LE DERRAIN CHAPPITRE ET LA FIN DU LIVRE

Semper in finem determinalur res.

(Prov(Tl)ioruin <lccimo .vi\°.c°.j

Or est temps de venir au terme de mon euvre; de la quelle , ainsi que veult dire le proverbe cy dessus, tousjours à la fin peut-on voir quelle est la chose bonne ou malle, selon son estant. Et pour tant, très noble et excellent Prince, s'il te plaist de ta bénigne grâce vouloir nocter, du tout eu tout, le motif de l'entencion vers toy et ion noble sang de humble ta créature Christine en la compilacion de cestui livre, se c'est ton plaisir de daigner lire ou avoir lu ou ouy, la trouveras de telle affection estre meue par désir de l'augmentacion de ta prospérité de amc, de corps et de loz, que les faultes qui y sont par ignorance tu bénignement suploieras et vertiras en bien, en telle manière que la couronne de laurier, comme en fin par victoire, apparliengne et est deue au vainquant par travail

honnorable, ne sera pourtant tollue au labour de ceste dicte œuvre : la quelle ta digne haultesse ait agréable et tiengne à mémoire, moyennant Dieu, qui en toute grâce le parface. Amen, Cy 6ne le livre de paix.

EXPLICIT

L'intitulé des chapitres du Livre de la Paix en a offert l'analyse la moins arbitraire, et celle que nous devions, de préférence, soumettre au lecteur, pour lui donner une idée exacte de l'ensemble de l'ouvrage. Quant aux détails et à la manière dont Christine sait les développer dans chacun de ses chapitres, les extraits suivans suffiront, ce nous semble, pour les faire apprécier.

Cy dit comment H n'appartient que les menuz populaires soient mis es offices et estaz de la cité. (Chap. xi, 3"' partie.)

Ne quos humiles natura jacere praecipit, exalta ; Nam, qui pluvialibus undis intumuit torrens, Actrior fluit amne perhemni.

(Galtebus, in Alexandride.)

Et pour tant considérées les choses dessus dictes, très débonnaire Prince, c'est assavoir ; veu comment l'inclina-

Ï()l2 PIÈCES INÉDITES

cion générale des mcnuz populaires est prompte et preste par petite considéracion et à pou d'achoison, sans viser mesmes, à ne que bestes, au mal qui leur peut venir; mais que quelque pie aient, qui les induise et esmeuve soubz umbre de dire que iiz sont mal gouvernez, et que mieulx le seront à commocion et tumulité. Et néantmoins ne plaist pas à Dieu que ilz soient à princes trop asservis, ne foulez par oultrageuses charges, si que dit est.

Comment ouvrer, par bonne prudence, à les maintenir en telle fourme et manière que besoing ne soit de plus doubler les esploiz de leurs folles esmeutes, sans en rien leur faire quelconque mal ne tort? car que on les doye supporter, nostre Seigneur le veult. Et avec ce, sont nécessaires leurs mesliers et euvres méchaniques et labours à la chose publique.

Me semble que à l'ordre ouquel appartient que mainlenuz soient, t'enseigne le premier motif, l'auctorité cy dessus en latin : qui ce dit plainement et pour eulx, que tu n'eslièves point ceulx que nature commande estre bas ; car ung petit ruisseau desvoié, dist-il, est plus aspre que une grant rivière. De non eslever trop gent de commun et que péril soit, est non leur bailler ou souffrir avoir charges ne estas plus grans ou autres que ne leur appartient; c'est qu'ilz n'aient autorité de quelconque office ne prérogative de gouvernement de cité ou villes : lesquelz choses sont partinens aux bourgeoys notables et d'anciennes lignées, de degré en degré, selon la faculté tant des dits offices comme des personnes.

Et ce tesmoigne Tulles en son livre , comme la raison

que ainsi appariiengne eslre faicte, y soit 1res bonne; car quel maie adventure aroit enseigné à ung homme de mestier qui toute sa vie n'ara exercé autre chose, ne mais son labour ou de bras ou de mains, sans se mouvoir de son asteilier pour gaingner sa vie, n'avoir fréquanté gens légistes ou coustumiers en choses de droit et de justice, n'ara veu honneur, ne sara que est sens, n'a aprins à parler ordonnéement pur raisons belles et évidens, ne les autres savoirs et choses qui affièrent à gens propres à establir es gouvernement. Et ung tel fol qui à paine sara sa Patei' nostie, ne soy-raesmes gouverner, fors par ses tavernes, vouldra gouverner autruy ? Dieu ! du gouvernement duquel, pour ce que le sens est petit communément de telz,et que naturellement les folz sont orgueilleux quelz que chétifs qu'ilz soient, n'est plus de meschief que leur gouvernement. Car que cuides-tu que ce soit d'un malostru, qui tout à coup cuide devenir maisire? Il n'est subjection si perverse. Mais que il se harice bien ou visaige, à tout ung pic en sa main, jurant laidement en menaçant chacun, trop bien cuide faire la besongne.

