Tabort, c'est ce que nous ap cl Ion s carauanne

ne fusse accompagné que de cinquante à soixante Cosaques, ils ne nous purent rien faire, et aussi nous ne peusmes rien gagner sur eux, car ils n'approchoient pas de nous à la portée de nos armes. Mais après auoir fait plusieurs feintes de nous attaquer et de nous enuoyer des nuées de flesches sur la teste, car ils tirent par arcade, bien le double de la portée de nos armes, ils se retirent, et voici leur subtilité comme ils se cachent dans les campagnes, afin de surprendre quelque carauane et que Ton n'aye vent d'eux. Vous serez aduertis que ces campagnes sont couuertes d'herbes de deux pieds de hauteur, de sorte qu ils nepeuuent cheminer sans fouler ladite herbe, laquelle fait vn estrac ou piste, de sorte qu'on connoit de quel nombre ils peuuent estre, et aussi de quel costé ils vont, et de peur qu'on ne les suiue auec force, ils ont trouué pour cela vne inuention qui est d'vne bande quatre cents qu'ils sont, ils feront quatre rayons de leurs troupes qui pourra estre chacune de cent cheuaux, les vns vont vers le

de l'vkrànie. 97

nord les autres au sud, d'autres à l'orient et occident. Bref, toutes les quatre petites bandes vont chacune de son rayon virou vne lieue et demie, au bout de laquelle cette petite troupe de cent se diuise en trois qui seront uiron de trente-trois qui vont de la mesme sorte comme cydeuant, sinon de la riuierre, puis au bout d'vne demie lieue, ils commencent derechef à se diuiser en trois, et ainsi s'acheminent, comme nous auons dit, iusques à tant qu'ils soient réduits en dix ou douze ensemble, et tout cela se fait en moins d'vne heure et demie de temps, et tout au grand trot, car quand ils sont descouuerts toute diligence leur est tardiue, et sauent tous ce manège au bout du doigt, et connoissent l'estre des campagnes comme les pilotes connoissent les ports , et chaque escouade d'onze s'en vont trauers champs, comme il leur plaist, sans se rencontrer dans leur cerne , en fin , ils se rendent à iour nommé à leur rendez-vous qui sera à plus de dix ou douze lieues de là dans

quelque fond où il y a de l'eau et bonne herbe, car c'est là où ils gistent, et chaque petite troupe tient chemin à part, les vus ont court chemin en leurs rendez-vous, mais les autres en sont fort esloignez à cause des obliquitez et renceints qu'il faut qu'ils facent, et puis, l'herbe foulée des onze cheuaux est releuée d'vn iour en l'autre, de sorte qu'il n'y paroist point ; estant arriuez ils demeurent ainsi quelques iours cachez puis recheminent en corps, et donnent dans quelque villace de la frontière qu'ils surprennent et emportent, puis s'enfuyent, comme auons dit. Or les Tartares ont trouué cette subtilité de se cacher dans les campagnes, et aussi poùr mieux tromper ses Cosaques qui les poursuiuent chaudement sçachant qu'ils ne sont que cinq à six cents. Les Cosaques donc montent à cheval mille ou douze cens, les poursuiuent, et cherchent les traces; lesquelles ayant été trouuées , ils les suivent iusques au cerne cydessus descrit ; là ils perdent leurs mesures, ne sçauent où les chercher, car la

: de l'vkranie. 99

trace va de tous costez , ainsi ils sont contraints de s'en retourner en leurs maisons et dire qu'ils n'ont rieu veu; voilà comme ces Tartares sont difficiles à rencontrer si ce n'estoit de hazard qu'on les trouuât beuvans et mangeans ou dormans la nuict, mais ils sont tousiours sur leurs gardes; ils ont l'œil plus fin et plus subtil que les nostres, d'autant qu'il est peu ouuertet par conséquent ont le rayon visuel plus fort et voyent plus que nous; ils nous descouurent auant que nous les voyons, en fin le plus fin l'emporte, non la force ; s'ils se rencontrent le matin ou le soir à vne heure de soleil soit leuant ou couchant, ce sera à qui des deux gagnera le soleil pour l'auoir à dos, comme deux naires en mer à qui gagnera le vent, en fin si les Polonnois enfoncent dans les Tartares, et que les Tartares ne se sentent pas assez forts pour les soustenir le sabre à la main ils s'esparpilleront comme mouches, c'est à qui fuira de son costé et tirent de retraite auec l'arc, à bride abbatue si dextrement qu'ils ne man-

quent point de 60 à 100 pas d'attraper leur homme; les Polonnois ne peuuent les poursuiure, car leurs cheuaux ne sont pas de si longue haleine que les leurs : puis les Tartares se rassemblent de nouveau à vn quart de lieue de là, et recommencent à faire charge de front sur les Polonnois, et puis quand on les enfonce ils s'esparpillent de nouueau et tirent tousiours en retraicte sur la gauche, car sur la droite ils ne peuuent, et ainsi fatiguent tant les Polonnois, qu'ils les contraignent de faire retraite, car quand ce ieu se fait, c'est lorsque comme i'ay dit, les Tartares se voyent dix contre vn, car autrement ils tirent de long sans retourner.

Voilà comme ces sortes de peuples se guerroyent en ces pays.

Disons maintenant comme les Tartares passent à nage les riuières, et des grandes qui soient en l'Europe.

