Édit. : scel
Fagnibz. — Documents relatifs a l'histoire de l'industrie et du commerce, — II. 14
210 DOCUlfET<iTS RELATIFS A L'HISTOIRE [1416]
estre boucher nouvel, aucun soit tenuz de nous paier a son entrée ne a aucuns de noz officiers aucuns droiz ou redevances, ne qu'il soit tenu de paier past ne faire disner ou autre solemnité quelzconques.
10. Et pour ce qu'il est nécessaire que ou dit mestiers de boucherie ait jurez qui ayent esgart et visitacion sur les chairs qui seront exposées en vente, nous avons ordonné et ordonnons que par nostre prevost de Paris présent et avenir, ou par son lieutenant, soit pourveu desdiz jurez de telles personnes et en tel nombre comme il lui semblera estre a faire par raison, et que de par nous il les mette et institue oudit office, et reçoive d'eulx le serment en tel cas accoustumé, et tout en la forme et manière qu'il est accoustumé d'estre fait au regart des autres mestiers* de nostredite ville de Paris.
11. Et pareillement, pour ce qu'il est nécessaire pour Texercice dudit mestier de boucherie, qu'il y ayt certain nombre de tueurs et escorcheurs jurez, nous avons ordonné et ordonnons que par nostredit prevost de Paris soit sur ce pourveu de telz gens et en tel nombre comme il luy semblera estre bon et expédient, lesquels il mettra et instituera de par nous oudit office, et leur ordonnera a prandre et avoir telz droiz, comme il lui semblera estre a faire par raison, et recevra d'eulx le serment en tel cas accoustumé, et ainsi ce sera doresnavant, touteffoiz qu'il sera besoîng de pourveoir d'aucun tueur ou escorcheur pour le fait desdictes boucheries nouvelles.
12. Et pour ce que ladite grant boucherie démolie estoit chargée de plusieurs grans charges et rentes, tant envers gens d'église, comme autres personnes, et que c'est raison que lesdiz rentiers soient récompensez et restituez de leursdites rentes, nous avons ordonné et ordonnons que certaines rentes appartenans a la communauté des bouchers de ladicte grant boucherie démolie, assises sur plusieurs lieux et places de nostredicte ville de Paris, montans, si comme l'en dit, a la somme de sept vins deux livres parisis,
