MAXIMILIEN A CHARLES VIII

( Bruges ^ 3i juillet 1486).

De la longue lettre de Maximilien à Charles VIII, nous ne citerons ici que le passage relatif au sire et à la dame de Beaujeu ;

« Et au surplus, qui pis est et que plus avons au cueur, vous avez en ce faisant soustenuz et entretenuz lesdits seigneur et dame de Beaujeu et sire Desquerdes , et encoires les entretenez ou gouvernement qu'ilz ont eu de votre personne , non saichant les choses qu'ilz ont faictes et font journellement au préjudice de vous et de votredit royaume pour la petite expérience que encoires avez pour votre jeune aige, car ilz tiennent voz serviteurs et subjectz à eulx que n'en avez aucuns qui vous osent advertir de la vérité pour le bien de vous et de votre royaume. Et pour ce que ces choses nous touchent fort, tant à cause du mariaige de vous et de notredite fille que pour Tamour que tousjours avons eue à votre personne et que pour notre honneur ne les povons plus toUérer ne permectre , nous escripvons présentement devers vous et vous requérons le plus acertes que povons que doresenavant vous ne vueiUez croire au conseil desdits seigneur et dame de Beaujeu et sieur Desquerdes, ne leur bailler tel gouvernement ou auctorité en votre royaume comme ilz ont eu jusques à présent, et en ce faisant ferez à vous et à votredict royaume chose honorable et prouffitable et à nous notre bien et seurté »

(Arch. de la Côte-d'Or, Correspondance de la Cour des Comptes, t. !.)