AU ROI DF. NAVARRE

Lyon, %'\ novembre.

Monsieur mon cousin, j'ay receu voz lectres et oy la créance d'icelles par le cadet de Duras, qui ma dit de par vous que je veuille faire différer l'exécution de la main armée que le roy a octroyée pour I evesché de Terbe, et que vous face savoir l'intention du roy, et à laquelle court ledit seigneur entend que les habita n. s de Bicgore obéissent, ou bien grant conseil ou bien à la court de parlement, et que ferez obéir lesditz de Bigoure à celle desdites cours que vous feroys savoir. Et parce que le vouloir dudit seigneur est que maistre Menault de Martori, pourveu dudit évesché, joïsse d'icelluy, je vous en ay bien voullu advenir et vous prie que, en suivant le voulloir dudit seigneur et ce que je vous en ay faict dire par ledit Duras, que le veuillez faire joïr, et garder qu'il ne soict aucunement troublé jusque* à ce que par ledit grant conseil autrement en soit ordonné. Ht ce pendant j'escriptz au séneschal de Carcassonne qu'il surçoye d'exécuter ladite main armée pour deux mois, durant lequel temps me ferez savoir de la joïssance paisible dudit Martory. Et à tant , monsieur mon

1o6 DOCUMENTS HISTORIQUES INÉDITS.

cousin, prie Dieu qu'il vous doint bonne vie et longue. A Lion, le xxiue jour de novembre.

Vostre humble et bonne cousine, Loyse. Suseription. A monsieur mon cousin le roy de Navarre.