Tous leurs cheuaux sçauent nager et particulièrement en ce pays qui est froid, et où l'eau est plus pesante que celle de France, pour n'estre si bien purifiée du soleil, mais

DE l'vRRANIE.

iem'asseure qui ameneroit leurs chevaux en France, qu'ils ne trauerseroient point la Seine comme ils font le Boristhène , c'est comme ie disois que les eaux sont plus pesantes, et par conséquent les corps graues y sont plus légers, comme ie l'ay esprouué; voicy donc comme ils font lors que l'armée veut passer le Boristhène, qui est la plus grande riuierre de ce pays : ils cherchent des lieux où les riues soient accessibles de part et d'autre ; cependant chacun fait prouision de ioncs ou roseaux , selon qu'ils en rencontrent, et en fait deux petits fagots longs chacun de trois pieds et gros de dix à douze poulces, esloignez l'vn de l'autre d'vn pied, auec trois trauers de bastons au dessus bien liezet au dessous vn de coin en coin aussi bien lié, qui est attaché à la queue desoncheual, puis le Tartare met la selle de son cheual sur son flottant, se dépouille, met ses hardes sur sa selle, puis son arc, flesches et sabre, le tout bien lié et attaché ensemble, puis tout nud, vn fouet dans sa main entre en la riuierre, chasse son cheual la bride sur le col,

laquelle il tient toutesfois d'vne main , et tantost de l'autre auec le crin du col, et ainsi fait auancer son cheual, le fait nager et luy aussi nage tousiours d'vne main et de Vautre tient tousiours le crin et la bride qu'il ne lasche iamais, et conduit ainsi son cheual, et le fait auancer auec son fouet, tant qu'il ait passé et trauersé la rivierre, puis quand son cheual prend pied à l'autre riuage, et qu'il n'a plus d'eau que iusques au ventre il l'arreste et destache son flottant de la queue de son cheual qu'il porte à terre et^n mesme temps qu' vn passe , tous les autres passent aussi : car ils font bien vn front de demie lieue le long de la riuierre, tout le bestial passe de mesme. Voilà ce que i'en ay peu apprendre des Tar tares.

Cosaques.

Il nous reste encore à dire, ce que nous auons promis cy devant de descrire, comme les Cosaques eslisent leur General, et aussi

DE i/VKRÀNIE.

comme ils vont en leurs courses trauerser la taer Noire Risques à Natolie, pour faire la guerre au Turc.

Voicy donc comme ils font le choix de leur Général. Après s'estre assemblez tous les vieux Colonels et vieux Cosaques qui ont crédit parmy eux , ils donnent chacun leur voix àceluy qu'ils croyent estre le plus capable, et à la pluralité des voix il est nommé. Si celuy qui est esleu n'accepte volontiers la charge s' excusant sur son incapacité ou insuffisance, ou bien sur son peu d'expérience ou vieillesse, cela ne luy sert de rien, et ne luy respondent autre chose qu'il ne mérite pas voirement cet honneur, et sans plus tarder le tuent sur-le-champ comme vn homme traistre, et ce sont euxmesmes qui vsent de trahison en cette action, et vous vous souuiendrez de ce que i'ay dit par cydevant en parlant de leurs mœurs et de leurs trahisons ordinaires. De plus si le Cosaque esleu accepte l'office de Général, il remercie l'assemblée de l'honneur qu'elle luy fait, bien quindigne et

incapable de telle charge, néantmoins proteste qu'il tachera par ses soins et diligences de se rendre digne de les seruir, tant en général qu'en particulier, et que sa vie sera tousiours preste pour le seruice de ses Frères (ainsi s'appellent-ils entr'eux). A ces mots vn chacun luy fait des applaudissemens criant vivat, vivat : et puis luy vont tous faire la réuérence l'vn après l'autre selon leur rang et le Général leur baille la main qui est la forme de saluer entr'eux, voila comme ils font l'élection de leur Général laquelle se fait bien souuent dans les campagnes désertes. Ils luy sont fort obeissans, et ce chef s'appelle en leur langue Hettman, il est fort absolu, et a pouuoir de faire couper des testes, et empaller ceux qui manquent, ils sont fort seueres, mais ne font rien sans le conseil de guerre qu ils appellent Ruds. Voicy la disgrâce qui peut aduenir au Général, c'est qui luy ennuient auoir vne telle prudence en sa conduite lors qu'il les mène à la guerre, qui ne leur arriue aucun eschet et qu'aux occasions et

DE l'vKRANIE

mauuaises rencontres, il se montre rusé et vaillant, car s'il commet quelque lascheté ils le tuent comme traistre : incontinent ils en élisent vn autre aux conditions ordinaires entr'eux, comme i'ay dit cydeuant :

les conduire et commander est vne charge fascheuse et est malheureux à qui il eschet; en dix sept ans que j'ay servy le pays tous ceux qui ont esté en cet employ ont finy malheureusement.

