RÉPONSE DE CHARLES VIII A L'ARCHIDUC MAXIMILIEN

(Beauvais, 3i août i486.;

Charles, etc., à hault et puissant prince notre très cher et très amé père et cousin le duc Maximilien d'Aultriche, salut et diQection. Toyson d'or, vostre officier d'armes, nous a présenté de par vous certaines injurieuses lettres en placard et forme deshonneste et stille non acoustumé entre princes, dont avons esté et sommes fort esmerveillés , et n'eussions jamaiz creu lesdites lettres procédens de votre sceu et voulloir si elles n'eussent esté signées de votre main . du contenu desquelles voz lettres vous tenons assez mémoratif. Et combien que, veu la forme d'escripre et les parolles contenues en vosdites lettres que ne devoyent procéder d'un tel prince que vous, ne vous devrions sur ce escripre ne respondre, néantmoins pour ce qu'il y a des choses que pour honneur ne les povons dissimuler, vous y voulons bien faire responce qui est telle, que à vous ne auti^e prince ou seigneur vivant n'appartient de dire, escripre ou proufférer parolles sinistres à la (mémoire) de feu très crestien Roy et notre très chier seigneur et père, que Dieu abseulve, qui a esté si grant, virtueulx et catholicque prince, tant obéy et révéré le sainct sieige appostolique, plain de si grant honneur, libéralité, vaillance et bonne conduicte qu'il a laissé tout son royaume, pays, seigneuries et subgectz en grant paix et transquilité, sans ce que depuis son déceps ayons estez invadez ou assalis que de vous qui n'avez ou povez avoir quelque querelle contre nous ; et tellement que la bonne et grande révérence de notredit feu seigneur et père, sadébonnaireté, libéralité et faiz chevalereux dureront et seront en mémoire perpétuel, sans ce que vous ou autre les puissiez callumpnier ne abaissier.

Et pour ce que vosdites lettres , soubz couleurs controuvées, et dont vous povez et poriez savoir la vérité au contraire, si loyaument vous en voulés enquérir, tant du fait de Flandres que des autres poins contenuz en vosdites lettres, vous efforcés donner charge injustement à nos très chers et très amez frère et seur, les conte et contesse de Clarmont et de le Marche, seigneur et dame de Baujeu , qui ne sont pas choses dont vous deussiez entremectre, mesmement veu la proximité de lignaige dont voz enffansleur actient, toutesvoyes nous vous voulons bien advertir que notredit feu seigneur et père, congnoissant véritablement la grant loyaulté de notredit frère et les grans , louables et virtueux services qu'il luy avoit faiz au faict de ses guerres et es charges qu'il luy avoit données, lesquelles par sa bonne conduicte et vaillance il avoit virtueusement exécutées et acomplies en grant dangier de sa personne, fut justement meu de luy donner nôtredite seur en mariaige, et par succession de temps luy bailla et laissa tout le gouvernement de sa personne et de tous les grans affaires de son réaume, comme ce est tout notoire. Et ung an ou plus par avant sontrespas, extimé lors en bonne santé corporelle , nous fit venir devant luy en la présence de plusieurs princes, et seigneurs de notre sang et lignaige, de plusieurs prélaz, gens de conseil et autres grands personnaiges , et entre les beaulx et véritables enseignemens et commandemens qu'il nous fit, nous commanda et chargea expressément que son plaisir estoit que nosdits frère et seur eussent entièrement le soing, cure, sollicitude et conduite de notre personne, et que les tenissions tousjours à l'entour de nous; aussi que notredit frère eust la charge et conduicte de tous les afferes de notredit royaume, avec ce que entretenissions à notre service tous les grans personnaiges qu'il avoit entretenuz et entretenoit par le faict de sa guerre, et entre autres le seigneur Des Cordes que à tort avez voulu charger par vosdites lettres. Et encores, pour plus nous desmontrer , ledit seigneur estant mallade de la malladie dont il a pieu à Dieu l'appel-

