Premièrement que nulz ne puisse ouvrer de mauvais

1. Ratification du traité par le roi Haquin. 11 novembre 1308< Même cote.

esmail ne de voirre de plonc en or ne en argent, car il est de mauvaise condicion, car Ten en ouverroit bien sus argent ou il auroit bien la moitié de mauvais aloy, et ce ne porroit on faire de bon esmail, car le bon esmail ne se porroit souffrir a mettre, fors que sus bon or et sus bon argent ; le voirre de plonc n'est pas dignes a ouvrer, ains est faux et dignes a condampner hors du mestier, car il se maingne de toutes sueurs et de toutez yaues et si n'a pas en un marc de telle œvre fausse une once d'argent, et par ycelle façon de tieux esmaux faux les faisoit l'en samblables a esmaux d'or, et les mettoient les merciers en chapiaux avec fines pelles dont cens qui les acheloient estoient deceus.

2. Que nulz ouvriers dudit mestier ne autres ne puisse mettre en or ne en argent voirre pains ne cristauz pains ne saffrés, pour ce que cens en sont deceus qui les achettent, se on ne les fait faire par certaines convenences ou marchié faire en œvre d'église ou en œvre des royaulz.

3. Que nulz ouvriers dudit mestier ne puisse esmaillier chose qui soit férue en taz qui soit cruese dessouz, pour ce que, quant l'en acheté une çainture, l'en cuide qu'il y ait un marc d'argent, et il n'en y a pas la moitié.

4. Que nulz ne puisse clouer ne river pièces a bâtes ne a deus fons, se l'en ne les fait si que l'en les queuse* par les costez, car, quant elles sont clouées, elles samblent estre massées ^ et c'est decevance a cens qui les achètent.

5. Que nulz ne puisse esmailler pièces férues en taz qui viengnent tailliés du taz qui passent le grant d'un artisien et que celle dite pièce soit plaine et plannée par dessouz, par ce que l'en fesoit grans pièces pour çaintures férues en taz qui estoient si flebes d'argent que l'esmail n'i poent demourer longuement entiers sus telle fausse taille, et si n'i a pas le tiers d'argent qu'il samble et de telle fausse œvre touz cens qui les achètent en sont deceus.

1. Telle est la leçon du ms. des Arch. nat. KK 1336. Celui de la Bibl. nat. Fr. 24069 a : crie se.