NATVRE ET FERTILITÉ DV PAYS DE BERRY

Encore que ceste Prouince Biturigienne ayt les terres fort difl'erentes, si ne laisse elle pource à produire grand suffisance de tous biens. Car les terres grasses et rougeastres sont abondantes en bon froment , seigle , orge, auoine, et legumaige, chanure et lin. L'auUre qui est pierreuse et seiche, est copieuse en Iresbon vin, et qui se garde longuement. Mais la troisiesme qui semble aride et seiche et en aucun lieu inutile, sert néantmoins grandement au pasturage et nourriture du bestail, et singulièrement des moutons et brebis, lesquels (à cause de la température et doulceur de l'air qui y rend les herbes plus sauoureuses et délicates) portent les laines beaucoup plus fines et déliées qu'en nul aultres endroicts de ce Royaume , et d'icelles tirent les Berruyers merueilleux proffict, tant à cause de la grande trafiique et commerce qu'ils en font par toutes les foires, que pour la quantité des fins draps, estametz et serges qu'ilz en font et qu'ilz vendent et distribuent en diuers pays , ce qui rend la Prouince tresfameuse et riche. Oultre ce qu'elle est decorrée de plusieurs

beaux fleuues nauigables, riuieres et grand nombre d'estangs, qui touts produisent abondance de bons poissons, et s'y a plusieurs grandes forrests, garrennes et taillis fort propres pour la grosse et menue chasse , et de bon reuenu pour la glandée. Et n'y a deffault de quantité de minières et forges à fer, dont les Berruyers en touttes sortes d'ouurages se scavent fort bien ayder. Pareillement est ladicte Prouince peuplée et ornée de plusieurs belles villes , bourgs , paroisses et beaux chasteaux, dont les principales et plus notables ie feray en après particulière description, selon ce que l'en ay puis comprendre et veoir à l'œil, et aussy suiuuant les déclarations et mémoires signées que i'ay recouuertes des officiers des lieux , suiuant le pouuoir de ma Commission.