juillet

Fixation des salaires du maître de tœiwre et de plusieurs ouvriers de la cathédrale de Troyes.

Documents relatifs aux travaux de construction faits à la cathédrale de Troyes pendant les XllI^, XIV^ et XV^ siècles, p. p. d'Arbois de Jubainville , Bibl. de l'École des Chartes , 5^ série , III (1862) , 227.

Le samedi XIP jour de juillet, Tan mil CCGLXV, en nostre chapitre , presens et capitulans Monsieur le dean , l'arcediacre de Sainte Margerie, l'arcediacre d'Arceix, maistre

Hemart de Saint Oulf, M® Renaust de Laingres entre

M® Thomas, masson de l'euvre de l'église de Troies et maistre de ladicte euvreet lesdizdean et chapitre accordé et traitié est seur le salaire des journées que ledit M® Thomas ouvrera en la besoingne de ladicte euvre en la manière qui s'ensuit : c'est assavoir que led. M" Thomas gaignera pour chascun jour ouvrant que il sera en ladicte besoingne, des le jour de huy jusques au jour de la saint Remy prochainement venant, m gros et demi; et des ledit jour de la saint Remy jusques au jour de Pasques prochainement ensuivant, pour chascun jour ouvrant qu'il ouvrera en ladicte besoingne , il gaingnera m gros tournois et de illec en avant, pour tant comme il ouvrera en ladicte besoingne, sera paiéz chascun jour par les conditions et manières que dit est. Et cedit

accort et traictié lediz M® Thomas, parmi ce que la maison qui touz jours lia esté baillé de ladicteeuvre, tant comme il a esté maistre masso>n de ladicte euvre, enssemble sa robe que il doit avoir chascun an, [lui seront baillés?], a juré aux sains evvangiles de Dieu tenir et avoir ferme et estable, tant comme il sera en ladicte euvre, avecques ce que bien et loalraent et diligemment ouvrera et se occupera en ladicte euvre, et que autre euvre senz la licence desdiz dean et chapitre il ne pranra en la ville de Troies ne autre part. Signé : Erard. Ita est.

Ce jour Michelin de Donchery, Michelins Hardioz et Jehan Thierriz, maçons et ouvriers de taillie en ladicte euvre, ont promis et accordé de ouvrer en ladicte euvre des le jour d'uy jusques audit jour de la saint Remypour m s. vi d. par jour que il y ouvreront et d'illec jusques audit jour de Pasques pour II gros tournois, et ainssin de illec en outre chascun an auxdiz termes par les formes et manières que dit est, tant comme il plaira a chapitre.