Comme une maison ou un vaissel
3. « Yconomie est art de gouverner un hostel et les appartenances pour acquerir richesces, et ceste fin est pour autre fin, c'est assavoir pour bien user d’icelles. »
k. « Si comme l’armurier tent afin que le chevalier soit bien armé, et le chevalier le veult, afin que il se combate, et se combat, afin d’avoir victoire, »
fins qui est devant dicte, comme les unes fins sont operations et les autres sont choses faites ! : si comme il appert aus doctrines devant dittes*. Et se il est une fin de toutes euvres humaines laquelle fin nous voulons et desirons pour soy meismes et toutes autres pour elle et non pas chascune fin pour autre fin, car ainsi seroit ce procès infini, et seroit tel desir vuit et vain et pour nient. Et puisque il est ainsi, il appert clerement que ceste fin est bonne et tres bonne. Donques la cognoissance de ceste fin donne grant aide et grant accroissement de bien à vie humaïne, car par la cognoistre la povons nous miex acquerir et tout ce qui nous convient. EL pour ce que ainsi est, 1j nous convient essaier vraysemblablement et grossement à comprendre ceste chose et à savoir que ce est * et à quel discipline ou à quelle vertu il appartient à la cognoistreS. Et semble par raison que il appartiegne à la tres principal, mesmement à celle qui a principalité et ordene des autres, et
1. « Car tousjours est meilleur la fin qui ensuit l'autre : g comme un instrument de musique , qui est chose faite, vault miex que la facon ou operation , et le biau son pour quoy il est fait est plus digne que n’est tel instrument. »
2. « C’est assavoir que les fins de celles qui sont par dessus les autres sont tousjours les meilleurs. »
3. « Il appert par exemple, car l’en fait armeures pour armer, l'en se arme pour combatre, l'en se combat pour avoir victoire, l'en quiert victoire pour pais avoir, l’en quiert pais pour bien humain. Semblablement le charpentier fait la maison pour habiter et pour gaagnier et linalement pour bien avoir. Et ainsi des autres. Et briefment tous tendent par raison au plus grant bien que on puisse avoir et c’est la derreniere et souveraine fin, excepté paradis et la grace par quoy on le dessert, de quoy la consideration passe et est oultre ceste science. »
&. « Ce sera par especial ou premier et au X° de Ethiques. »
5. « Ce dira il tantost après, et entent par discipline science specu'ative et par vertu science pratique. »
ON
telle appert estre la science civile‘. Premierement, car elle ordene devant toutes quelles disciplines et ars doivent estre es citez et de chascune quelles gens la doivent aprendre et à quel souffisance, et combien de temps, et quant, et comment*. Item, les tres precieuses des bons ars ou doctrines sont souz ceste, si comme chevalerie, yconomique et rethorique#. Item, ceste science civile use des autres disciplines pratiques, et que plus est, elle propose et met regle et loy de ce que l'en doit faire et de ce quoy l’en se doit abstenir , et ainsi elle comprent et contient les fins de tous autres ars et doctrines, pour quoy il s'ensuit que elle contient le bien humain et enseigne quel chose ce est. Item , se une chose est bonne à un citoien, laquelle est bonne à toute la cité, et aussi se ce qui est bon à toute la cité est bon à un citoien, donques est ce moult plus grant chose et plus parfaitte procurer et saulver ce qui est bon pour toute la cité; car se le bien d’un seul est chose qui fait à amer, il est certain que c’est meilleur chose et plus divine * amer et procurer le bien de toute une cité, et encore plus le bien de tout un païs. Or est ainsi que l’art et doctrine civile desire , appele et intent telle fin, c’est assavoir le bien
1. « C’est Ethiques et Politiques qui sont continuez ensemble et font une doctrine appellée civile. »
2. « Les gouverneurs des citez par le sens de quoy tracte ceste science deneent aucuns ars, les autres seuffrent, commandent et en ordenent quant à la maniere ou de la forme ou du pris et des autres appartenances si comme des robes, du pain et des autres choses. »
8. « Chevalerie est la doctrine des guerres; yconomique, de gouverner un hostel; et rethorique appartient aus advocas. »
4. « Plus semblable à la proprieté de Dieu, qui est cause general et universel de toutes choses. »
mA
me
de vie humaine, par quoy il appert que la consideration et la cognoissance de telle fin appartient à ceste science civile. » e
