Coni. C'est en iSS

âinsy de ce mot qui n'est point mauvais), qu'est à dire en son corps deffendant, et sans supercherie ny advantage, il pouvoit venir demander sa franchise de Valanciennes, et qu'il vouloit maintenir à l'escu et au baston qu'il avoit tué fort bien son homme sans advantage et en homme de bien ; et, sur ce, luy estoit accordé sa franchise ; et nul ne luy pouvoit rien demander pour ceste querelle, si-non qu'on la prist et maintinst à l'escu et au baston, et donnant la loy de la ville : ainsy parle-t-il. Advint qu'un Mahiot avoit tué un parent de Jacotin Plouvier ; et fut poursuivy ledict Mahiot debvant la loy de Valanciennes, et disoit Jacotin qu'il avoit tué son parent de guet-à-pens, non pas de beau (aict; et, pour ce, le combat fut accordé par ceux de la ville qui estoient juges, et non le duc Philippes, pour ne desroger à la loy, bien qu'il fust leur souverain et y fust présent. Il s'y trouva aussy grand peuple; mais, sur la vie, il n'osoit dire mot, ny faire un seul bruit ; et celuy qui leur commandoit avoit un baston, et leur crioit : « Gare le ban ! » si qu'un chascun se tenoit coy, craignant la justice et la perte de la vie. Le camp clos estoit tout rond, où il n'y avoit qu'une entrée et deux chaires > mises l'une debvant l'autre, toutes deux couvertes de noir (notez ce point), pour y faire asseoir les combattans attendans l'heure. Cependant, advant combattre, fut apporté le livre missel, sur lequel presterent serment l'un et l'autre : cela s'usoit fort anciennement. Ils avoient tous deux semblables habillemens de cuir bouilly, cousu sur eux fort estroictement, tant aux corps, bras, que jambes, les testes rases, les pieds nuds, les ongles coupés des mains et des pieds aussy ; cela