Édit. : comersans
1. Premièrement, que, pour et en lieu de ladite grant boucherie abatue et démolie, comme dit est, seront faites, construites et ediffiées a noz despens quatre boucheries particulières, en quatre divers lieux de nostredicte ville de Paris, afin que plus aisément et plus promptement le peuple d'icelle y puisse finer et recouvrer de ce que besoing lui sera.
2. Et seront lesdites boucheries assises es lieux qui s'ensuivent, c'est assavoir l'une en partie de la halle de Beauvais, l'autre empres nostre Chastelet de Paris, a l'opposite de Saint LeRroy, aboutissant par derrière sur et près de la rivière de Seine; l'autre près et joignant de nostre petit Chastelet de petit pont, en la reculate ou souloit estre le petit pont ancien; et l'autre sera entour des murs du cimetière Saint Gervaiz. Et seront lesdittes quatre boucheries nommées et appellées les boucheries du roy.
3. Et combien que en la grant boucherie démolie n'eust que trente et ung estaulx occupez, ou l'en vendist char au temps de ladite démolition, neantmoins pour plus grant aisément de nostredit peuple et afin qu'il y ait plus grant nombre de bouchers et marchans vendaus char, nous avons ordonné et ordonnons que esdites quatre boucheries aura quarante estaulx, c'est assavoir en celle de la halle de Beauvais, seize ; en celle qui sera près de nostredit Chastelet, devant l'église Saint Leffroy, seize ; en celle qui sera en la reculate du petit pont ancien, quatte ; en celle qui sera environ les murs dudit cymetiere Saint Gervaiz, quatre.
4. Et pour ce que lesdits quarante estaulx assis es places dessusdites, nostre peuple de Paris se peut très bien et souffisamment fournir avecques les autres estaulx et boucheries anciennes de ladite ville, nous avons ordonné et ordonnons que en icelle nostre ville de Paris, en quelque lieu que ce soit, ne seront fais, levez ne mis sus aucuns autres estaulx de boucherie, fors seulement les quarante dessusdiz, avecques les autres e«taulx et boucheries anciennes qui desja y sont en plusieurs et diverses places, comme dit est.
5. Et quint aux quarante estaulx desdites quatre boucheries nouvelles, ilz seront et demourront a tousjours
unis ^ a nostre domaine, et seront louez et baillez a rente, a vie ou autrement, a nostre prouffit, par nostre receveur de Paris, ou autre tel ou telz, comme nous y commettrons le plus prouffitablement que faire se pourra.
6. Et en tant qu'il touche le fait de la tuerie et escorcherie de bestes, nous avons ordonné et ordonnons, afin que Tair de nostredicte ville ne soit doresnavant infect ne corrompu par icelles tueries et escorcheries, et aussi que l'eaue de la rivière de Seine ne soit corrompue ne infecte par le sang et autres immundices desdites bestes qui descendoit et que l'en gectoit en ladite rivière de Seine, que toutes tueries et escorcheries se feront hors de nostredite ville de Paris, c'est assavoir près ou environ des Tuilleries Saint Honnoré qui sont sur ladicte rivière de Seine, oultre les fosséz du chasteau de bois du Lovre, et se ferontet ordonneront le lieu ou les lieux desdictes tueries et escorcheries le mieulx et le plus prouflîtablement que faire se pourra, par l'adviz et ordonnance d'aucuns noz officiers a ce par nous commis, appeliez avecques eulx gens expers et congnoissans en ce fait, telz et en tel nombre que bon leur semblera.
7. Et lesdictes tueries et escorcheries ainsi faictes et ordonnées, les bouchiers desdites quatre boucheries nouvelles ne autres ne pourront tuer ne faire tuer ou escorcher aucunes bestes en leurs maisons ne aillieurs dedens nostredicte ville, mais se^ulement esdictes tueries et escorcheries ou autres places propices a ce ordonnées, sur peine de confiscation desdites bestes et d'amende arbitraire.
8. Et pour pourveoir a la paix et seureté de la chose publique de nostre dite ville et obvier anx inconveniens qui par congregacions et assemblées souvent faictes, soubz umbre d'avoir corps et communaulté, se sont ensuiz le temps passé et se pevent très de legier ensuir, et afin que ceulx qui seront doresnavant bouchers esdictes quatre boucheries nouvelles n'ayent occasion 'd'entendqe ne vacquer fors seulement a leur mestier et marchandise, et aussi pour
