I. Ba$tant, suffisants

Moy estant à Rome, durant le sede vacante du pape Paul IV, dit Caraffe, qui dura trois mois', je vis faire plusieurs combats en camp clos, entre autres un de deux braves soldats romains qui avoient >sté pourtant bons amis. Leurs armes deffensives estoient un morion en teste, et des manches de maille assez longues et advantageuses par le devant ; les offensives estoient d'une bonne espée et dague ; leurs gardes de Tun et de l'autre furent fort basses et serrées, le corps par conséquent fort bas et pressé, afin qu'ils s'aydassent un peu de la maille du devant qui tenoit les manches pour garder le corps; et de faict, ils s'en couvroient fort bien l'un et l'autre, d'autant que lesdictes mailles n'estoient pas trop affinées^, mais assez longues et advantageuses ; qui fut cause que ny l'un ny l'autre n'adviserent guieres au corps, mais aux cuysses, dont il y en eut un qui donna à l'autre une grande estocquade dans la cuysse, et luy fit une large ouverture, et jetta force sang. L'autre, se sentant ainsy blessé, tire d\ine grande furie une grande estocquade et deux grands extramassons coup sur coup à la cuysse de l'autre, sans pourtant que rien portast ; mais encore fut-il si malheureux qu'en ruant ses grands coups, et l'autre en les parant, la dague luy eschappa, et ne luy resta que l'espée seule; et, se sentant en tel estât, il tint fort bonne contenance et bonne garde; puis d'un visage asseuré il dit à son ennemy : ce Encor que je ne sois qu'à demy armé, n'ayant ma dague, je te montreray que je suis homme de bien et d'honneur. » L'autre

1. Paul IV étant mort le i8 août i559, Pie IV, son successeur, ne fut élu que quatre mois après.