D UN ESPRIT FRAPPEUR

ains encores des choses humaines; et entre aultres luy sembla auoir ou y la voix de Dieu en dormant, qui luy dict, je saunerai ton âme, c'est moy qui t'ay apparu par cy deuant. Depuis, tous les matins, sur les trois ou quatre heures, l'esprit frapoit à sa porte, et se leua quelques fois ouurant la porte, et ne voyoit personne, et tous les matins Tesprit continuoit, et s'il ne se leuoit pas, il frapoit de rechef et le réueilloit jusques à ce qu'il fust leué. Alors il commença d'avoir crainte, pensant que ce fust quelque maling esprit, comme il disoit : et pour ceste cause, il continuoit de prier Dieu, sans faillir un seul jour, que Dieu lui enuoyast son bon ange, et chantoit soiiuent les psalmes, qu'il sauoit quasi tous par cœur. Et lors l'esprit se feist cognoistre en veillant, frapant doucement le premier jour, qu'il apercent sensiblement plusieurs coups sur un bocal de verre, qui l'estonnoit si fort : et deux jours après ayant vn sien amy secrétaire du Roy, qui est encores en vie, disnant auec luy, oyant que Tesprit frapoit sur vne escabelle ioignant de luy, commença à rougir et craindre 5 mais il luy dist, n'ayez point de crainte, ce n'est rien : toutesfois pour l'asseurer il luy conta la vérité du faict. Or il m'a asseuré que, depuis, tousiours il l'a accompagné, luy donnant vn signe sensible, comme le touchant à l'oreille dextre, s'il faisoit quelque chose qui ne fust bonne, et à l'oreille senestre s'il faisoit bien : et, s'il venoit quelqu'un pour le tromper et surprendre, il sentoit soudain le signal à l'o-