Quand ils ont dessein d'aller en mer, c'est sans congé du Roy ; ils le prennent du Général, et alors ils tiennent vn Ruds, c'està-dire conseil, et font élection d'vn Général pour les commander en ce voyage, etobseruent les mesmes cérémonies que nousauons dict pour leur grand Général , mais iceluy n'est que pour vn temps, puis s'acheminent à leur Sczabeuiska Woyskowa qui est leur rendez vous et la bastissent desbasteauxde viron 60 pieds de long, de 10 ou 12 pieds de large et profonds de 12 pieds : ce basteau est sans quille, basty sur vn canot de bois de saulx ou tillet qui a viron 45 pieds

de longueur et est bordé et rehaussé de planches de 10 à 12 pieds de long, larges de x viron vn pied qu'ils cheuillent et clouent les vnes sur les autres à clin, ainsi qu'on bastit les basteaux des rivierres, tant qu'ils soient paruenus à la hauteur de douze pieds, et de longueur de soixante pieds, les eslargissant à mesure qu'ils haussent : l'on y remarque les cordons de roseaux gros comme vn baril assemblez ensemble bout à bout tant qu'ils atteignent d'vn bout à l'autre du basteau, bien liez auec des cordes de tillet ou de mérisier, et les bastissent ainsi que nos charpentiers ont accoustumé auec des membres et trauers, puis les goudranent, et se seruent de deux gouuernails à chacun bout, à .cause que leurs basteaux estans d'vne grande longueur ils perdroient trop de temps pour virer lors qu'il leur est besoin de retourner fuyant en arrière, ils ont d'ordinaire dix à quinze rames de chacun bord, et vont plus viste que les galères des Turcs à la rame, ils ont aussi vn mast ou ils mettent vne voile assez mal faite, et ne s ; en

de l'vkbanie. 107

seruentquedebeau temps, et aiment mieux ramer de grand vent, lesdicts basteaux sont sans tillac, et quand ils sont pleins d'eau les roseaux qui sont attachez au basteau tout autour les 1 empeschent d'enfoncer en la mer, leur biscuit est dans vne tonne longue de dix pieds, et quatre pieds de diamètre, bien liée, et prennent leur biscuit par la bonde ; ils ont aussi vn ponçon de millet bouilli, et vn ponçon de paste deffaite auec de l'eau, qu'ils mangent meslée auec le millet, estant ensemble, dont ils font grand cas, et cela leur sert de manger et boire ; il a le goust aigrêt; ils l'appellent salamake, c'est-à-dire, manger délicieux, pour moy ie n'y ay trouué de goust exquis, et quand i'enay vsé en mes voyages c'a esté pour ne trouuer mieux : ces peuples sont fort sobres, et s'il se rencontre vn yurogne entre eux le Général le fait ietter hors, aussi ne leur est permis porter aucune eau de vie, estimant grandement la sobriété en leurs entreprises et aux occasions.

Lors qu'ils prennent résolution d'aller

en guerre contre les Tartares pour se ranger des torts et rauages qui leur ont fait, ils prennent leur temps en automne : pour cet effet ils enuoyent aux Zaporouys les choses nécessaires pour leur entreprise et voyage, et pour la construction de leurs vaisseaux, et généralement tout ce qu'ils pensent leur estre de besoin, puis se mettent en campagne cinq ou six mil, tous bons Cosaques gens de main bien armés et se rendent au Zaporouy pour faire leurs basteaux, et se mettent soixante pour bastir vn basteau qu'ils rendent prest en quinze iours, car ils sont de tous mestiers comme i'ay dit; ainsi en deux ou trois semaines de temps, ils rendent prests 80 ou 100 basteaux, de la forme que i'ay dit cydevant, ils s'embarquent dans chaque basteau 50 à 70 hommes auec chacun deux fuzils et vn sabre, et ont 4 à 6 faulconneaux sur le bord de leur basteau, munis de viures ainsi qu'il leur conuient, et sont vestus d'vne chemise et d'vn caleçon et en ont vn à rechange auec vne meschante robbe, vn bonnet, six Hures de

DE L'VKRANIE

poudre à canon, et du plomb à suffisance, ensemble des boulets pour leurs faulconneaux, et portent chacun vn cuadran. C'est là le camp volant des Cosaques en la mer Noire qui est capable d'affronter les meilleures villes de la Natolie.

Ainsi équippez descendent le Boristhene, l'Admirai a sa marque au mast qui d'ordinaire marche au tiers de l'auant, et leurs basteaux sont si proches les vns des autres que les auironsse touchent presque. Le Turc d'ordinaire en est aduerti, et fait tenir prestes plusieurs galères à l'emboucheure du Boristhene pour les empescher de sortir, mais les Cosaques plus rusés sortent d'vne nuict obscure proche d'vne nouuelle lune, et se tiennent cachez dans les roseaux qui sont 3 à 4 lieues dans le Boristhene où les galères n'osent aller , n'y ayans autresfois trouué leur compte, et se contentent de les attendre au passage où ils sont tousiours surpris, toutefois ils ne peuvent si subitement passer qu'ils ne soient apperceus; alors l'alarme court par tout le pays et va

iusques à Constantinople. Notez qu'ils ne partent qu'après la Saint-Jean pour estre de retour au plus tard au commencement d'aoust. Le grand Seigneur enuoye courriers par tout la coste de Natolie , de Bulgarie, de Romanie, afin que 'chacun' se tienne sur ses gardes, et aduertit que les Cosaques sont en mer : mais c'est en vain, car ils prennent le temps et la saison si à propos, qu'en trente six ou quarante heures ils sont en la Natolie, où estans ils mettent pied à terre chacun vn fuzil à la main, ne laissant dans chacun basteau que deux hommes et deux garçons pour les garder :

surprennent les villes, les emportent, les pillent et les bruslent, et entrent quelquesfois vne lieue dans le pays, mais retournent aussi tost, et se rembarquent auec leur butin, et s'en vont en autre lieu pour tenter autre occasion : et si par cas fortuit ils rencontrent ils attaquent, sinon ils s'en retournent auec leur butin en leur pays. Et s'ils rencontrent quelques galères Turques ou autres vaisseaux ils les poursuiuent et atta-

