Chaumes, Seine-et-Marne, cant. de Tournan

6. Aujourd'hui Viibert, Seine-et-Marne, arr. de Coulommiers, cant. de Rozoy-en-Brie.

'de boys assis es boys de Senart, près de la Muete de Brunay 1 , et il

nous ait humblement suplié et requiz que des fiez que il tient de

nous, nous vousissiens faire un fié, et touz les honmages et foys que

il nous doit pour raison d'iceulz fiez, mètre et muer ensemble par

un honmage et foy, et l'en recevoir à homme. Nous, en considéra-

cion dez bons et agréables services que il nous a faiz et fait encore

de jour en jour, dez dessusdiz fiez que il tient de nous, quelque part

que il soient, li avons fait et faisons, de nostre grâce especial, par [la]

teneur de ces présentes lettres, un fié, et li avons miz et mettons touz

lesdiz hommages et foyz dessusdiz en un hommage et foy, et l'en

avons ainssi receu à homme. Si voulons et deffendons que li, ses

hoirs et successeurs ne soient dores en avant tenuz de faire à nous'

ne à noz successeurs roys de France, de touz les fiez dessusdiz que

il tient de nous, que un seul hommage et foy, 6anz ce que jamays,

ou temps avenir, li et sesdiz hoirs successeurs, en soient contrainz à

en faire plusieurs et divers hommages. En tesmoing de laquelle

chose, etc..

Donné au Boys de Vincennes, l'an de grâce mil CGC XL et trois,

ou moys d'avril.

Par le roy.

Verberie.

Sine finencia.

Justice.