I. Il ne manque

a. Pistole, pistolet.

concertent et s'accordent entre les deux parties, ou par les deux seconds ou autres; et mesmes faut que Toffensé s'accorde à tout pour avoir raison de son offense ; autrement Toffensant luy trouvera une infinité de poinctilles, subterfuges et cavillations', pour faire, s'il veut, de grandes remises à se battre. Bien est-il vray que, pour son honneur, il n'en doit user : car qui offense il est tenu d'en faire réparation par les armes ou parolles; mais pourtant tel offensé, s'il estoit estropié d'un bras ou d'une jambe, il se peut accommoder de telles armes à son advantage sur son ennemy qu'il luy plaira; et la raison le veut ainsy, et qu'en nos cours ailleurs de nostre France nous en avons veu force exemples, jusqu'à aucuns se vouloir proposer une coupe pleine de poison, et que toutes les deux parties adverses en beussent chacune la moitié ; d'autres s'offrir marcher tous deux en une chambre pavée de rasoirs, pour se desfaire par ces deux moyens (pas beaux pourtant) aussi tost l'un de l'autre. Tant d'autres inventions bizarres et sottes a-t-on voulu trouver pour se desfaire les uns des autres par des eschapatoires ou autrement, dont je me passeray bien les conter.

Mais bien ay-je veu tenir en nostre cour à des plus braves et vaillans gentilshommes qui y fussent, et qui avoient acquis en leur temps grande gloire d'armes, que, si quelque mignon nouvellement venu d'Italie, et fraischcment esmoUu à l'espée par le Patenostrier, ou Hieronime, ou Francisque, ou Le Tappe, ou Le Flaman, ou le sieur d'Ay-