DE l'vKBÀNIE. 111

quent et l'emportent. Et voicy comme ils s'y prennent. C'est que leurs basteaux n'ont pas plus de deux pieds et demy sur l'eau, et clecouurent vn nauire, ou vne galère auant qu'ils puissent estre apperceus d'eux, puis mettent le mast de leur basteau bas, et remarquent à quel run de vent ils sont, et taschent de gaigner le soleil à dos pour le soir, puis vne heure auant le coucher du soleil ils rament vers le nauire ou galère avec force iusques à vne lieue après, crainte de les perdre de veù.e, et les gardent ainsi, puis viron sur la minuict (ce signal estant donné) ils rament puissamment vers les vaisseaux, la moitié de l'équipage prest à combattre, qui ne fait qu'attendre l'abord pour donner dedans, ceux du vaisseau estant fort estonnez de se voir attaquez de 80 ou 100 basteaux qui les comblent d'hommes et l'emportent d'amblée. Ce fait, ils pillent ce qu'ils peuuent trouuer d'argent et de marchandises de petit volume qui ne se peut gaster à Teau, ensemble les canons de fonte, et ce qu'ils pensent leur pouuoir

seruir, puis coulent le vaisseau et les hommes à fonds ; voila comme en vsent les Cosaques; s'ils auoient l'industrie de gouuerner vn nauire ou galère ils l'ameneroient aussi, mais ils ne sçauent telle maneuure. Après il faut retourner en leur pays, les gardes sont redoublées à Femboucheure du Boristhène pour leur faire rendre compte, mais ils se moquent de cela encor qu'ils soient foibles : car il ne se peut que dans les combats qu'ils ont rendus, ils n'ayent perdu beaucoup des leurs, et que la mer n'ait englouty quelques-vns de leurs basteaux ne poiiuana tous estre si bons qu'aucuns n'ayent manqué; ils vont descendre à vne ance, qui est à trois ou quatre lieues à l'est d'Oczakow, au quel lieu se trouue vn vallon fort bas long de vn quart de lieue de grande mer, montant quelquesfois vn demy pied d'eau, et va bien trois lieues à mont le Boristhène, où les Cosaques se mettent deux ou trois cens à tirer au col leurs basteaux, les vns après les autres et à moins de deux ou trois iours ils

DE l'vKBÀNIE

se rendent dans le Boristhene auec tout leur butin. Voila comme ils eschapent et esquiuent le combat contre les galères qui gardent l'emboucheure, le trauers d'Oczakow, finalement ils s'en retournent en leur Karbenicza, où ils partagent comme ie l'ay dit cydevant : ils ont encor vne autre retraicte, ils s'en retournent par le Limen du Don, passant par vn destroit qui est entre Taman et Kercy, et montent le Limen iusques à la rivierre de Mius, et iusques où elle peut porter basteau, car de cette source iusques à celle de Taczawoda, où il n'y a qu'vne lieue, et Taczawoda se va rendre dans la Samare qui tombe au Dnieper vne lieue au-dessus de Kudak. Mais rarement retournent par cette voie, à cause que le chemin est trop long pour se rendre au Zaperouy ; quelquesfois ils prennent cette' route pour aller à la mer, lors qu'il y a grandes forces à l'emboucheure du Boristhène pour les empescher de sortir ou qu'ils n'ont que 20 à 25 basteaux.

Quand les galères les rencontrent en mer,

et qu'il est iour, elles leur ioue beau ieu aue<*leurs canons, en les esparpillant comme des estourneaux , en coulent plusieurs à fonds, les estourdissent, de sorte que les eschappez vont promptement cingler où ils peuuent; mais quand ils combattent contre les galères, ils ne branlent point de leurs bancs, l'auiron est attaché au roulet auec vne hart de bois, et quant ils ont tiré vn coup de fuzil leurs camarades leur en baillent vn autre tout chargé pour tirer de nouueau, et ainsi tirent sans cesse et bien à propos, les galères ne peuuent venir aux mains seulement qu'auec vn basteau, mais bien leurs canons les endommage fort, dans ces rencontres ils y demeurent tousiours bien les deux tiers de leurs hommes, et c'est rarement quand ils retournent auec la moitié de leur équipage, mais apportent de riche butin, comme reaies d'Espagne, sequins d'Arabie, des tapis, toile d'or, de cotton, des estoffes de soye et autres marchandises de valeur. Voila de quoy les Cosaques viuent, et quel est leur reuenu,

de l'vxranie. 115

car pour mestier ils n en sçauer tre que de boire et faire la desbauche auec leurs amis lors qu'ils sont de retour.

Continuant donc sur la promesse que i'ay faicte disons quelque chose des coustumes entre eux obseruées, en quelques-vns de leurs mariages, et de qu'elle façon ils s'y

>ur, ce

Ml

croyable à plusieurs personnes.

Comme les filles font l'amour aux garçons.

