AU PRINCK CHARLES DR NAVARRE
Sainl-Jutt sur-Lyon , 19 mars i5*5.
Mon cousin, j'ay esté adverlye que maistre Pierre de Forpellat, Bernard de Forpellat son fils, Jehanne de Navailles femme dudit Bernard , et André de Casemaior leur serviteur, subgectz de mon cousin le roy de Navarre, vostre frère, au pays de Béarn, ont eu quelques parolles et questions contre aucuns leurs voisins pareillement subgectz de mondit cousin le roy de Navarre, en manière que quelques coups et blessures s'en sont ensuyvies; et pour ce que les dessusdilz, pour éviter fureur de prince et craincte de justice, se sont rendu/ fugitifs et habandonné ledit pays, leurs biens, domicilies et maisons, à leur totale ruyne et destruction : à ceste cause, mon cousin, et qu'il y a de la pêne en eulx, et aussi que désireroye singulièrement leur bien et bon traictemeot, pour estre parens d'aucuns bons et principaulx serviteurs du roy monseigneur et filz, je vous prye, mon cousin, tant affectueusement que je puis, et de tant que désirez faire quelque chose pour moy, que en ma faveur et prière leur veuillez quicter et reniectre toutes et chacunes les amendes criminelles et ci villes que les dessusdits pourroyent avoir encourues à cause desdites questions, et si aucuns d'eulx ou leurs biens estoyent prins, détenuz, ou attestez,
4o4 DOCUMENTS HISTORIQUES INÉDITS.
ordonner qu'ilz soyent mis à plaine et entière délivrance, imposant silence et justice telle qu'il appartient. En quoy faisant, mon cousin, me ferez très grant et singulier plaisir. Priant Dieu , mon cousin, qu'il vous ait en sa garde. Escript à Sainct-Just-sur-Lyon , ce xix'jour de
mars.
Vostre bonne cousine , Loyse.
Susrription. A mon cousin Charles monsieur de Navarre.
5. DF. PAR M A DAME IlÉGEKTE EN FRANCE, AUX ÉLUS DE LIMOUZIM.
Saint-J tut- tur- Lyon , 10 novembre i5a5.
Très chiers et bien amez, nous avons par cy-devant permis à nostre très chier et très amé cousin, le prince de Navarre, de pouoir faire assembler les subgectz de nostre très chier et très amé cousin le rov de Navarre son frère, en ses conté de Périgort et vicomté de Lymoges, et autres terres et seigneuries de la maison d'Albret , pour leur demander ayde et subvencion pour payer sa rançon , vous mandant que les sommes qui auroient esté octroyées pour ce que dessus eussiez à asseoir, cottizer et imposer sur lesdictz subgectz, le fort pourtant le foible , le plus esgallement et justement que faire se pourrait , et icelles faisant cueillir et lever avec les deniers des tailles du roy nostre nés cher seigneur et filz, par iceulx qui à ce seraient ordonnez et deppulez par nostre dit cousin le prince de Navarre, et contraindre ou faire contraindre réaument et de faict lesditz subgectz, à ce que auraient esté cottizez et imposez, à payer leur cotte, bailler et délivrer ausdits commis, et ce pour prinse et vente de cbacuns leurs biens, comme pour les propres deniers et affaires du roy nostredit seigneur et filz, et autres voyes et manières deues, raisonnables et en tel cas requises. En ensuyvant laquelle permission, aucuns desdits subgectz de vostre élection ont faict aucune donation à nostredit cousin le roy de Navarre pour sadite rançou, laquelle ayez récusé, se cottiser et pourveoir les serviteurs et depputez de nostredit cousin le prince de Navarre, des provisions nécessaires pour lever ladite donation, ce que pourrait porter dommaige à icelluy nostre cousin le roy
TEXTE DES DOCUMENTS. |o:»
de Navarre, et estre retardement de sa délivrance, dont nous en serions desplaisanle. A ceste cause, vous mandons et expressément enjoignons que, sans aucune difficulté, vous emploiez oudit affaire et pourvoyez lesdits serviteurs et deppulez de nostredit cousin le prince de Navarre, desdites provisions qui leur seront nécessaires pour lever ladite donation le plus diligemment que vous sera possible, et tout ainsi que si c'estoit pour le roy nostredit seigneur et fils. Et n'y faites faillie, sur tant que creignez désobéyr au roy nostredit sei-» gneur et fils, et que n'ayons occasion cy-après vous en escripre aufres lectres, car tel est nostre plaisir. Donné à Saint-JusI-sur-Lyon , le xe jour de novembre.
LOTSE. ROBERTET
Sitsniptinn. A nos très chers et bien amez les esleuz pour le roy nostre très cher seigneur et fils au haut pays de Limousin.
