Vin et épices

monsieur ledict garde des sceaux, luy dire qu*i] n'allégua pas bien là, et ne meritoit qu'on criast bihat, vivat. Et luj et le livre en peuvent dire ce qu'ils voudront. Mais, pour ce que dit ce livre, Dieu, et plusieurs gentilshommes dignes de foy, peuvent tesmoigner avecques moy s'il est vray que le roy Henry III ait le premier introduit les appels et approuvé : car, du temps du roy Charles IX, ils se commencèrent à pratiquer ; comme celuy du baron d'Ingrande et de Gersay à Sainct-Germain, où le baron fut tué, et comme celuy du petit Reffuge, que j'ay dit cy-devant, et du brave et vaillant M. de Grillon, qui tua un capitaine dont j'ay oublié le nom, tres-vaillammant aussy, en estoquade, et force' d'autres que je n'allegueray, pour fuyr prolixité.

Le comte de Brissac fit aussy appeller par le gros La Berte, l'un de ses maistres de camp, le comte de Tande, aux troî« siesmes troubles, au bout du parc de Vertueil en Angoulmois, chasteau appartenant au comte de La Roche-Foucaut; mais ils furent empeschés. J'en parle du subject ailleurs.

Quand à nostre roy Henry III, je sçay bien, et plusieurs gens de foy comme moy, combien de fois il en a fait d'ordonnances et deffenses de n'en venir plus là : car je Tay veu à la cour le publier plus de cent fois; et bien souvent, quand aucuns y contrevenoient , il estoit si bon qu'il ne les vouloit faire punir à la rigueur : car il aymoit sa noblesse, comme j'espère en alléguer des exemples en sa vie, par lesquels il a fait démonstration combien il Taymoit. Au reste, jamais querelle n'est entrevenue en sa cour qu'estant venue en sa notice ', qu'il ne la fist aussy tost accorder,