IV, chap. XLiv, de rclraicl coustumicr, fol. lxxv
Et semblablement est Ton receu en payant ledit my denier dedans l'an, quant le mary ou la femme, durant leur mariage, acquièrent aucunes rentes, charges, ou servitutes, qui estoient dues sur l'un d'eulx par avant leur mariage, ou sur son héritage.
L. IV, chap. XLiv, de rclraicl coiisliimicr, fol. Lxxvr, § 2.
En chose mobilaire n'a point de retraict, ne en donation pour provision de corps ; et droit de retrait, qui vient par proximité de lignage ou consanguinité, ne peut estre transporté en aultre ; aultre chose est du conventionnel.
SX
L. V, chap. Lxvili, Je tenir ficfzy terres et à qiiclz devoirs, fol. cxxx, i; I du chapitre.
Les fiefz, fons et aultres dommaines du pays de Poictou sont ou doivent estro tenus noblement ou rousturièrement ; et ceulx qui sont tenuz rousturièrement sont tenuz à cens, rentes , tailles, biains, terrage, complans et autres devoirs rousturiers, selon les usages etcoustumes des lieux où ilz sont assis ; et ceulx qui sont tenus noblement sont par hommaige lige ou plain, en parage, part prenans ou part mettans, ou en gariment, ou aullres devoirs nobles, selon la coustume et usages des fiefz et lieux ou ilz sont assis.
L. V, chap. Lxvni, de tenir fiefz, terres, et à quelz devoirs^
^ fol. GXXXI, § 2.
Aultre chose seroit si se n'estoit le devoir du fief, comme dit est, en plusieurs lieux que aucuns seigneurs sur les fiefz de leurs subiectz ou de leurs voisins ou sur aucuns d'iceulx, ont rentes, taillées, arbaulx % ou aultres charges. Car, supposé qu'ilz tiennent iceulx devoirs noblement, chascune partie du fons n'est pas chargée du tout. Et aussi, pour icelles charges que l'on a sur autry fief, n'a aucune amande à iceluy à qui icelle charge est deue, pour icelle charge non payée au terme.
1. Le ms. fr. 369 (Bibl. mun. Poitiers), fol. 58 v°, § 3, porte : arbans.
L. IV, chap. xux, de conlraindrc à faire foi] et hommage, devoir ou redevance, folio lxxxvii, s; 1 du cliapilre.
Le seigneur féodal, et n'eust il que iurisdition foncière, peut demander et avoir foy et hommage, devoir ou redevance, pour raison des choses qui sont en son fief, supposé que, par avant, luy ne les siens ne les avoient euz. Car aucun ne peut tenir en alleu, s'il n'estoit homme d'église. C'est assavoir que, si la chose est telle quelle puisse porter hommage, l'on est tenu d'en faire hommage. Et, si elle n'est de si grant valeur, l'on y doit mettre devoir, et sera tenue rousturierement audit devoir à payer par chascun [an] ^, lequel devoir est la douziesmc partie de la valeur de la chose par chascun an.
Et les gens d'église peuvent tenir en alleu, s'ilz ont tenu par quarante ans franchement, sans en faire foy ne hommage, devoir ne redevance ; et aultres que gens d'église ne peuvent tenir sans en faire devoir ou redevance, par quelque ténement qu'ilzen ayant fait, si, par privilège, ilz n'avoient acoustumé de ainsi le faire.