Là donc contre l'ordinaire et l'vsage de toutes les nations, on y voit les filles faire l'amour aux jeunes hommes qui leur plaisent, et vne superstition qu'ils ont entre eux et qu'ils obseruent fort punctuellement, fait qu'elles ne manquent gueres leur coup, et sont plus asseurées d'y réussir que ne feroient les hommes si quelquesfois la recherche est faite de leur part; voicy donc comme elles y procèdent : La fille amou-

reuse s'en va en la maison du père du ieune homme (qu'elle aime) au temps qu'elle croit trouuer le père, la mère, et son ser-.

uiteur ensemble, dit en entrant en la chambre Pomagabog , qui vaut autant à dire que Dieu vous bénie, qui est le salut ordinaire qu'on fait en entrant dans leur poêles, où ayant pris place elle fait son compliment à celui qui a blessé son cœur et lui parle en ces termes, Ivan, Fedur, Demitre, Woiteck, Mîtika, en fin elle le nomme par vn des noms cy dessus qui sont les plus communs, reconnoissant en ton visage vne certaine debonnaireté, que tu sçauras bien gouuerner et aimer ta femme, et que ta vertu me fait espérer que tu seras bon Dospodorge; ces bonnes qu^litez me font te prier* très humblement de m'accepter pour ta femme, cela fait elle en dit autant au pere et à la mere en les priant humblement de consentir au mariage, et si elle en reçoit vn refus ou quelqu' excuse, qu'il est trop ieune, et non encor prest à marier, elle leur repond qu'elle ne partira iamais de

DE l'vMÀNIE.

là qu'elle ne l'aye espousé, tant que luy et elle viuront, ces paroles estans ainsi prononcées, et la fille y perseuerant et s'opiniastrant à ne point sortir de la chambre qu'elle naye obtenu ce qu'elle prétend; après quelques semaines le pere et la mere sont contraints non-seulement d'y consentir, mais aussi de persuader leur fils de la regarder de bon œil, c'est-à-dire, comme fille qui doit estre sa femme ; pareillement le ieune homme voyant la fille opiniastre à luy vouloir du bien , commence pour lors à la considérer comme celle qui doit estre vn iour maistresse de ses volontez, et pour cet effect prie son pere et sa mere instamment de vouloir luy permettre de mettre ses affections en cette fille, et voila de quelle façon les filles amoureuses (en ce pays) ne peuuent manquer d' estre bien tost pouruuës, car elles contraignent (dans la perseuerance)le pere, la mere et leurs seruiteurs à ce qu'elles désirent, et comme ie disois cydessus, crainte d'encourir le courroux de Dieu, et qu'il leur en arriuast quelque

sinistre malheur : car de mettre hors la fille ce seroit offencer toute sa race , qui en auroit du ressentiment , et aussi mesme ils n'ont pas pour ce suiet le pouuoir d'vser de voye de fait et de violence, sans encourir comme ie disois l'ire et la punition de l'Eglise, qui est rigoureuse en ce cas, ordonnant quand cela arriue des pénitences et des grandes amendes et notant leurs maisons d'infamie, tellement qu'es tans intimidez de ces fausses superstitions, ils éuitent tant qu'ils peuuent les infortunes qu'ils croyent comme articles de foy leur deuoir arriuer, par le refus de leurs enfans aux filles qui les demandent, et la coustume dont ie viens de parler n'est qu'entre personnes de condition esgale, car en ce pays les paysans sont tous également riches, et il y a peu de différence en leurs biens ; mais voicy d'autres amours d'inégale condition entre vn paysan et vne Damoiselle, par vne certaine coustume et privilège qui s'y obserue aussi.

DE l'vKRANIE.

Comme vn paysan peut espouser vne Damoiselle.

La coustume dans les villages de ce pays est que tous les dimanches et festes , l'apres diner, les paysans s'assemblent auec leurs femmes et enfans au rendez vous , c'est à dire, à la cauerne, où ils passent le reste du iour à trinquer les vns avec les autres , et en ces exercices il n'y a que les hommes et femmes qui passent le temps à boire, cependant que la jeunesse s'amuse à danser auec les filles au son d'vne douda (qui est vne cornemuse). Là ordinairement se trouue le seigneur du lieu et sa famille pour les voir dancer. Quelquesfois le seigneur les fait (lancer deuant son chasteau, qui est le lieu le plus ordinaire , et là luy mesme danse avec sa femme et ses enfants. Pour lors les nobles et les paysans se meslent ensemble , et est à noter que tous les villages de Podolie et Ukranie sont la pluspart enuironnés de bois taillis , où il y a des cachettes où les paysants se retirent l'esté lorsqu'il arriue

alarme des Tartares; ces taillis peuuent bien auoir demi-lieue de large , et bien que les paysants soient suiets presque comme esclaues, ce neantmoins ils ont d'ancienneté ce droit et privilège d'enleuer en ceste occasion , s'ils peuuent dans l'assemblée de la dance vne Damoiselle quand mesme elle seroit fille de leur seigneur, pourueu qu'il le fist avec telle dextérité et adresse que cela lui reussist bien (car autrement il seroit perdu) et qu'il se puisse enfuir dans ces bois taillis voisins de là , où s'il se peut tenir vingt-quatre heures caché sans pouuoir estre descouuert, alors il est absous du rapt qu'il a fait , et si la fille qui a esté enleuée le veut espouser, il ne la peut refuser sans perdre la teste, sinon il est quitte du crime, et on ne luy en peut plus faire aucune peine, mais s'il arriue qu'il soit pris dans les vingt-quatre heures, on luy couperoit la teste à l'heure mesme sans aucune forme de procez ; pour moy en dix-sept ans que i'ay esté en ce pays, ie n'ay point ouy parler que cela y soit arriué, bien ay-ie veu les

