C II* APPENDICE

il n'est crimme OU à ce ne sont par espérial obligié; et quant au cas civil, les voulons estre receuz par souffîsant caution de Juifs ou crestiens.

Item voulons et leur octroions qui puissent faire en nostre dit Duchié leurs mestiers, leur fait, courrateries et autres euvres ou ars spéculatives ou mécaniques et quelconques autres licites, si comme il ont accoustumè de faire ailleurs ou temps passé.

Item, pour ce qu'il ont accoustumè de prestcr leurs deniers aux crestiens et aultres pluseurs en ce secouru, nous voulons qu'il ne puissent prandre pour ce proffit oultre quatre deniers pour livre et non plus, pour chascune sepmaine, et qu'il ne prestent sur calices, livres, reliques et autres orncmens dédiés à Dieu, ne sur socs, cultres et autres ferrement de cherrue et fers de molins ou aultres choses en ce despendans.

Item voulons qu'il soient creu par leur loy, leur foy et sairment sur ce qui diront leur estre deu sur les gaiges qu'il auront devers eulx et des termes et convenences sur ce faites.

Item, se riens n'estoit dit ou convenancié sur la garde entre eulx et ceulx qui les bailleront, nous leur octroyons qui ne soient tenuz de rendre ou restituer lesdiz gaiges sur quoy ils auront preste, jusques à ce qu'il soient paiez entièrement de tout ce qu'il atfermeront pour ce leur estre deu. Et ne seront tenus de nommer ou manifester la personne qui leur aura baillié aucuns gaiges.

Item se aucuns desdiz juifs se veult déporter de nostre dit Duchié et transporter ailleurs, il seront tenuz de paier la censive de l'année entière et faire crier et vendre les gaiges qu'il auroient, es heux publiques et acostumez par trois cris et subhast acions, en prenant sur ce lettres de la justice dou lieu. Et se lesdis gaiges sunt venduz ou valent oultre ce pour quoy il sont obligiez et mis en