Du consentement

le merquedi et que audit jour de merquedi et non autrement iceulx merchiers fussent tenus de ainsi le faire se bon leur sembloit, c’est assavoir le mercherie derrière les marseaux 1 et l’espicerie au lieu acoustumé et non ailleurs, sur lxsoIs de fourfait toutes et quanteffois que aucuns feront le contraire, tout selon le teneur dudit article à ce propoz posé et contenu oudit ban, finalement lesdits eschevins, voyans que, pour crainte de encourir ès paines et amendes ainsi apposées à la transgression dudict article, plusieurs povres personnes accoutumées de vendre mercherie et espisserie au dessoubz des halles de ladicte ville s’estoient départis dudit lieu au très grand intérest du bien de la chose publique et aussi du détriment de l'embellissement de la conversacion (sic) desdictes halles , considérans aussi que le pronunciacion dudict ban avoit esté et estoit faite à leur intencion et interpretacion à aussi adurer tant qu’il leur plairoit et non autrement, ont, en faisant déclaracion et interprétacion de leur dite intension à le ressource dudit bien publique, qu’ilz entendoient en ceste partie estre seule (szc),declairé, consenti et octroyé, consentent, declairent et octroyent à tous merchiers, merchières, espichiers et espicières de ceste dite ville et taille subgés et justiciables ausdits eschevins et non autres, que eulx, nonobstant la pronunciacion du dessusdit article contenu au ban d’iceulx merchiers, pussent toutes et quanteffois qu’il leur plaira mectre avant et vendre leurs dictes denrées et marchandises de mercherie et espisserie au dessoubz desdictes halles et non ailleurs, sans meffaire ne encourir aucunes amendes comme et ainsi qu’ilz faisoient auparavant le ban dessusdict pronunchié, tant qu’il plaira ausdicts eschevins. Et demoura au surplus.de ban desdicts merchiers en tous ses autres termes, condicions et articles en sa force et vertu, en réservant surtout l’interprétacion, limitacion et correttion desdicts eschevins, se faire le convenoit et bon sembloit cy après. Ceste interprétation fut ainsi pronunchié le darrain jour dudict mois d’ottobre audit an lxx 2.

Le 1 7 avril i5i8, une nouvelle prescription du Magistrat réglementa la vente des « denrées » qu’il prohiba