1er, envoya expressément devers notredit frère, pareillement y envoya ses cappitaines et chez de guerre, ausquelz il conmianda et ordonna nous servir et obéyr et à notredit frère comme à notre personne propre. Et en ensuivant les haulx et louables faiz et les enseignemens et commandemens de notredit feu seigneur et père, aussi la très humble requeste que nous firent les gens des Estatz de notredit royaume derenièrement assemblez en notre ville de Tours qui nous suppKèrent très humblement qu'il nous pleust entretenir nosdits frère et seur à Tentour de notre personne et gouvernement des affaires de nous et de notredit réaume, avons tousjours tenu nosdits frère et seur près de nous et à icelluy notre frère baillé la conduicte de nosdits affaires où il s'est si longuement employé et conduit et fait chacun jour que plus ne pourroit. Et n'avez cause nulle de le charger du faict de Flandres, car ce que fait en avons a esté par le bon conseil et advis desdits seigneurs de notre sang et gens de notre Conseil, et pour garder et conserver notre haulteur et souveraineté et obvier aux entreprinses que vous y voulez fère et à la voye de faict que avez jà encommancée et que fère ne devyez, car à vous ne autre personne n'est loysible de prandre armes en notre réaume sans notre exprez congié et licence. Et vous savez que la comté de Flandres est une des anciennes frontières de France, tenue de nous en foy et hommaige ; et si avons voulu tenir le pays de Flandres en paix pour le bien des subgetz d'icelluy pays et réduire les choses à la raison comme prince, seigneur et souverain peult et doit fère, nous avons faict ce que povyons et devyons licitement, et vous le contraire. Et quant ladite conté de Flandres vous appartiendroit, ce que n'est, vous l'auriez commis et confisqué envers nous par les desraisonnables termes qu'avez tenuz. Et touchant ledit sieur Descordes que à tort avez voulu charger parvosdites lettres, nous l'avons trouvé et de plus en plus trouvons envers nous si loyal et si prompt à nous loyaument servir que nous l'avons entretenu et entretiendrons en tous les estatz, charges et offices qu'il avoit de

notredit feu seigneur et père , et encores espérons luy fère mieulx. Et ne nous povons assez esmerveiller que vous qui nous faictes actuellement la guerre, et sans quelque cause ou raison vous estes déclairé notre ennemy mortel contre le traictié de paix que avez juré et scellé et contre votre foy, serment , promesse et honneur et soubz simulacion et entretènement de terme et tenir journées en lieux certains et envoyer noctables ambaxades d'une part et d'autre , à quoy avons tousjours fourny de notre part et non vous de la vôtre , aussi que nous avez faict dire en la présence de plusieurs des princes et seigneurs de notre sang et gens de notre Conseil, par Philippe Dalles, votre eschançon, que pour ce vous envoyastes derrenièrement en notre ville de Meleun , que votre intencion estoit d'entretenir fermement ledit traicté de paix, l'avez ainsi rompu et violé et sur nous surprins noz cité et ville de Thérouenne et de Mortaigne et cuidé surprandre par emblé notre ville de Sainct-Quentin , ésquelles places n'avons laissez aucuns de nos gens de guerre pour la confiance que avyons de vous, voulés maintenant vous entremectre de notre conduite et gouvernement, et que à votre vouloir esloignons de nous nosdits frère et seur qui sont ceulx qui plus parfaictement et loyaument nous servent, ayment et obéissent, pour le dangier de notre personne et le mal de noz bons et loyaulx subgectz et serviteurs. Et au regard des injurieuses et villaines parolles escriptes en vosdites lettres, nous vous y respondrons en temps et lieu en manière que tous princes porront congnoistre que ne vous estoit ne est loysible ne honneste de les dire, profférer ou faire escripre. Et touchant les princes de notre réaume que dictes estre mal entretenuz , à vous n'appartient d'en escripre ou vous y entremectre , veu les termes que nous tenés. car ilz ne vous actiennent en riens de lignaige ne autrement, et les avons toujours bien entretenuz et sonunes délibérés de encores fère , et ont plus de biens de nous que eulx ne leurs prédécesseurs n'eurent jamaiz de noz feu seigneur , père et ayeul et autres noz prédécesseurs Roys. Maiz nous

entendons bien que vous trouveriés voullentiers moyens par Actes parolles et couvertures illicites de mectre trouble et division entre nous et lesdits princes de notre réaume et autres noz bons et loyaulx subgectz pour plus facillement nous invader et faire la guerre et surprendre noz places conune avez jà commencé. Et ne sommes pas délibérez, pour chose que nous ayés escripte ne que nous puissiez cy amprès escripre, de esloigner nosdits frère et seur ne autres d*entour notre personne et du gouvernement de notredit royamne et de noz grans et principaulx afiferes, maiz sommes absolutement résoluz de les tenir plus près de nous et leur donner plus d'autorité et de crédit que jamais, vous advertissant que n'avons fait cy-devant, faisons ny espérons fère aucunes délibérations que ce n'ait esté et soit par l'advis et délibération de notre Conseil où il a continuellement des seigneurs de notre sang, noctables prélats et autres grans et virtueux personnaiges , tant d'église que autres, en bon et souffisant nombre, lesquelz et chacun d'eulx a pleine liberté d'accès à notre personne, touttes foys qu'ilz veullent pour nous advertir des choses qui sont à notre déshonneur et à l'utilité de notredit réaume et de nosdits subgectz ; et si eussiés eu aultant de noctables hommes à l'entour de vous et ilz vous eussent voulu loyaument conseiller, aussi que les eussiez voulu croire, vous n'eussiez pas vyolé ne enfraint la paix que vous avez jurée, en nous faisant la guerre, ainsi que faict l'avez, dont fort nous en desplaist. Touteffoys pour ce que demandez que facions assembler nos estatz et que envoyerés voz depputez devers notre personne, nous sommes bien contents que vous envoyés vosdits depputez devers nous, toutes fois que faire le vouldrés et en le nous faisant savoir, nous commectrons bons et grans personnaiges pour les ouyr et leur fère responce telle que par raison et honneur vous y devrés contenter, et que chacun congnoistra que nous aurons mis en Dieu et raison de notre part, et que à nous n'a tenu, tient ne tiendra que ledit traictié de paix ne soit bien et loyaument entretenu en tous ses poins et articles,

