Prologue de la traduction des Éthiques
« En la confiance de l’aide de Nostre Seigneur Jhesu Crist, du commandement de tres noble et excellent prince, Charles, quint de ce nom, par la grace de Dieu roy de France, je propose translater de latin en françois aucuns livres lesquelz fist Aristote le souverain philosophe qui fut docteur et conseillier du grant roi Alixandre et duquel la doctrine pour la valeur et l'excellence d'elle a esté multipliée et en grant reputation vers les sages presque partout le monde, et a esté translatée en pluseurs langages et cxposéc à tres grant diligence de pluseurs docteurs catholiques et autres ét receue en toutes lois et sectes renommées et tenue en grant auctorité dès devant le advenement Nostre Seigneur Jhesu Crist environ v° ans et depuis jusques à maintenant par l’espace de inil ceczxx ans, et sera ou temps avenir tant comme à Dieu plaira.
« Et de toute doctrine la meilleur, la plus digne et la plus profitable, c'est la science de inoralité contenue par especial et principalment en un livre divisé en deux qui sont appellés Ethiques et Politiques. Le livre de Ethiques, c’est le livre de bonnes meurs, livre de vertus, ouquel il enseigne selon raison naturel bicn faire et estre beneuré en cest monde. Et Politiques est art et science de gouverner royaumes et cités et toutes communités. Et ne treuve l'en pas de ceste science livres plus
raisonnablement, artificialment et complectement com-
posés que sont les livres Aristote. Si me semble que nous
devons beneir et loer le roy du ciel qui a son peuple pourveu de tel roy lerrien, plain de si grant sagesce, et qui avec les autres graces que il li a données, il li a inspirée si noble volenté que il met sa cure et son entente à si bonnes sciences. Car après la foy catholique en quoy il est souffisamment instruit et de laquelle il est soubz Dieu après le pape principæ defenseur, il ne pourroit meilleurs choses savoir ne plus profitables pour lui et pour son royaume et avec ce pour le salut de lame.
«a Car quant est de Ethiques, verité est que les autres ars et sciences enseignent, une estre bon edifieur ou bon paintre ; l’autre, estre bon advocat ou bon notaire; l’autre, estre bon medecin ou bon musicien, etainsi des autres ars et doctrines. Mès ceste ycienseigne estre bon homme, estre bon simplement. Quant est de Politiques, c’est la science par quoy l'en scet royaumes et cités et quelconques communités commencier, ordener et parfaire, et en bon estat maintenir et garder, et les reformer quant mestier est. Et avec ce elle vault et aide à faire composer et establir loys humaines justes et profitables, et à les entendre et interpreter ou gloser et aussi à les corriger ou muer et à savoir quant temps en esl el pourquoy et comment. Et pour ce si comme il apperra après par Aristote ceste science appartient par especial et principalment aus princes et à leurs conseilliers. De quoy Virgile raconte comme chose revelée de par Dieu que Anchises après sa mort manda aus Romains que il sceussent ceste doctrine. Et le recite saint Augustin par grant auclorité. Et en sentence Virgile dit ainsi en la personne de Anchises : « Sachent les autres faire biaus
==. 00. == « ymages ; les autres, bien mener les causes ; les autres, a astrologie ; mès tu quiconques es ou seras prince ro- « main, remembre loy que tu doyes savoir les peuples
« gouverner, espargner aus subjects et debeller les or- « guilleus. Ce sont tes ars, ce seront tes sciences. » Mès
aucun pourroit dire que ceste science n’est pas si neces-
saire; car ou temps passé pluseurs roys et princes ont esté tres bien gouvernés qui onques n’estudierent politiques ne leurs conseilliers semblablement.
« Je respon ad ce et di premierement que communelment les grans et bonnes policies et seigneuries qui ou temps de jadis durerent longuement furent maintenues el gardées par gens qui avoient estudié livre de telle science, comme furent les Grecs et pluseurs autres desquiex Aristote fait mention. Et aussi les Romains latins comme Tulles, Apuleus, Plutarcus et autres en composerent livres intitulez : De la chose publique. Après je di que il est bien possible que aucuns ont bien gouverné
sans avoir veuz tielx livres parce que il avoient si tres:
bon sens naturel et si bonne prudence et si tres grant desir au bien publique que ceste science estoit en leur cuer naturelment entée, née et plantée. Et en propos presque semblable dit saint Pol que aucuns gens qui n’ont point de loy font naturelment les euvres de la loy. Mès je di oultre que tout aussi comme aucun chante bien ou fait ymages ou autres besoingnes sans art et
sans doctrine par son engin qui est à ce naturelment
enclin, et nientmoins il n’est pas ainsi de chascun, et ces yci meisme profitassent plus assés en telles besoingnes, se avecques la bonne habilité de nature que il ont, il eussent la docirine. Semblablement est il verité que
DE
savoir la science de politiques profitte moult aus sages qui ont à gouverner. Et en puet l’en bien dire ce mot de l'Escripture : Audiens sapiens sapientior erit. Le sage sera plus sage de oyr ceste science. Mesmement, consideré que illecques sont bailliées certaines regles, bons enscignements, belles hystoires, et les causes pourquoy pluseurs policies ont esté et pevent estre corrompues et gastées et celles parquoy il pevent estre sauvées et gardées.
