I . Pau, pour pal, pieu

voir tout ce qu'on lui presentoit, et fust-il chaud comme feu; en quoy ils eurent encor tort, car, comme nonseulement parrain et confidans, mais comme vrays curateurs de sa personne, ne le debvoient hasarder ainsy mal à propos, et ne le laisser aller à son opinion et son ardent courage, ains le debvoient contraindre et réduire à la leur et à la raison. Ceste faute ne se sçauroît aucunement excuser; et ne sçache guieres jeune homme, pour si peu d'armes qu'il eust practiqué, qu'il n'eust desbattu cela jusqu^à la mort. L'on disoit aussy que ledict parrain et confidans se laissèrent aller un peu trop à la sentence des juges du camp; ce qu'ils debvoient contre eux contendre ' aussy opiniastrement que l'on fait contre nos juges de justice quand ils donnent quelque mauvaise sentence contre tout droict, veu aussy que ces juges du camp estoient bien ayses de voir la mort de mondict oncle. Je n'en diray point les raisons : Tenvye faict beaucoup de choses.

De plus, le roy mesme, pour qui mon oncle en partie combattoît (le discours en est trop long), debvoit avoir là dessus donné sa sentence, et en corriger les juges, puisqu'il aymoit et favorisoit tant mon oncle ; mais, ce coup, il n'eut pas la tenue bonne sur ce point. Dieu est juste juge du tout. Aussy tous deux sont morts en combat singulier, ainsy que j'en parle en la vie du roy. Tant y a que, si mondict oncle ne fust esté ainsy gesné par telles armes. Ton eust veu autre forme de combat, et possible autre issue. Encor cest empeschement d'armes n'engarda pas le seigneur de Jarnac qu'il ne donnast deux dagues, l'une fort longue, pendante sur la cuisse, et l'autre courte, fichée