LIVRE II

chose aucune approchant des apparitions des fantosmes : au contraire, Sylla l'ayant fait interroger par ses truchemens en toutes langues, il ne respondit jamais rien que Ton peust entendre, ains jetta seulement une voix aspre, meslee du hannissement du cheval et du beuglement du bouc : dont l'ont peut aisément cognoistre qu'il estoit une de ces bestes brutes de l'espèce des Singes Satyres, qui tiennent de l'un et de l'autre de ces animaux.

Ces Satyres qu'Osiris, qui est le mesme que Bacchus, menoit avec luy dans ses armées, estoient-ils autre chose que de ces Singes? Diodore escrit qu'ils estoient veus, et furent aimez de ce Prince, parce qu'ils estoient plaisants en leurs ricanneries et agilitez bouffonnesques, dont mesme leslndiens, comme dit Lucian, prirent subject de le mespriser : et de leur nature les Satyres, à la façon des autres Singes, sont ainsi bouffons. Aussi lisons-nous dans Solinus

qu'ils sont forts plaisants à veoir, ne pouvant s'arrester en place sans se mouvoir et faire tousjours quelques soubresaults et gaillardes gesticulations. C'est pourquoy nous voyons aujourd'huy que les grands Seigneurs ont de coustume de faire traisner à leur suitte de pareils animaux. Ce qui n'estoit pas moins ordinaire parmy les Princes de l'antiquité, ainsi qu'il est notoire par exemple de Salomon, qui s'en faisoit apporter de Tharsis, de trois ans en trois ans. Et les Cercopes que Plutarque escrit avoir esté les flatteurs d'Hercule, comme les Satyres de Bacchus, si l'on regarde seulement le nom, estoient des Singes communs, dont il prenoit son passe-temps, comme Bacchus des Singes Satyres, et que les Fables par allégorie ont dit avoir esté hommes comme les Satyres demy- Dieux.

Les Satyres donc, pour en tirer le pourtraict racourcy, sont animaux irraisonnables du genre des Singes, tous