« Et est possible que se ou temps passé aucuns princes et leurs conseilliers eussent apparceu et advisé aucunes choses qui y sont contenues et il les eusseft mises à effect, comme il est vraysemblable, leurs dominations ou princeps en eussent plus duré et en meilleur estat. D'autre partie, l’estude de tels livres engendre ou embast ou acroist es cuers de ceulx qui y entendent affection et amour en bien publique qui est la meilleur qui puisse estre en prince et en ses conseilliers après l’amour de Dieu. Donques est telle estude grandement profittable. Mès pour ce que les livres morals de Aristote furent fais en grec et nous l’avons en latin moult fort à entendre, le roy a voulu pour le bien commun faire les translaier en françois, affin que il et ses conseilliers et aultres les puissent miex entendre mesmement Ethiques et Politiques desquiels, comme dit est, le premier aprent estre bon homme et l’autre estre bon prince.
« Pourquoy il appert clerement que nostre bon roy Charles puet estre dit Charles grant en sagesce et que de tres saint mouvement et de tres noble corage il fait, selon l’aucteur Vegece qui dit en sa doctrine de fais
d'armes que il n’est nul quiconques à qui il siece ou appartiengne plus à savoir meilleurs choses et pluseurs que il appartient au prince. »
Ezxcusation et commendation de cest euvre.
« Presciau dit en un petit livre que il fist des mestres de Terence que de tous les langages du monde, latin est le plus habile pour miex exprimer et plus noblement son entention. Et nienünoins les livres d’Aristote et par especial Ethiques et Politiques ne pevent pas avoir esté proprement de grec en latin, si comme il appert par ce que encor” sont pluseurs mos grecs qui n'ont pas mos qui leur soient correspondens en latin. Et comme il soit ainsi que latin est à present plus parfait et plus habundant langage que françois, par plus forte raison l’en ne pourroit translater proprement tout latin en françois. Si comme entre innumerables exemples puet apparoir de ceste tres commune proposition : Homo est animal.
Car homo signifie homme et femme, et nul mot d@
françoys ne signifie equivalent, et animal signifie toute chose qui a ame sensitive et sent quant l’en la touche, et il n'est nul mot en françoys qui ce signifie precisement. Et pour ce ceste proposition est vraye : Mulier est homo, et ceste est fauce : Femme est homme. Semblablement ceste proposition est vrâye : Homo est animal, et ceste est fauce : Homme est beste. Et ainsi il est de pluseurs noms et verbes et mesmement de aucuns sincathegoresmes, si comine pluseurs propositions et autres, qui tres souvent sont es livres dessus dis que l'en ne puet bien translater en françois.
= « D'autre partie, une science qui est forte, quant est de
soy, ne peut pas estre bailliée en termes legiers à entendre, mès y convient souvent user de termes ou de mos propres en la science qui ne sont pas communelnent entendus ne cogneus de chascun, mesmement quant elle n'a autre fois esté tractée et exercée en tel langage, et telle est ceste science ou regart de françois. Parquoi je doy estre excusé en partie, se je ne parle en ceste matiere si proprement, si clerement et si adornéement, comme il fust mestier. Car avecques ce je n’ose pas eslongnier mon parler du texte de Aristote qui est en pluseurs liex obscur, affin que je ne passe hors son intention et que je ne faille. Mès se Dieu plaist par mon labeur pourra estre miex entendue ceste noble science et ou temps advenir estres bailliée par autres en françoys plus clerement et plus complectement. Et pour certain translater telz livres en françoys et baiïllier en françois les ars et les sciences est un labeur moult profitable. Car c’est un langage noble et commun à gens de grant engin et de bonne prudence. Et comme dit Tulles en son livre de Achademiques : Les choses nesantes et de grant auctorité sont delectables et bien agreables aus gens ou langage de leur païs. Et pour ce dit il ou livre dessus ditet en pluseurs autres contre l'opinion d’aucuns que c’estoit bien de translater les sciences de grec en latin et de les baillier et tracter en latin. Or il est ainsi que pour le temps de lors grec estoit en resgart de latin quant aus Romains, si comme est maintenant latin en resgart de françois quant à nous. Et estoient pour ce temps les estudiens introduis en grec et à Rome et ailleurs et les sciences communement bailliées en grec, et
en ce païis le langage commun et maternel c’esloit latin. Donques puis je bien encore conclurre que la consideration et le propos de nostre bon roy Charles est à recommander qui fait les bons livres et excellens translater en françois. »
Liber Ethicorum.
