XXXIV

ORDRE DE FRANÇOIS l", ROI DE FRANCE, DE PAYER VINGT ECUS DOR A CECILE DE VIEFVILLE, DAME DES FILLES DE JOIE SIJIVAKT LA COUR, POUR LEl'H ItHOIT DU MOIS DE MAI.

(D'après l'original sur parchemin, à la Bibliothèque royale.)

Juin i54o.

Françoys, par la grâce de Dieu, roy de France, à nostre amé et féal conseiller et trésorier de nosire espargne, maistre Jehan Du Val, salut et dilection : Nous voulons et vous maudons que, des deniers de nostredite espargne, vous paiez, baillez et délivrez comptant à Cécille de Viefville, dame des filles de joye suyvans nostre court, la somme de quarante-cinq livres tournois, faisant la valleur de xx écus d'or sol à xlv sols pièce, dont nous luy avons fait et faisons don par ces présentes, tant pour elle que les autres femmes et filles de sa vaccatiou, à despartir entre elles ainsi qu'elles ad viseront, et ce pour leur droict du moys de may dernier passé, ainsi qu'il est acoustumé faire de toute ancienneté: et pour rapportant cesdites présentes signées de nostre main, avec quittance sur ce suffisante de ladite Cécille de Viefville seolleinent , nous voulons ladite somme de xlv livres tournois estre passée et allouée en la despense de voz comptes, et rabatue de vostre recepte de nostredite espar gne , par noz amez et féaulx les gens de noz comptes , auxquelz par ces mesmes présentes mandons ainsi le faire sans aucune difficulté, car tel est nostre plaisir nonobstant quelconques

48o DOCUMENTS HISTORIQUES INÉDITS.

ordonnances, rigueur de compte, restrinctions , mandements ou deffenses à ce contraires.

Donné à Paris, le dernier jour de juing, l'an de grâce mil cinq cens quarante, et de nostre règne le vingt-sixiesme.

Signé : Françoys. Et plus bas : par le roy, Bochetel.