de l'vkranie. 121

filles faire l'amour aux garçons, et réussir plusieurs fois, comme ie l'ay dit cydessus , mais en cestuy cy il y a trop de hazard : car d'enleuer vne fille par force, puis s'enfuir à la face d'vne compagnie auec elle sans estre atteint, il faudroit auoir de bonnes jambes, ce qui seroit bien difficile sans auoir le mot et intelligence auec la fille, et d'ailleurs les paysans sont plus mastinez à présent qu'ils n'estoient autrefois, et la noblesse aussi y est deuenue plus hautaine et impérieuse , il y a apparence que lors qu'on a donné ce priuilege aux paysans, que c'estoit du temps que les Polonnois en élection de leurs roys prenoient celuy qui couroit le plus viste les pieds nuds, comme le plus vaillant et adroit, comme si la vaillance et dextérité d'esprit consistoit en la vitesse et dextérité du corps : et de là est encor venu comme ie croy que les nobles font faire serment au roy le iour suiuant de son eslection deuant l'autel, de n'emprisonner aucun noble pour quel crime que ce soit , horsmis celuy contre l'Estat ou sa personne , après

les vingt-quatre heures passées , pour dire qu'ils estimoient fort les personnes qui auoient la disposition de bien courir et d'al - 1er viste , et cela se remarque encor sans comparaison en Y estime qu'ils font des cheuaux vistes, car ils ne regardent qu'à cela , et les payent ce qu'on veut, pourueu qu'ils courent bien, et c'est à ce que ie croys pour acquérir l'adresse d'atteindre son ennemy quand il fuit, et de fuir vistement quand ils sont poursuiuis : puis que nous auons parlé des amours des Rus, disons quelque chose aussi du festin des nopces , et des particu-

mjfj

Comme se font les nopces.

Les cérémonies des nopces sont telles, la jeunesse tant de l'vn que de l'autre costé est conuiée et en suite reçoit ordre du fiancé et de la fiancée de prier tous les parons communs et d'assister au fVesellé , c'est à dire leurs nopces , et pour s'acquitter de

DE l'vXRÀNIE.

cette charge on leur donne pour marque à chacun vne couronne de fleurs quils passent à leur bras , avec vne liste de tous les conuiez chez lesquels ils vont le iour de deuant les nopces , marchant deux à deux ; le premier qui porte la parole et fait la harangue a vne baguette en main : ie ne m'arresteray point à vous dire rien des mets, et de combien de sorte de viandes on sert à table ; ie diray seulement que la nouuelle mariée estant bien parée à leur mode, sçauoir d'vne longue robbe de drap brun traînante à terre , garnie de baleine tout autour qui la fait espanouyr, et bordée de grand passement pardessus moitié soye et moitié laine, la teste descouuerte , les cheueux espandus sur les espaules , seulement le visage descouuert, et sur la teste vne couronne de fleurs suiuant la saison , son pere ou son frère ou proche parent la mènent ainsi à l'église , vn violon, cornemuse ou cimbale marchant deuant ; après estre mariez Fvn de ses proches parens la prend par la main et la ramené en la maison, auec

DESCBIPTION

la mesme musique ; ie passe sous silence les resiouyssances qui se font lors au festin des nopces, qui toutes fois sont extraordinaires, et en quoy ils ne cèdent en rien aux autres nations, seulement remarquerai-ie que ce qui les conuie d'autant plus à la desbauche , en laquelle ils sont enclins de leur nature , c'est qu'aux occasions des nopces, comme aussi aux baptesmes de leurs enfans, le seigneur du lieu leur permet de brasser de la bierre, priuilege qui fait qu'ils la boiuent à bien meilleur marché , et auec plus de profusion, car en autre temps il est à noter que les seigneurs ont des brasseries bannalles où tous les vassaux sont suiets de prendre leur prouision.

L'heure donc estant venue de coucher la mariée , les femmes parentes du marié la prennent et la mènent en vne chambre , où ils la despouillent toute niie , et la visitent de tous costez, iusques dans les oreilles, dans les cheueux, entre les doigts des pieds et autre partie de son corps, pour voir s'il n'y a point de sang , d'espingle ou coton

DE l'vKRÀNIE

imbu de quelque sirop rouge caché sur elle, et s'ils y trouuoient vne de ces choses les nopces seroient troublées et y auroit grand desordre, mais s'ils ny trouuent rien, ils lui vestent vne belle chemise de cotton toute blanche et neuue , puis la couchent entre deux draps, et font venir le nouueau marié à la desrobée pour venir coucher auec elle, et quand ils sont ensemble ils tirent le rideau ; cependant la pluspart de ceux qui assistent aux nopces viennent à la chambre auec la cornemuse, dançant chacun vn verre à la main, les femmes sautant et dançant en claquant des mains , tant qu'ils ayent de tous poincts consommé le mariage ; et dans cette heureuse conioncture, si elle fait quelque signe de ioye , aussitost toute l'assemblée saute, et battant des mains, hausse les cris de resiouyssance , les parens du marié sont tousiours en sentinelle autour du lict pour écouster ce qui se passe attendant à tirer le rideau que la farce soit iouée, et ils viennent lors luy donner la chemise blanche, et s'ils trouuent en celle qu'ils luy

ostent des marques de sa virginité , ils en font retentir toute la maison par les cris excessifs de ioye et de satisfaction que toute la parenté en tesmoigne , et en suite , lors que Ton l'habille et coiffe , c'est à la mode des femmes au nombre desquelles elle est receue , c'est à dire , la teste couuerte ; ce qui est seulement permis à celles qui ont acquis ceste qualité , car les filles ny portent iamais autre coiffure que leurs cheueux et le tiendroient à deshonneur.