« Omnis ars et omnis doctrina, similiter autem et
« actus et electio, bonum quoddam appetere videtur. « Ideo bene enuntiaverunt bonum, quod omnia appe-
fA
AR
tunt. Differentia vero quædam videtur esse finium. Hi quidem enim sunt operationes; hi vero, præler has, opera quædam. Quorum autem sunt fines quidam præter operationes , in his meliora existunt operationibus opera. Multis autem operationibus existentibus et artibus et doctrinis, multi sunt et fines. Medicinalis quidem enim sanitas : navifactivæ vero navigatio : militaris vero victoria : yconomicæ vero, divitiæ. Quæcumque autem sunt talium sub una quadam virtute, quemadmodum sub equestri frenifactivæ et quæcunque aliæ equestrium instrumentorum sunt. Hæc autem et omnis bellica operatio sub militari. Secundum eumdem ilaque modum, aliæ sub alteris. In omnibus itaque architectonicarum fines sunt desiderabiliores his, quæ sunt sub ipsis : horum enim gratia et illas prosequuntur. Differt autem nihil operationes ipsas esse fines actuum, aut præter has aliud quoddam, quemadmodum in dictis doctrinis. Si utique est aliquis finis operabilium quem propter se ipsum volumus, alia vero propter illum, et non omnia propter alterum desideramus (procederetur in infinitum, sic-
« que esset vanum et inane desiderium ), manifestum e quoniam hic. utique erit bonus et optimus. Igitur et « ad vitam cognitio ejus magnum habet incrementum ; « et quemadmodum sagittatores signum habentes, ma- « gis utique adipiscemur quod oportet. Si autem sic, « tentandum est figuraliter accipere illud, quid quidem « est, et cujus disciplinarum aut virtutum. Videbitur « autem utique principalissime et maxime architecto- « nicæ csse. Talis utique et civilis apparet. Quas enim « esse debitum est disciplinarum et civitatibus, et « quales unumquemque addiscere, et usquequo hæc « præordinat. Videmus autem et pretiotissimas virtu- « tum, sub hac existentes, ut puta, militarem , ycono- « micam, rhetoricam. Utente vero hac reliquis practicis « disciplinis, amplius autem legem proponente, quid « oportet operari et a quibus abstinere, hic finis com- « plectitur utique eos qui aliarum. Quapropter hic uti- « que erit humanum bonum. Si enim ct idem est bo- « num uni et civitati, majusque et perfectius, quod « civitati videtur, et suscipere et salvare. Amabile qui- « dem et uni soli, melius vero et divinius, genti et civia tatibus. Methodus quidem igitur hæc appetit, civilis « quædam existens, »
Commencement de la traduction des Éthiques.
« Tout art et toute science‘ et semblablement tout fait ou operation et election appetent et desirent * aucun
1. « Il entend par art science pratique et par doctrine science speculative. »
2. « Par desir naturel, comme leur fin et leur perfection. Et aucune foiz desife un homme mal, mais il est pour ce que il a aucune apparence de bien. »
bien. Pour ce parloient bien les anciens en disant ainsi : Bien est ce que toutes choses desirent. Et semble que il est difference de fins. Car les unes fins sont les operations, les autres sont aucunes euvres ou choses faites hors les operations ou façons, et ces euvres* sont meilleurs que les operations par quoy ils sont faites. Et comme il soit moult de operations et d’ars et de doctrines, pour ce est il moult de fins : si comme de medecine la fin est santé, de faire navie la fin est aler par eaue et en nageant, de chevalerie la fin est victoire, et richesces sont la fin de yconomie*. Et de tels ars et doctrines aucunes sont dessous une autre ; si comme art de faire frains est soubz art de chevauchier, et aussi sont toutes les autres ars de faire instrumens ou hernoys pour chevaux. Et cest art de chevauchier et tout autre qui a mestier pour guerre est souz art ou office de chevalerie. Et selon ceste maniere sont les ars et doclrines et offices ordenées, les unes pour servir les autres. El en toutes telles choses les fins des ars ou doctrines qui ont principalité sur les autres sont meilleurs et plus desirables à tous que les fins de celles qui sont dessous elles. Car celles qui servent et sont soubz les autres poursuivent et quierent leurs fins pour la fin de leur souveraine ou principal*. Et quant à ce il n’y a force de la difference de
