A la Royne

Madrid, 48 octobre i570.

Madame, Si le brodeur eust faict bonne dilligence de vous apporter ma depesche. Votre Majesté n'eust pas esté en peine de désirer estre advertie de la cause du partement de la duchesse d'Alve, comme j'ay veu par la votre, qu'il vous a pieu m'escrire du premier de ce mois, que j'ay receu le xj"'; et m'a semblé par trop brefve, selon le temps qui est passé depuis votre dernière depesche du xiiij^'d'aoust. Duqueljour en çà. Madame, je despechis d'icy Bonnevent,le brodeur et Vallue avecquesles nouvelles que je scavois. Ce porteur Laplace va porter à Vos Majestés celles

w 262. — 18 OCTOBRE 4370 29i

que j'ay aprinses depuis lors. Et touchant lad. duchesse, elle, Madame, ne menoit autre chose que d'avoir son congé huictmois devant que de l'obtenir, disant de voulloir aller devers le duc, son inary, en Flandres, si à luy n'estoit permis de retourner en Espaigne, comme il en faisoit toute instance; et scavoit bien lad. duchesse qu'il n'estoit possible selon les loix inviolablement gardées en Gastille qu'elle fust camarere mayor de la nouvelle Royne ; car cela apartient seuUement aux vefves ; et elle n'eust jamais accepté d'cstre gouvernante de Mesdames les Infantes ; et jaçoit, Madame, que elle servit de camarere mayor à la feu Royne votre fille, qui soit en gloire, qui estoit en certaine manière contrevenir aud. loix, c'estoit neantmoeins en absence dud. duc; car elle n'entra jamais au palais pour en servir qu'il ne fust plus tost hors de ceste court, et acheminé en Flandres. Mais il y a encore autre raison : c'est. Madame, que l'Imperatriz protesta de belle heure.au Roy Catholique que elle ne vouUoit point que la Royne d'Espaigne, sa fille, eust gouvernante, comme lad. feu Royne avoit, signifiant pour lad. duchesse, car sad. fille est assez discrète pour se scavoir gouverner; il failloit par conséquent que lad. duchesse se retirast en l'une sorte et en l'autre, ce que elle a faict et a moyenne que son estât soit demeuré à la marquise de Fromeste, aussi vieille et caduque ou plus que n'estoit la feu contessc d'Ureigne ; et elle est à présent bien mallade. Lad. duchesse a faict aussi donner l'estat de gouvernante de Mesdames les Infantes à doigne Marie Chaccon, car Sa Majesté Catholique luy a voullu complaire en tout ce que elle luy a demandé ; et m'a l'on dict que elle a porté une assignation de quarante mil escuz d'aide de coste ; aussi est ce que elle a tousjours tenu maison honnorable, et sa présence illustroit l'hostel desd. Princesses et estoit dignement bien séante auprezde Leurs Altezes; tant y a qu'elles ne laissent d'estre honnorablemcnt et bien servies et traictées en toutes choses dignes de filles de si grand lieu. N'estant à omettre cecy par ma lettre qu'estant dict à Madame la Princesse Yzabeau que la dame Royne estoit arrivée en Espaigne, elle pensa fondre en larmes et gémissements, sy fort esmeue qu'on fust une bonne espace sans la pouvoir appaiser;.à ceste cause, il a esté commandé à Chassincourt, qui est la plus aymée et la plus serviable, et aux autres dames de persuader à Leursd. Altezes, que

c'est leur propre mère et n'user aucunement du nom de marastre ny de terme qui les descourage d'aymer leur belle mère ; vous asseurant. Madame, que lesd. Infantes sont de si merveilleuze discrétion et jugement pour leur eage, que je croy qu'il seroit impossible d'en trouver de semblables.

Au reste, Madame, don Anthoine de la Cueva, leur mayor d'home, a esté fait mayor d'home mayor de la dame Royne, et gouvernera la maison desd. Altezes qui ne sera que une avec celle là, combien que le service soit séparé ; et a esté ordonné que elles ne desjeuneroient plus le matin comme elles faisoient; mais elles disnent à dix heures et souppent à six du soir; bien les font gouster entre les deux repas.

Quant à ce, Madame, qu'il vous a pieu me commander par votre lettre de visiter ceste Dame Royne au nom de Vos Majestés, en attendant le gentilhomme qui doibt venir de vos partz pour la visiter, j'en baize très humblement les mains de Votre Majesté pour tant de mercy; et comme je n'ay garde d'y faillir, je vous respondz, Madame, que je vous obeiray de meilleure volunté si je scauroy que led. personnage vient pour succéder en mon lieu, ce qui seroit meshuy temps, après cinq ans passés qu'il pleust à Vos Majestés estre servies, d'avoir esgard à votre service et prendre pitié de moy qui suis tant las de ceste ambassade, que vos affaires se porteront trop mieulx par deçà de changer d'ambassadeur qu'ils ne font.

A ce propos. Madame, me semble vous devoir advertir comment le duc d'Alve escrivist de sa main par le capitaine de sa garde à Madame la Princesse de Portugal, n'a pas long temps, que la royne d'Angleterre avoit envoyé en Flandres un grand milord, magnifiquement accompaigné pour viziter la Royne d'Espaigne, et de vos partz ne l'a voit vizitée sinon votre agent; ce que lad. Princesse n'a pas celle. Parquoy, Madame, il vous plaira faire élection de personne à faire lad. vizite qui contente les Majestés Catholiques et vienne garny de lettres à lad. Princesse, aux Princes de Bohême, au car'* et à Ruy Gommes; et vous plaize le charger du présent de Cayes, comme il vous a pieu tant de fois le promettre.

Madame, je doibs à votre grâce et bonté ce que je suis et recognois en tenir de nouveau l'honneur qu'il a pieu au Roy me

N«« 262 ET 263. — 9 novembre 4570 293

faire, do me retenir de son conseil privé, dont je baize pieds et mains à Sa Majesté et Votre très humblement, priant Dieu m'enseigner et assister à faire ce que je suis tenu pour me rendre digne d'entrer en lieu et compaignie plus],honnorable que mes services ny moy n'avons mérité.

De Madrid, le xviij"* octobre 1570.