A Vépoque du frai. {Note des éditeurs

27. Que nus boscheron ne autre marcheant ne vendent escallas que les javeelles ne soient autelles dedanz comme dehors et que les eschallas soient bons et souffisans.

28. Que puis que la bûche ou le charbon sera charchié en la nef, qu'elle soit amenée a Paris ou il la voudra vendre sanz séjourner. Et que, puis que la marchcandise sera arivée au port, soit afieurée dedenz iij jours hors feste, et mise en vente, et qu'elle soit en la nef ou en la place aus marcheans vendue dedens iij jours après, et que toute manière de gens en aient pour leur user au feur sans anchierir puis qu'elle sera atavernée.

29. Que nus marcheant ne puist crier bûche de gloe ne bûche de fessel, mes qu'elle soit vendue ainsiu * comme elle vendra au port.

30. Que nus marcheant ne face mesurer bûche ne conter essanle par sa mesniée ne par soi fors que par les jurés, pour les souppesons oster.

31. Que nus n'aille contre les navées de bûche ou de charbon pour acheter en gros pour revendre a détail.

32. Que nul recouvreur ne nul qui soit ouvrier [de tuille] n'acheté tuille ne quarriau pour revendre. Et qui le fera, la tuille et les quarriaus seront pardus.

33. Que la tuille soit fête au patron qui est en nostre court, du lonc, du lé, du large et de Tespoisse, et que en chacunne ait i pertuis pour mettre i clou.

34. Que puis que une navëe de foing ou de feurre sera affeurée en Tyaue ne puisse estre vendue n'achetée en gros de nul marcheant por vendre a détail.

35. Que nul marcheant de fain ne puisse aler contre la navée de foing que l'en amainne a Paris pour vendre au port por acheter la.

36. Que nul courratiers de foing ne d'autre marchcandise ne puisse acheter sans son marcheant, et que chacun d'eus doint plege de diz livres, et que chacun d'eus jure que bien et loiaument fera son office et que nus ne soit marcheant pour soi de la marchcandise dont il sera courratier.

1. Ed. ainsne. Il faut comprendre : mais quelle soit uendue lorsqu'elle viendra au port.

37. Que nus ne descharge sa nef puis qu'elle sera charchiée devant qu'elle soit au port, se ce n'est par caz de neccessité, ne ne melle autre foin avecques celui.

38. Que nus marcheant estrange ne puisse descendre blé, avoinne ne autre grain a Paris pour revendre, se il ne tient garnier ou meson a louier a Paris, e il ou son propre vallet le revende a ses couz.

39. Que nul maçon ne charpentier juré de la ville de Paris ne puisse[nt] faire veue d'aucun héritage dont débat soit entre les parties, se il ne sunt sis a tout le moins, et es grosses besoingnes que il soient touz ensemble ou au moins que il soient huit ou diz. Et auront tous les douze ensemble douze soulz des parties par leur salaire, et se il sunt moins au feur l'enplage. Et seront tenus par leurs seremenz, la journée que il feront la veue, dire leurs diz et leur avis par escript de ce qui leur semblera a faire, et baillié aus parties par escript se il le requièrent. Et se il ne le fesoient et alassent après une foiz ou deus au lieus conttemcieus, il n'auroient que la summe desus dite et une seule foiz. Et se la veue estoit si longue que il i meissent toute leur journée ou la greigneur partie, l'en leur crestroit leur journée selonc le feur de la journée et seront remués de an a an.

40. Que nul marcheant d'avoir de pois ne puisse vendre a autre livre que a la nostre qui est de xv onces, excepté[e]s espèces confites, et que nulle autre marchiandise qui se vent a pois et a livre ne soit pesée que a la dite livre et a celle mesmes revendue.

41. Que nul plastrier ne puisse mettre en son piastre misture nulle, quelle qu'elle soit, mes que il revendent le piastre tel comme il sera osté du four.

42. Que chacun plastrier ait sac de moison, c'est a savoir de iiij boissiaus et demi, et non autre, sur poinne de cors et d'amende.

43. Que nul coquetiers ne pouUailliers n'aille ne n'envoie contre les poulailles et les autres oisiaus et vollaitilles que l'en apportera a Paris pour vendre, mes [que] l'en lessent

venir et aporter tout droit a Paris aus lieus acoustumés, ou ceus qui les aporteront voudront pour vendre les.

44. Que nul taillieur de robe ne puisse avoir ne prendre de taillier ne de queudre deus garnemenz a riches hoummes, que iij soûls et de iij guarnemenz v soûls et d'une robe a un vallet ou a un povre homme [que] ij sous, et du plus a Tavenant. Et li vallet seront affeuré a l'avenant.

45. Que nul lombart ou usurier commun qui aura lettres de debtes sur aucunnes personnes dont le terme sera passé et Taura gardé diz anz sanz demander sa debte, les diz anz passés, ne puisse estre ouis en aucunnes choses de riens, et que lors la debte de Tobligacion soit tenue pour nulle.

57. Des mestres des meitiers de Paris qui dient que il ont par leur ancians registres que nus ne puisse ouvrer par nuit et que nus n'ait que j aprantiz qui soit ou fiulz de mestre ou d'aprantiz et que il les prangnent a certain tens et pour certainne summe, nous ordenons et voulons pour le commun profit que il puissent ouvrer et de jour et de nuit quant il verront que bon sera et que il puissent avoir pluseurs aprantiz autres, enquorre que fiulz ne soient de mestre et d'aprantiz, de quel que pais que il soient; pour quoy il appere que il soient bien condicionnéz, et que il metent tel terme comme il voudront, et finent ensamble a telle summe d'argent comme il pourront.

58. Que nus mareschaus ne soit marcheant ne courratier de chevaus.

Quo circa tibi precipimus et manJamus quatenus in civitate et diocesi Parisiensi aliisque villis et locis tue prepositurc de quibus videris expedire ordinaciones predictas publiée et sollempniter publicari et proclamari facias et in qualibet sui parte sub acerbiori pena qua[m] poteris firmiter observari. In cujus rei testimonium nostrum, presentibus iecimus apponi sigillum Actum apud Fontembliaudi, VII* die julii, anno Domini millesimo ccc® septimo.