comme l'avons faict de notre part et voulons tousjours fère. Et sur ce que nous advertissés que néantmoins pendant le temps de ladite assemblée vous est requis pourvoir à votre indempnité par tous moyens à vous possibles, affln de» bailler occasion à nous et à ceulx de notre royaume de fère autre amitié et asseurance avec vous, nous entendons que c'est à dire et que sans cause et raison voulés contre nous fère continuer la guerre par vous injustement encommencée, et espérons à Faide de Dieu, notre créateur, y résister tellement que tous ceulx qui vous y serviront , favoriseront ou supporteront, n'y auront en la fin honneur, proufflct ou avantaige, et est bien difficille à croire que vous qui n'avez voulu entretenir ung tel et si noctable traictié si soUempnellement faict, juré et promis tenir, mais l'avez enfrainct sans cause nulle et

sans nous en advertir

(Le dernier feuillet de l'original est mutilé,) Donné à Beauvois, le derrenier jour (d'aoust l'an de) grâce mil Iin«î IIII^ et six et de notre règne le (quatrième.) Ainsi signé Charles. Damont (1).

{Bibliothèque Nationale, Duchesne, by, fol« 365.)

(1) Cf. la réponse du Conseil de Maximilien à cette lettre dans Godefroy, Charles VIII, p. 541,

LODIS D'ORLÉANS A CHARLES VIII (Nantes, lo février 1487.)

Mon très redoublé et souverain seigneur, vous sçavez assez comment après le décès du feu roy votre père, dont Dieu ait rame, tous les princes et seigneurs de votre sang se tirèrent vers vous comme vers leur roy et souverain prince, prestz à vous faire service et rendre très humble obéissance , ainsi que bons et loyaulx parens, serviteurs et subgectz sont tenuz de faire, par Tadvys et opinion desquels vous feistes depuys assembler les trois Estats de votre royaulme, ésquels, par le conseil desdicts princes et seigneurs de votre sang et des gens députez par lesdicts trois Estats, vous feistes plusieurs belles ordonnances, déclaracions et notables conclusions, tant pour le gouvernement de votre majesté que de votre justice et Conseil, que aussi pour mectre ordre et police en votre royaulme et en tous les Estats d'iceluy, eslisant plusieurs notables chevaliers et honorables conseillers pour estre et assister près de vous et de votre Conseil. Lesquelles ordonnances , déclaracions et conclusions par vous si solempnellement faictes ont esté mal gardées et observées et, qui plus est, du tout adnichillées et corompues par aulcuns qui sont auprès de votre personne, quoyqu'ils ne soient idoynes, sufflsans ne capables d'avoir telle auctorité que de commander, et lesquelz de leur damnable et particulière témérité ont osé usurper et entreprendre le gouvernement de votre personne et des Estats de ce royaulme, et non contans de cecy, ont passé oultre jusques à chasser d'auprès de vous les princes et seigneurs de votre sang, machinant contre eulx et dressans des monopoles ou préjudice

