Ms. : /f

jours a Poictiers, pour scavoir de ses meures et de son euvre, et qu'il soyt expérimenté et passé maistre et fait son chief d'euvre, et ce fait, pourra lever forge en payant deux marcs d'argent, moictié a la ville et moictîé a la confrairie sainct Esloy et aux confraires, et le disner aux maistre.

7. Que tous orfiebvres qui ouvreront d'or a Poictiers, ils ouvreront d'or qui soit^ a touche de Paris ou^ meilleur, laquelle touche passe tous les ors dont Ton euvre en tous pays, et est chacun mars d'or a dix neuf carats et un quart de carat.

8. Que chacun mectera soubs asmatiste et soubs grenat feuille d'argent seuUement, et ne y pourront mectre feuille vermeille ne d'autre coulleur, et ne mectront amatistes avec balays ne emeraudes, rubys d'orient ne [d'j Alexandrie, si ce n'est en manière d'[envoirrement] servant comme un cristal sans feuille. Aussi ne pourront taindre amatistes ne quelconques pierres faulces, pourquoy elles se^ doyvent monstrer autres qu'elles ne sont de leur nature, et en leur euvre d'or ne d'argent ne mectront pelles d'Escoce avecques celles d'Orient si ce n'est en grands joyaulx d'Eglise ou multiplication de pierres étrangères se doyvent mectre, et en joyaulx d'argent de menuzerie ne mectront verrines avecques grenats ne avec pierres fines et croys ne mecteront soubs esmaulx d'or ne d'argent, c'est assayoir en grousse vaisselle ou aultre qui se vent au marc^; avecques ce ne pourront faire ne faire tailler diament de verre, ne mectre en or ne en argent. Semblablement en or ne pourront faire mectre doublé de verrines pour vendre ne pour en user, si ce n'est pour le roy ou pour la royne.

9. Tous orfievres qui ouvreront d'argent en vaisselle, comme pots, plats, escuelles, bassins et autres vaisselle, ouvreront d'argent qui sera a unze deniers douze ^ grains a quatre