RÉFLEXIONS DU CHRONIQUEUR BELGE SUR LE TRAITÉ DE
« Se mes" de Flandres, mesmement ceulx de Gand, estoient saiges et bien advisés , ils dévoient bien estudier, noter et imprimer en leur mémoire et entendement ce traité de Tours et le faire lire et apprendre à leurs enfans aux écolles en lieu de fables et croniques qui se font et forgent par affection et appétit des auteurs , et n'est chose si seure que se fonde sur tictres authentiques comme est ledit traicté , pour entendre et congnoistre les subtilités , cautheles , practiques , trafiques , invencions et mauvais esperitz des François , lesquels après les avoir séduits , suscités et indvitez à eulx eslever et rebeller contre leur prince et seigneur naturel et dénier à son seigneur et père la mainbournie, tutelle et administration de sa personne et de ses biens, laquelle selon Dieu et tous drois divin, canon et civil, lui devoit competter et appartenir et à nul autres , voyant que pour soubstenir leur faulse, mauvaise, inique et damnable opinion, lesdits Flammens estoient du tout destruictz et affoliez finallement pour complaire au roy des Romains duquel peust estre ils avoient lors affaire, ils ont payé desdits de Flandre, déclairant par ledit traicté contre leur première invencion qu'ils seroient tenus de recognoistre ledit sieur roy pour tuteur, mainbour et administrateur des corps et biens de mondit sieur son fils et comme tel luy obéir, que pour leur offense et tort qu'ils avoient faict en lui déniant ladite main bournye et usurpant le gouvernement du pays de Flandres, luy feroient amende honorable et pour ses dommages et intérêts, luy payeroient une grosse somme de deniers et fourniroient aux
aultres condicions contenues audit tralcté. Le tout à la grant foule des intérêts du pays, comme dit est.
Si lesdits de Flandres pensent que les François les ayent jamais practiquez, conseillez et induits à eulx eslever et rebeller contre leur prince ou qu'ils le fassent cy après pour leur bien, ni pour amitié ou affection qu'ils avoient à eux, ils sont merveilleusement desçus et abusez. Car de leur nature ils ne bayent nacion du monde tant que les Flamens, et vouldroient avoir perdu la pluspart de leur vaillant et le pays fut destruict et abismé ; à quoy lesdits Flamens doivent avoir grant regart, c'est de tant plus demeurer fermes et constans en la bonne, vraye obéissance de leur prince et seigneur naturel qui de tous tems les a maintenus en paix, tranquille et bonne justice et en leurs droits, privilèges, libertés, franchises et autres bonnes coustumes, sans les souffrir loger, piller, tailler, ronger, oppresser, gabeller, composer ne exactionner comme sont les pauvres sujets par tout le royaume de France qui sont traités comme esclaves et n'ont rien au leur, car tout ce qu'ils gagnent, soit de leur labeur ou aultrement est au roy qui en use, coppe et taille à sa volonté et quelque semblant que les François facent aux Flamens , ils ne tachent à aultre chose sinon à les abuser, tromper et déseunir et les distraire de l'obéissance de leur prince pour les mectre et réduire en semblable subjection , servitude , pouvretté et nécessité que sont lesdits subjects de France, dont ils se garderont, s'ils sont saiges, c^r s'ils y venoient une fois, jamais ne fure^jt à tel banquet, dont Dieu les garde. »
BibL de Bourgogne à Bruxelles, Ms. i5855 p. io3.
Qoo^^
xvn