Le lendemain Use joue vne autre farce, non moins plaisante, et qui doit sembler extraordinaire à ceux qui ne l'ont point veuë, qui est qu'ils passent vn baston dans les deux manches de la chemise , la tournent à l'enuers et la pourmenent en forme de bannière dans les rues de la ville auec grande solemnité , comme vn drapeau portant les marques honorables du combat , afin que tout le peuple soit tesmoin , et de sa virginité et de la virilité de son mari, tous ceux de la nopce suiuent auec les instrumens de musique chantans et dansans

DE l'vKRANIE

mieux que iamais , et en cette procession les ieunes gens menans chacun vne des filles de la nopce par la main , font tout le tour de la ville , toute la populace accourt à ce bruit là les .suiuan t iusques à ce qu'ils soient de retour au logis du nouueau marié.

Que si au contraire les marques d'honneur ne si rencontroient point, chacun iette son verre à terre , les femmes cessent de chanter, car la feste est troublée, et les parens de la fille confus et diffamez , et dés lors les nopces finissent, puis font mille rauages dans le logis , font des trous aux pots qui ont serui à cuire la viande , escornent les gobelets de terre dans lesquels ils ont beu, mettent au col de la mere de la fille vn collier de cheual, puis la font mettre au haut bout , et luy chantent mille chansons sales et vilaines , luy donnant à boire dans vn de ces gobelets escornés , et luy font mille reproches de n'auoir pas assez veillé à la conseruation de l'honneur de sa fille :

en fin après luy auoir dit toutes les injures infâmes dont ils se sont pu aduiser chacun

se retire chez soy honteux d'vne si fascheuse rencontre, particulièrement les parens de la mariée se tiennent comme cachez en leurs maisons d'où ils sont quelque temps sans sortir à cause de la confusion où cette fascheuse aduanture les a iettez.

Quand au marié il est à son choix de la retenir ou non , mais aussi s'il si resoult il faut qu'il s'appreste à souffrir toutes les iniures qu'on luy voudra faire pour ce suiet.

I'adiouteray encor sur ceste matière ce mot touchant les mœurs de leurs femmes , et leur rendray cet honneur d'estre chastes à ieun , mais la liberté qu'elles y ont de boire de l'eau de vie et l'hydromel, les rendroit sans doute de facile accez, n'estoit qu'elles craignent d'encourir la mocquerie.

publique et le deshonneur que les filles reçoivent , comme il a esté dit cydessus , si elles veulent se marier, sans posséder toutes les marques de la virginité.

DE l'vKRÀNIE

Comment les Cosaques célèbrent les festes

de Pasques.

Auant que de finir ce discours ie diray quelque chose des cérémonies qu'ils obseruent à Pasques ; c'est que le samedy sainct ils vont à l'église (qu'ils nomment cerkeiï) pour assister aux cérémonies qui s'y font , qui est de mettre la figure de nostre Seigneur dans vn sépulchre d'où ils la tirent auec beaucoup de solemnité , laquelle représentation ou cérémonie estant finie , vn chacun tant hommes, femmes, que garçons et filles, se vont mettre à genoux déliant l'euesque (qu'ils appellent JVladik) , et luy présentent vn œuf peint de rouge ou iaune en luy disaitt ces mots , Christos voschrest, et Téuesque le releuant luy respond Oystinos voschrest , et baise en mesme temps lés femmes et les filles, de façon que Monsieur l'éuesque en moins de deux heures, amasse plus de cinq ou six mille œufs, et a la satisfaction de baiser les plus belles

femmes et filles qui sont dans son église, il est vray que cela luy seroit en quelque façon incommode et répugnant de baiser les vieilles, mais il a l'adresse et dextérité de les distinguer : car les visages qui ne luy agréent pas, il ne leur donne que sa main à baiser.

Le métropolite nommé moquilla 1 , qui est le chef de tous les euesques , les pratiquoit à Riow ce que ie viens de dire, aussi bien que les plus petits curez qu'ils appellent Dospodé.

Durant huit iours il ne faut pas marcher par les rues sans auoir quantité de ces œufs peints , pour donner à tous ceux que vous rencontrez de votre conoissance et luy disant les mesmes mots qu'on dit au JVladik ou Dospodé, alors l'amy ou l'amie, en respondant de mesme que dessus , ils s'entre-

4 . L'auteur veut parler de Pierre Mogila, né en 4 697 , mort en 4 646, auteur d'un célèbre catéchisme et malheureusement connu par ses persécutions contre les Uniates, qui, jusqu'à cette époque, possédaient la cathédrale de Sainte-Sophie, à Kief.

DE l'vKRANIE.

accolent et baisent, et celuy ou celle qu'on a salué est obligé en mesme temps de donner vn autre œuf en recommençant la mesme cérémonie.

Voyez vne autre gaillardise qui se pratique le lundy de Pasques de grand matin , c'est que plusieurs garçons s'en vont ensemble par les rues, et toutes les filles qu'ils rencontrent ils les prenent et les mènent au bord d'vn puits pour les baigner en leur jettant cinq ou six sceaux d'eau sur la teste, afin qu'elles soient mouilleez par tout le corps , et ce ieu là n'est permis qu'auant midy-

Le mardy suiuant les filles ont leur revenge , mais auec plus d'astuce , plusieurs filles se cachent en vne maison qui ont chacun vne cruche d'eau preste, cependant ont vne petite fille attirée qui est en sentinelle, qui les auertit par vn certain cry lorsqu'elle voit passer vn garçon , et au mesme temps toutes les filles sortent à la rue, et saisissant le garçon auec de grandes huées, ce qui estant ouy des voisins toutes les filles courent

au secours , et pendant que deux ou trois des plus fortes filles le tiennent, les autres luy iettent toutes leurs cruches d'eau sur le col, et ne le laissent point aller sans le lauer comme il faut auant qu'il leur eschappe.

