HISTOIRE

de trente-sept ans : ce qui luy aduint, comme il dict, ayant un an auparauant continué de prier Dieu de tout son cœur, soir et matin^ à ce qu'il luy pieust enuoyer son bon ange, pour le guider en toutes ses actions; et aprez et deuant la prière il empioyoit quelque temps à contempler les œuures de Dieu, se tenant quelques fois deux ou trois heures tout seul assis à méditer et contempler, et chercher en son esprit, et à lire la Bible, pour trouuer laquelle de toutes les religions débatues de tous costés estoit la vraye, et disoit souuent ces vers :

Enseigne moy comme il faut faire, Pour bien ta volonté parfaire, Car tu es mon vray Dieu entier.

Fais que ton esprit débonnaire Me guide, et meine au droict sentier.

Blasmant ceux-là qui prient Dieu qu'il les entretienne en leur opinion, et continuant cette prière, et lisant les sainctes escriptures, il trouua en Philon Hébrieu, au liure des sacrifices, que le plus grand et plus agréable sacrifice que Thomme de bien et entier peut faire à Dieu, c'est de soy mesme, estant purifié par luy. Il suyuit ce conseil, off'rant à Dieu son âme. Depuis il commença, comme il m'a dict, d'auoir des songes et visions pleines d'instruction : et tantost pour corriger un vice, tantost un autre, tantost pour se garder d'vn danger, tantost pour estre résolu d'une difficulté, puis d'vne autre, non seulement des choses diuines,