Sortants
histoires desdicts stilz, ainsy que bon et expédient semblera pour l’honneur d’iceulx stilz, soient bien et deuement faictes et entretenues et les droix desdicts stilz gardez, les amendes et fourfaictures coeullies d’an en an, selon le contenu de ces présentes ordonnances, derecepvoiret desbourser pour les affaires desdicts stilz aussy avant l’un comme l’aultre, comme aussylesdictsmaistres seront tenus de rendre compte et relicqua chascun an ledict jour Sainct Nicollas en may ou le jour enssievant, que lors on traictera des affaires desdits stilz et se le despense excédoit le revenu que se cœulle annuellement sur lesdicts stilz. le reste se recouvrera sur ceulx desdicts stilz selon sa faculté comme frais d’années.
XXVII. Item et polront lesdicts maistres et aultres desdicts stilz, ledict jour Sainct Nicollas en may, despenser au disner jusques à la somme de xxun livres parisis, laquelle lesdicts maistres cappellans desbourseront, que leur sera allouée par le compte qu’ilz renderont de l’entremise desdicts stilz, et se le cas advenoit que la despense dudict disner excédast lesdicts xxuu livres, en ce cas le surplus se paiera teste à teste par ceulx ayans esté présens audict disner.
XXVIIT. Item et quant le cas eschera que disner ne se fera ledict jour Sainct Nicollas pour le communaulté desdicts stilz, h cause de maladies contagieuses ou aultres inconvéniens, polront lesdicts maistres représentans le corps dudict mestier eslire lesdicts deux nouveaulx maistres comme dict est, sans pooir faire aucuns despens.
XXIX. Item le varlet desdicts stilz sera tenu de bien et diligamment servir en ce que ordonné et commandé luy sera par lesdicts maistres, et pour lequel service il auera chascun an une robbe vaillable xn livres parisis, avecq trois aulnes de soye estroicte de coulleur différent à ladicte robbe à poser au costé où l’enseigne desdictz stilz penderont, et pour chascun adjournemens et corps desdicts stilz n sols, avecq les aultres émolumens accoustumez.
XXX. Item que aulcuns bourgois et bourgoises, manans et habitans de cestedicte ville et taille, eulx meslans de aucun desdictz stilz, ne se advanche de doresnavant mectre son haion et marchandises sinon ainsy que le lot luy viendra et eschera en la manière accoustumée, sur soixante solz de fourfaict applicables comme dessus.
XXXI. Item et que lesdicts bourgois, bourgoises, manans et habitans de cestedicte ville et taille, eulx meslans de aucun desdicts
WM
stilz, seront tenus, en mectant et levant leurs haions, de brocquier 1 leurs draps de baion l’un à l’aultre, affin qu’il n’y ait point de passaige entre leursdicts haions et ce sur vi sols de fourfaict applicables comme dessus.
XXXII. Item que ceulx eulx meslans desdicts stilz quy voldront mectre avant en cestedicte ville le jour de merquedy, soient tenus de venir, endedens leclocquedes ouvriers sonnée ou demie heure après, affin que chascun puisse haionner ainsy que sa place la donra par son lot et sans fraulde sur l’amende de vi sols aplicables comme dessus et que sy ceulx que sont accoustumez de venir estoient deffaillans et ne y volsissent aucuns jours venir, en ce cas les aultres polront prendre les plaches d’iceulx deffaillans les jours que ainsy défailleront, sans aucun fourfaict.
XXXIII Item chascun soy meslant desdictz stilz sera tenu de tenir son lot tel que luy eschera, lequel lot se jectera quattre fois l’an aux jours et ainsy que l’on a accoustumé faire généralement entre tous les marchans de cestedicte ville, assavoir l’un le premier mercredy jour ouvrier après pasques, le 11e pour le feste de Lille, lendemain du jour sainct Beltremieu, le 111e le premier mercredy jour ouvrier après le feste de Lille et le 1111e le premier mercredy jour ouvrier après le noel.
XXXIIII. Item et que tous espissiers estrangiers veullans vendre leur denrée en cestedicte ville ès jours de le franche feste d’icelle, seront tenus de estapler et eulx rengier endessoubz les espissiers bourgeois et manans de cestedicte ville, comme aussy seront tenus eulx rengier tous aultres estrangiers des aultres stilz que dessus endessoubz ceulx de cestedicte ville, selon que font lesdicts espissiers estrangiers.
XXXV. Item que doresenavant, pour éviter à pluiseurs frauldes et déceptions que se polroient commectre, nulz eux meslans desdictz stilz ne polront stappler ne vendre au marché de cestedicte ville, figues, raisins, pommes d'orenges ne aultre pareille denrée et marchandise, qu’ilz ne les aient acheté ou faict acheter hors la ville et chastellenie dudict Lille, à péril de payer vi livres, d’amende pour chascune fois que aulcuns ou aulcunes feroient le contraire, à applicquier les xl sols au prouffict de ladicte chappelle, item xl sols aux povres de cestedicte ville et les aultres quarante sols comme amende de bans enffrains.
