La boucherie

2. Archives communales de Lille. 3me Registre aux bans et ordonnances du Magistrat de Lille, f° 56 v° et 57.

obligations générales, s’adressant à tous les marchands de la ville.

Ban et ordonnance touchant les merchiers de Lille.

Que tout merchier ou merchière, espessier et espessière de ceste ville de Lille et taille d’icelle vendans mercherie en le dicte ville et taille, sont et seront tenus de payer paisiblement au prouffit de le candeille et torses dudict mestier et marchandise chacun an demi livre de chire, sur une livre de chiere de fourffait au prouffit des dictes candeilles et torches et toutesfois que aucuns feront le contraire.

Et que tous apprentis et apprentiches aprendans et que doresenavant volront apprendre ledict mestier en icelle ville et taille, payechent paisiblement pour leur entrée chacun une livre de chiere au prouffit de le dicte chandeille et torses, et que les mestres ou mesteresses des dicts apprentis s’en tiengnent si namptis que pour payer ledict deu en l’acquit desdicts apprentis, sur une livre de chiere de fourffait au prouffit comme dessus et toutesfois que aucuns feront le contraire.

Et que pour chacun merchier ou merchière, espessier, espessière, demouransen ceste dicte ville et taille, quiyradoresenavant de vie à trespas, doit et sera payé pour chascun trespassé deux livres de chiere, sur une livre de chiere de fourffait toutesfois que aucuns feront le contraire.

Et pareillement sera payé, pour chascun enfant desdicts merchiers, merchières, espessiers et espessières, trépassé, une livre de chire, sur ledict fourffait.

Et que tout merchier et merchière, espessier et espessière demourans en ceste ville et taille et eslevans de nouvel ledict mestier en icelle ville et taille, payeront et seront tenus de payer chascun pour ledict mestier eslever et faire estai quatre livres de chire ou prouffit de ledicte candeille et torches et sur deux livres de fourffait toutesfois que aucuns feront le contrayre. Tous saulf que les filz des mestres ne payeront pour le cause dicte que une livre de chire .

Et que tout merchier et merchière, espessier et espessière, demourans en ledicte ville et taille quelz qu’ilz soient sont et seront tenus de venir et estre à le messe monsieur Saint Nicolay en may et aussy estre au disner à lieu acoustumé, sur chacun demi livre de chire de fourffait au prouffit de le messe dudict mestier.

Et que tout merchier et merchière, espessier et espessière d’icelle ville et taille sont et seront tenus de compaignier leurs chandeilles et torches dudict mestier aux sacremens et procession de Lille à honneur de Dieu et de Notre Dame et saint Nicollay bien et paisiblement sur une livre de chire de fourffait à tel prouffit comme dessus et ou cas qu’il ne pouroient monstrer loyal ensonne1.

Et que tout merchier et merchière, espessier et espessière de ceste ville comme dehors ne soient sy hardis qu’ilz mettent avant en nul jour de le sepmaine hors de leurs maisons, réservé le merquedi; et que audict jour de merquedi et non autrement iceulx merchiers seront tenus de ainsy le faire se bon leur semble, c’est assavoir le mercherie derrière le boucherie et espesserie au lieu acoustumé et non ailleurs, saulf et réservé que s’aucuns compagnon merchiers de dehors vient en le dicte ville en passant son chemin poura mettre avant ung jour en le sepmaine et non plus pour icellui voiage et mettre ses denrez sur une cloye 2 ou sur une table à l’encontre d’une maison, sans couverture deseure et sans couvrir ne estoupper 3 les maisons des merchiers ou merchieres de ceste ville, sur lx sols de fourffait saulf aussy que les dicts merchiers et espessiers subgés et justichiables à la loy de ceste ville et non autres pouront mectre avant par toutes les sepmaines, saulf le merquedi, dessoubz le halle nouvelle, ainsi qu’ilz ont acoustumé faire. Ainsi pour ce faire, en ensuivent l’interprétation autreffois pour ce faicte et publyée.

Et que merchier quelconques ne soient sy hardis qu’ilz s’entremettent ne avancent de faire priserie aucune sur le fait dudict mestier de mercherie, mais soit et sera faicte ledicte priserie par les quatre mestres dudict mestier et non autrement, sur lxsoIs de fourffait toutesfois que aucuns feront le contraire 4.

Et que aucuns merchier ou merchière de le dicte ville et taille ne soit sy hardis qui face ne face faire deux estaux de mercherie meslée venans d’une maison ne d’un catel en jour de marchié ne aultreinent en ceste dicte ville et taille, pour lx sols de fourffait toutesfois que aucuns feront le contraire.

Et que tous merchier et merchière, espessier et espessière