Chômer

quatre jurez qui ont esté en Tannée, eslisent quatre preudeshommes et iceulz quatre preudeshommes en eslisent quatre pour estre jurez, et les prennent ou de ceulz qui Font esté, ou de eulx mesmes ou d'autres, selon ce que bon leur semble, par leur serement.

16. Item, quand iceulz quatre jurez sont esleuz et faiz, il jurent que bien et loyaument il garderont le mestier aux us et coustumes d'icellui ; et, se mauvaise coustume y avoit esté alevée, il l'abatront et osteront a leur povoir, et les bonnes garderont.

17. Item, iceulxquatrejuréznouveauxauront tous les estaux en leur main, et y asserront les preudeshommes du mestier, selon ce que bien leur semblera, par leur serement.

18. Item, nulle personne ne soit assise a estai, devant que il tout paie le loier de l'année passée de son estai que il aura tenu ; et ne faire euvre de boucherie, se n'est par le gré du maistre et des jurez, sur paine de perdre les chars.

19. Item, se aucun bouchier ne vient requerre son estai ou autre a la journée de l'assise, ne n'ait fait gré envers le fermier pour l'année passée, que Testai sera baillé au fermier; et fera ledit fermier son prouffit toute Tannée ensuivant, par telle manière que il en sera tenu au fermier nouvel pour le loyer de Tannée présente ; et ja pour ce ne demourra que cellui qui n'a paie son estai, ne le paie avant que il face point de son mestier, et l'amendera pour tant que il n'est venuz requerre son estai, se il n'a loyal esoingne, telle comme le maistre et les jurez regarderont; et icellui argent qui sera trait dudit bouchier pour le louage dudit estai, tournera par devers le prouffit commun. Et tout aussi d'un bouchier qui trespasseroit de ce siècle , se gré n'en n'avoit esté fait, se ainsi n'estoit que aucun bouchier le requeist a qui les jurez veissent qu'il fust bien mis, il lui pourroient baillier en manière que il lui agreroit; et paieroit le fermier présent et celui avenir, et se aucun bouchier trespasse avant l'assise, combien que ce soit, son estai vient en la main du fermier, et en peut faire son prouffit, se ainsi n'est que il ait filz bouchier qui le puisse tenir jusques a Tassise par le louyer paiant.

20. Item, que nul bouchier ne die villenie ne oste gage a personne qui viengne achater chars en la boucherie, combien que elles soient despeciés, sur paine de son mestier perdre par un mois ou plus, selon le regart du maistre et des jurez.

21. Item, que se aucune cope chars, et il n'est bouchier, il soit misou cep et privé du mestier jusques au rappel du maistre et des jurez, se ainsi n'estoit que il fust fîlz de bouchier, et seront les chars copées perdues.

22. Item, se aucun prent femme commune, deffamée, senz le congié du maistre et des jurés, il sera privé de la grant boucherie a tousjours, que il ne puisse taillier ne faire taillier, soit a lui ou a autre, sur les chars perdre; mais il pourra taillier a un des estaux de Petit Pont, tel comme le maistre et les jurez lui bailleront ou asserront.

23. Item, nul ne peut estre bouchier de la grant boucherie de Paris, ne faire fait de bouchier ne de boucherie, se il n'est filz de bouchier de ycelle boucherie.

24. Item, quant l'en reçoit un enfant a estre bouchier , celui quri le fait, c'est assavoir le père, ou celui qui en a le bail, doit baillier plaiges avecques aoy que le past et l'abuvrement dudit enfant et toutes les droictures qui y appartiennent, il fera et paiera aus journées que le maistre et les jurez lui establiront. Et fust ore chose que ledit enfant se destournasty et se avenoit que ledit enfant alast de vie a trespassement, il seroit quittes par les premières droictures qui paiées seroient.

25. Item, quant l'enfant a esté fait bouchier par la main du père ou du preudomme qui le fait et qui en paie l'argent, se il se partoit de chiez ledit père ou preudomme, senz le gré et assentement de eulx, et aucun des compaignons le recevoit a son estai ou en autrui, et lui administrast ou delivrast char a taillier, senz demander congié au preudomme qui l'aroit fait bouchier, que tantost la char fust prinse de par le maistre et preudeshommes du mestier, et fust donnée pour Dieu, la ou il verroient que bien seroit; et avec tout ce, que ledit bouchier qui feroit ce mesfait en foirast quinze jours ou plus, selon le regart du maistre et des jurez.

26. Item, se uucun compaignon du mestier prestoit argent ou autres choses a aucun bouchier, tant comme il seroit ou bail de cellui qui Tauroit fait bouchier et il en feist semondre et adjourner pour en estre paie, que il n'en feust de riens contrains, jusques a tant que il auroit fait le service de cellui qui Tauroit fait bouchier, et, se il avenoit que ledit compaignon l'en feist contraindre ailleurs ou feist faire par autre, par fraude ou par aucune manière, quelle que elle feust, et peut cstre sçeu, que ledit compaignon en foirast quinze jours ou plus selon le regart du maistre et des jurez.

27. Item, le prevost de Paris ou le receveur du roy qui est en Chastellet a, ou nom du roy et pour le roy, de chascun bouchier qui est fait nouvel bouchier, de l'aboivrement que Ten a accoustumé a faire au commencement quant il est receu, une maille d'or.

28. Item, le prevost de Paris a dudit aboivrement un sextier de vin et quatre gasteaux de maille a maille, lequel vin et les gasteaux il envoie querre, et en paie son message deux deniers au jugleur du mestier de la salle, quant il emporte ledit sextier de vin et les gqsteaux.

29. Item, ledit prevost a, en celle année que ledit bouchier est fait, de la droicture du past que ledit bouchier doit, au jour que le maistre et les jurez lui assignent jour du faire, soixante et une livre et un quarteron pesant de char de porc et de buef, et un chapon et un sextier de vin , et quatre gasteaux de maille a maille, et de ce paie son message qui vient querre ledit vin et les gasteaux deux deniers au jugleur de la salle.

30. Item, le maistre des bouchiers de la grant boucherie de Paris a de chacun qui est fait bouchier un sierge d'une livre de cire a ardoir devant lui, et 'un gastel tout pestri aus oefs a départir a ses compaignons qui menjuent avecques lui ; et quant il s'en vient de la sale, demi sextier de vin et deux pains. Et c'est ce que le maistre a de l'aboivrement.

31. Item, la maistresse a d'un bouchier qui est fait nouvel premièrement de l'aboivrement de chacun mes que l'en menjue, quatre mes; se se sont gclines, quatre gelines, et

de touz les autres mes, de chacun mez^ quatre mes, et douze pains et deuK sextiers de vin. C'est ce que la maistresse a de l'aboivrement.

32. Item, le maistre a, celle année que ledit bouchier est fait, de la droiture du past, trente livres et demie et demi quarteron de char pesant de porc et de buef, si comme elle est accoustumée a lever, et demi chapon ; et quant le maistre menjue en la salle, il a un cierge d'une livre de cire ardant devant lui, et un gastel tout pestri a oefs a départir a ses compaignons qui menjuent avec lui, et douze tourtis de cire, et demi sextier de vin et deux pains, de chascun bouchier, quant il s'en vient de la salle. C'est ce que le maistre a de past de chascun bouchier qui est fait nonvel.

33. .Item, la maitresse a, en celle année que ledit bouchier 6st fait, de la droiture du past, de chacun mes que l'en menjue, quatre mes, soient gelines ou autres choses, et de chascun mes aussi, et douze pains et deux sextiers de vin.