En

2. Cavillations, plaisanteries ou chicanes, subtilités. Du latin cavUlatio,

despendre tout son bien, qui montoit à cent mille escus une fois vaillant, si bien qu'il ne lui estoit pas resté deux cents escus de tout ce qu'il avoit, ayant esté contrainct, pour obvier à la pauvreté, d'aller prendre la croix à Malthe, et se faire chevallier en l'âge de quarante ans, pour avoir au moins de quoy se pourveoir, et avoir sa vie assignée pour la fin de ses vieux jours.

Je vous laisse à penser s'il n'y a pas là de l'abus et de la grande misère. Car, combien que vous reparez vostre honneur et sauvez vostre vie, vous l'achevez après avecques une grande pauvreté et indigence; et toutesfois ces lois duellistes permettent tout cela.

Un autre abus y avoit-il, que ceux qui avoient un juste sujet de querelle, et qu'on les faisoit jurer avant entrer au camp, pensoient estre aussy tost vainqueurs, voire s'en asseuroient-ils du tout, mesmes que leurs confesseurs, parrains et confidans leur en respondoient tout à fait, comme si Dieu leur en eust donné une patiente < et, ne regardant point à d'autres fautes passées, et que Dieu en garde la punition à ce coup là, pour plus grande, despiteuse et exemplaire. L'on a tant veu d'exemples de cela, dont j'en dirois deux (mais je ne veux rien nommer), qui autant les uns que les autres, tant assaillans que defTendans, tant vainqueurs que vaincus, avoient mauvaise querelle.

J'ay ouy raconter à Rome autresfois de deux gentilshommes romains, qui, s'estans ainsy desfiés en combat sur