agent; ce que lad. Princesse n'a pas celle. Et pour ce. Sire, je pence qu'il sera bon qu'il vous plaise envoyer personnage de quallité par deçà pour faire cestoffice ; et puisqu'il plaist à Vos Majestés que je la visite en vos noms en attendantled. personnage, je n'yferaypointde faulte, et de meilleur cueur si je scauray qu'il vient succéder en mon lieu, comme il seroit meshuy temps après cinq ans passez, que Vos Majestés fussent servies d'avoir pitié de votre service et de moy; car je suis si fort las de ceste ambassade que vos affaires s'en porteront trop mieulx qu'ils ne font de changer d'ambassadeur.

Touchant à Tinfanterie qui se faict en divers lieux d'Espaigne^ j'entends que deux mil hommes d'icelle passèrent en Piémont, à cause que Monseigneur de Savoye se deffie de ceulx de la religion nouvelle, et de M^TAdmiral, qui espouse la contesse d'Entremont, comme Ton dict; et a esté bruict qu'il alloit votre lieutenent gênerai aud. Piémont, qui a donné à parler et discourir aux courtisans trop creduUes. Autre bon nombre en sera envoyé en Naples et Sicille; le surplus va entrer dans les douze fortzque le Commandeur mayor de S* Jacques faict faire sur les Alpuxarres de Granade, et en autres places dud. royaulme: car ne voyent autre remède pour tenir lesd. Morisques en obéissance et subjection ; encore par dessus cela, seront desplacez plus de cinquante mil âmes dud. peuple, et translatées en Castille ; et en leurs lieux entreront des Castillans. Le petit roy est esvanoui, que l'on n'en scait nouvelle ny des vagabonz de sa suite, au moins qu'ils facent teste ny résistance, mais de fuyr de roche en roche; nonobstant tout cela, ne laissent les chrestiens à se tenir sur leurs gardes de peur d'estre assaillis en sursault, car les desbandés se trouvent mal quelques espoisses garnisons qu'il y ayt. Aussi la resoUution de ceste Majesté sur l'élection du capitaine gênerai de cinquante mil hommes qui doibvent descendre pour la ligue, fust envoyée en terre avant hier au Pape et à Venise, bien couvert et secrètement. Si est ce que ce sera le duc de Parme, et le duc d'Urbin qui en aura la charge.

Dud. xviij"** octobre 1570.