Voilà les passe-temps des iours de Pasques des garçons et des filles; mais les hommes iouent vn autre ieu , le lundy de Pasques , c'est qu'ils vont en troupe le matin au chastean trouuer leur seigneur , qui les attend auec deuotion ; et après qu'ils luy ont fait de profondes reuerences , vn chacun s'approche de luy, et luy présente des poulets ou autre sorte de volailles; le seigneur, en recognoissance de ces offrandes , regale ses subiets auec de Peau de vie,etpourceteffect en fait deffoncer vne pièce qui y fait mettre sur le cul au milieu de la court, alors tous les paysans l'enuironnent , en se mettant en rond, puis le seigneur vient auec vne grande culliere à pot , et l'emplissant d'eau de vie en boit au plus ancien de la troupe , puis donne ladite cullière à celuy à qui il a beu; ainsi de l'vn à l'autre tous boiuent, puis re-

DE i/VKBANIE.

commencent tant qu'il ne reste plus rien dans la pièce, et si la pièce est vuidée auant le soir (ce qui arriue assez souuent), il faut que le seigneur y face apporter vne autre pièce pleine en la place de la vuide , car il est obligé de les traiter de la sorte iusqu'au soleil couchant, si lespaysants peuuent tenir bon, car après le soleil couché on sonne la retraite , ceux qui se portent bien s'en retournent en leurs maisons, sinon ils se couchent à la rue et dorment iusqu'à ce qu'ils s'esueillent , si ce n'est que la charité de leurs femmes ou enfants qui les mettant sur vne ciuierre les portent en leurs maisons , mais ceux qui ont trop rempli leur pance restent dans la court du chasteau à dormir leur soûls, c'est chose odieuse de voir ces malheureux yuvres de la sorte , sans auoir mangé aucun morceau de pain , se rouler dans leurs saletés comme pourceaux, et ay veu vn de ces infâmes que l'on portoit mort sur vn chariot , et pour lors il n'estoit pas plus de deux heures après midy ; voila d'estranges coustumes qui font périr les

hommes malheureusement, et combien encore est brutal le proverbe qu'ils ont tousiours à la bouche : Il vaut autant ne boire que de l'eau si on ne s'en sent : ces peuples ont peine à dormir après leur repas ordinaire, mais quand ils sont yuvres, ils dorment auec vn profond sommeil , en telle sorte que le matin ils ne se souuiennent plus du iour précédent, l'yuresse leur faisant tellement perdre l'esprit qu'il ne leur reste que la semblance d'homme : c'est dans ces occasions que ceux qui ont dessein d'attraper quelque chosed'eux par présents, font

NI

les voyent gaillards de la boisson (car en cet estât ils sont très libéraux) ils leurs demandent quelque chose qu'il leur plaist, et aussi tost leur est accordé , et liuré à la mesme heure; ce que le receuant prend , et l'enuoye hors de la maison ; mais le matin ils se trouuent fort estonnez, car ne se ressouuenant, et ne trouuant plus ce qu'ils ont donné le iour d'hier, en deuiennent tristes , regretant sa prodigalité , toutes fois

DE l'vRRANIE.

se console de surprendre quelqu' autre de la mesme sorte pour se recompenser de sa perte.

Médecine des Cosaques.

Puis que nous sommes sur le discours de nos Rus ou Cosaques , disons ce qui nous en reste de connoissance et quelque chose de leur manière d'agir en plusieurs rencontres et occasions : i'ay veu des Cosaques estre malades des fleures, et pour se guérir ne prendre autre chose qu'vne demy charge de poudre à canon, et la défaire auec demy demiart d'eau de vie, et le tout bien brouillé le boire , puis s'aller coucher là dessus , et ne se leuer le matin qu'auec vne parfaite santé : i' avais vn cocher à qui ie Tay veu faire plusieurs fois , et qui s'en est guery souuent par le moyen de ceste drogue, dont tous les médecins et apothicaires ne s'aduiseroient iamais : i'en ay veu d'autres prendre de la cendre, et la mesler auec de l'eau de vie défaite , comme dessus et la boire et

faire le mesme effet , ie les ay veu plusieurs fois estre blessez de coups de flèches , et estant loin des chirurgiens se pancer auec vn peu de terre défaite dans le fond de leur main auec vn peu de leur saliue , dont ils se guerissoient aussi bien qu'auec le meilleur baume, ce qui montre que la nécessité ingénieuse paroit aussi bien en ce pays qu'en tout autre ; cela me fait souuenir d'vn Cosaque que ie trouuay vn iour en la riuierre de Samor, lequel faisoit bouillir du poisson dans vne gamelle de bois (que les Polonnois et Cosaques portent derrière Tarcon de la selle pour abreuuer leurs cheuaux) , et pour cet effect il faisoit chauffer des galets au feu qu'il iettoit dans vn plat , et ce reiteroit tant de fois que l'eau bouilloit , et que le poisson feut cuit , inuention qui d'abord semble grossière , mais qui neantmoins ne manque pas d'esprit. 1

Il me souuient d'auoir parlé cydeuant d'vne maladie qu'ils appellent Goschest, à