Prologue de la traduction des Politiques

« À tres souverain et tres excellent prince, Charles, quint de ce nom, par la grace de Dieu roy de France, Nicole Oresme , doyen de vostre eglise de Rouen, votre humble chapellain, honeur, obedience et subjection.

« Tres redoubté Seigneur , selon ce que dit la Saincte Escripture : « Cor regis in manu Domini, quocumque voluerit, inclinabit illud. Le cuer du roy est en la main de Nostre Seigneur, il l’enclinera là où il voudra. » Et donques benoit soit Dieu, car il a le vostre noble cuer encliné à faire mettre en langage françois la science de Politiques, de laquele a dict Hue de Saint Victor : Politica est que reipublice curam sustinens cunctorum saluti sue prudentie sollertia justitieque libra et fortitudinis stabilitate ac temmerantie paciencia medetur, ut ipsa dicat de semet, per me reges regnant et legum conditores justa decernunt. « Politique est celle qui soustient « la cure de la chose publique, et qui par l’industrie de « sa prudence et par la balance ou pois de sa justice et par la constance et fermeté de sa fortitude et la pa- « cience de son attrempance donne medecine au salut de « touz, en tant que elle puet dire de soy meismes, par « moy les roys regnent et ceulz qui font les loiz discer- « nent et determinent par moy quelles choses sont « justes. » Et aussi comme par la science et art de medecine les corps sont mis et gardez en santé, selon la possibilité de nature, semblablement par la prudence et

industrie qui est expliquée et descripte en ceste doctrine, les policies ont esté instituées, gardées et reformées, et les royaumeSet princeys maïintenuz, tout comme esloit possible; car les choses humaines ne sont pas perpetueles, et de ceulz qui ne pevent estre telz ou qui ne sont telz, l’en scet par elle comment on les doit gouverner par autres policies au miex qu'il est possible, selon la nature des regions et des peuples et selon leurs meurs. Et donques de toutes les sciences mondaines, c’est la tres principal et la plus digne et la plus profitable. Et est proprement appartenant aus princes. Et pour ce elle est dite architectonique, c'est à dire princesse sur toutes. Et se aucuns ont bien gouverné sans ce qu’il eussent livres de politiques, nientmoins il convenoit qu’il eussent escrips en leur cuer les principes, commandemens ou regles de ceste science. Mais aussi comme en art de medecine et en autres, semblablement en art de gouverner princeys, doctrine ordenée et escripte fait grant aide et sont par ce les princes faiz plus sages, el puet on dire de elle : Audiens sapiens sapiencior erit. Le sage qui l’orra, sera par ce fait plus sage. Et pour ce pluseurs Grecs et Laüns ont composées escriptures apelées livres de Policies ou de la Chose publique. Entre lesquelz Aristote est le plus renommé, lequel, selon ce que dit Eustrace, escripst et traita des sciences politiques et des speculatives et sembla que ne fist-ou composa onques œuvre à meilleur diligence que cest livre. Et puet assez apparoir tant par le procès et par les tiltres des chapitres et par la table des notables qui sont après, tant comme par un petit livre de la vie de Aris-

OT Ce

tole', ouquel est dit comment, quant le grahf roy

Alixandre, qui se gouvernoit par le conseil de lui ala.en sa jœunesce en Perse, Aristote en alant avec lui composa une hystoire de ij°. et I. policies ; item, comment

il escripst après au roy Alexandre un livre apelé Liber de Regno*, ouquel il li enseignoit comment il devoit regner, et que par ce le roy fu moult animé à bien faire en tant que le jour qu'il n’avoit bien fait à aucun, il disoit : Je n'ay pas hui regné. Item, illecques est dit comment après ce que Aristote ot fait pluseurs livres, il escripst derrenierement hystoire des Policies, c’est assavoir ce livre *, ouquel spnt mises et recitées pluseurs policies de citez et de philosophes, meismement ou secont livre, ouquel il commence à determiner de communication politique. Or avons donques que ce livre est de la meilleur science mondaine qui puisse estre et fut fait par le plus sage philosophe qui onques fust, dont il soit memoire, et à grant diligence et en son parfait eage et comme la principal et final de ses œuvres. Et pour ce par l’espace de mil et vj°. ans et plus en toutes loys et sectes et partout le monde à esté plus accepté et en plus grant auctorité que quelconques autre escripture de policies mondaines et aussi comme un livre de loys presque natureles, universeles et perpetueles, et ce par quoy toutes autres loys particulieres, loualz ou temporeles sont ordenées, instituées, moderées, interpretées, corrigées ou muées et sur ce fondées. Et pour ce, tres

1. Aristotelis vila ex vetere translalione, p. 56, éd. Théoph. Buble.