tant de leurs personnes que de ceulx de leur suytte, saisissant leurs offices , estats et avancements, ont suscité et meu la guerre contre les premiers et plus grands de ce royaulme, lesquelz pourroient mieulx servir en vos affaires que tous ceulx qui sont cause de tel esloignement. Et affln que myeulx à leur aize ilz brident les princes et les tiennent en subgection et ayent la force de votre royaulme entre leurs mains , ils ont imposé plusieurs grandes , excessives et insupportables tailles et exactions sui' le pauvre peuple , lesquelles ne redondent à profflct aulcun de ce royaulme et sont directement contre votre délibéracion et conclusion de vos Estats; ont encore déchassé tous les plus notables chevaliers et conseillers de votre suytte, lesquels y avoient (esté) mis par le Conseil , au lieu desquels ils ont substitué des gens faictz à leur guise, usans de menace contre nous et aultres nos parens et amys, faisant des assemblées illicites, ports d'armes deffendus, pour m'enclorre et tenir en subgection et pour courir sus à moy et à mes amys et confédérés. Pour lesquelles choses , et affin de fuir le danger qui pourroit s'en ensuivir, tant sur ma personne que de ceux qui me touchent d'amitié et d'alliance, je m'en suis venu en Bretagne mectre à garand entre les bras du duc mon cousin. Mais dès aussi tost que les susdits qui ont puissance près devons ont sceu ma venue par deçà, déclarans et montrans leur maulvaise intention et damnable volonté qu'ils ont contre moy, ils ont envoie grand nombre de gendarmerie après moy pour me surprendre, arrester et oultraiger et ceux qui estoient en ma compagnie. Pour lesquelles causes qui sont justes, raisonnables et nécessaires, pour aussi ayder par votre bon moien à mectre ordre et police en votre royaulme, si bien et tellement que moy, les princes, seigneurs et aultres vos humbles parens, subgectz et serviteurs, puissions vivre en seiiretté en votre service , que les notables chevaliers et aultres conseillers qui ont esté ordonnés pour estre en votre Conseil puissent aussi demeurer près de vous , pour vous aider

à traicter les grandes affaires du royaulme et y mectre Tordre et police telle que de raison, et afiBn de sollaiger le pauvre peuple des grandes tailles , impostz et subsides par lesquels il est oppressé, mes très chers seigneurs et cousins les roys et prince de Navarre, les ducs de Bretaigne , de Bourbon et de Loraine, mes cousins les comtes d'Angoulesme, de Dunois et d'Albret, le prince d'Orange et moy, avec plusieurs aultres chevaliers, seigneurs et capitaines, avons conclud, délibéré et fait alliance, nous sommes joincts , ligués et liés ensemble , au service de vous et pour le bien de votre royaulme et pour vous suplier de requérir que votre bon plaisir soyt faire garder et entretenir toutes les belles ordonnances et conclusions par vous faictes et donner ordre et provision pour le temps avenir, tellement que chacun puisse vivre en paix, unyon, tranquilité et seuretté de son estât, que justice soit administrée et bien entretenue: et pour traicter de la pacification des guerres et divisions qui sont à présent et qui se pourront susciter à l'advenir en votre royaulme, avons aimé et délibéré vous prier que de rechef les Estats soient convocqués et assemblez, protestants de n'avoir faict nosdites alliances pour aultre occasion que pour les raisons cy-dessus alléguées. Pour ce, mon très redoubté et souverain seigneur, je vous suplie qu'il vous plaise avoir nosdites aliances pour agréables, et nous octroier bénignement nos requestes , faisant convocquer et assembler lesdits Estats en Tune des bonnes villes de votre royaulme, en laquelle lesdictz princes , seigneurs, prélats, chevaliers et aultres gens ordonnez et députez pour y assister, puissent venir converser, demeurer, opiner, conseiller, discourir, contredire et délibérer librement et s'en retorner icy avec seurretté de leurs personnes, sans que destourbier aulcun leur soyt faict ny donné. Et là où vous seriez empesché et détourné de ce faire par la subgection et enhortement des dessusdictz se tenans auprès de vous ou d'aultres malins, ce que Dieu ne veille, de nous octroier ceste présente requeste si juste et si raisonnable,

mesdicts cousins, alliez et moy sommes délibérez, d'ung commun accord et consentement , de leur résister et d'y emploier corps , biens, amys, allez et serviteurs; et voulons poursuyvre que les Estats soient tenus de telle sorte que vous et que les princes et aultres étant soubs vous puissent vivre en bonne seurreté et que votre royaulme soit en paix , union et tranquilité. Desquelles choses, mon très redoubté seigneur, je vous ai bien voulu avertir à cause qu'elles sont à votre honneur et profict, et aussi affln qu'on congnoisse que Dieu et le bon droit sont de mon cousté et de celui de mes alliés , et que s'il en venoit inconvénient qu'on ne puisse point nous l'impuster, (mais) en demeure la charge, blasme , reproche de déshonneur à ceulx qui vouldroient empescher ma requeste et votre service et le bien de votre royaulme. Et prie Dieu, mon très redoubté et souverain seigneur, qu'il vous doint bonne et longue vie. De Nantes , ce x* février, l'an mil quatre cens quatre vingts quatre (1).

Votre très humble cousin et très obéissant serviteur,

LoYs DUC d'Orléans.

{Bibl. Nat.y p. i3538, copie.)

(1) La date est évidemment erronée : il faut lire 1487.

Qoo^^