Mais que est-ce à voir es consaulx de leurs assemblées? c'est tout pour rire, mais qu'il n'y eust péril leur ouïr dire leur raison, où le plus fol parle premier à tout son tabler davant soy. Ce semble ung droit jeu de personnage fait par mocquerie; et sur ce, se fondent-ilz en leurs contenances et parlers, pour ce que ilz les ont ouy en ses farces que on fait, cuident que on doye par tel manière prononcier et asseoir son langaige, ung pié avant et autre arrière, tenant les mains au costé. Il n'est plus de galle; là n'a

'164 Pièces inédites

mestier droit, volume y eiivre assez; et de loi juge briefve sentence, y sont les conclusions faites sans avis : dont très mauvais effaiz s'ensuit.

O ! mes quel orreur est-ce à voir au partir de la selle diabolicque assemblée de innombrable menue gent suivant l'un l'autre comme brebis, prests et appareillez de touz maulx faire, mais que l'un encommence! car oncques fureur ne cruaulté de sangler ne se acompara, sans savoir qu'ilz se demandent; et quant ilz s'encharnent sur quel que soit, ou sur aucunes gens, là n'a resne tenue, ne honneur gardée à prince n'a princesse, à seigneur ne à maislre, n'a voisin ne voisine; noblesse y est en grant vilté, bien y est menaciée, tout sera mis à mort, plus n'en souffreront. Adont sont si aises quant ilz tuent ou massacrent gens, rompent coffres, robent tout, effoncent vin à ses riches gens. Ha ! comment c'est bien besongné, dont vraiementà tout dire en brief, tant y font de maulx, que bien savoii l'aucteur qu'il se disoit, quant il disoit que un petit ruissel desrivé fait plus de grief que une grant rivière ; ce n'est pas bourde.

Cy parle du pérU que c'est de donner à menu peuple plus auctorité qu'il ne leur affiert. (Chap. xii, idem.)

Simples nobilitas pertida tela cave.

(OviDiDS, de Fa^Hs.)

Ung noble prince, se dit Ovide, se doit tousjours garder des félons, et pour ce encores à propos revenir de ses

DE CHKISTLNE DE PiSAN. 16S

populaires, desquelx procès seroit sans finer, dire de touz les mauvais esploiz de leurs fureurs; non mie que je les aye touchez ne voulsisse renientevoir pour leur nuyre ne niectre en maie grâce du Roy, ne de toy, bon Prince, ne blasmer à ceulx qui, le temps avenir ou quant ses choses seront oubliées et bien apaisées, pourroient ce livre lire ou ouir ; mais comme touz mes motifs soient, et ce scet Dieux, affin de tirer à paix et tout bien , et eschever guerre , selon mon petit savoir l'ay fait, pour démonstrer comment grant sens a à tel gent tenir et gouverner, affin que jamais les périlz susdilz, ne par eulx, ne puissent avenir; car si que dit un usaige : Qui ne veult choir en inconvénient, se doit garder des occasions.

Et, sans faille, avec ce n'est mie double que, mesmes des simples gens de mestier, est-il de très bons et qui nullement à telz rumeurs ne se vouldroient ingérer; et en cognois pluseurs qui très dolens estoient de ses esploiz. Si. soit prins des oyans ou bon entendement que je le dis, et non autrement. Doncques pour les raisons susdites, si que ou chappitre précédent est touché, office de cité n'appar-. tient aux populaires. Mais se aucuns vouloient dire que le contraire appaire par ce, que pluseurs citez, en Ytalie et autre part, se gouvernent par les menuz ; et que Boulongne la Grâce et autres, etc., je respons que voirement font; mais que de nulle aye ouy parler qui bien par telz soit, gouvernée , ne longuement à paix , je dis que non. El^ quant est de ce, que aucuns pourroient dire que Rome, sans soigneur, bon et bel jadis se gouvernast, je dis que non pas le menu peuple le gouvernoit, mais les nobles, si que

en la cité de Venise font aiijourd'ny, et lousjoiirs ont fait bien et bel et en accroissement de seigneurie; mais c'est par les anciens lignaiges des bourgeoys notables de la cité, et s'appellent nobles, et ne souffreroient pour riens ung de peuple aller à leurs consaulx. Et telz governement pevent bien estre de durée; mais de menu peuple, croy que de nul sage ne seroit approuvé. Et ce afferme assez mesmes Aristote, quant il dit que seigneurie de pluseurs en ung pais ou cité est chose confuse; et de cesle matière parla Catilline, duquel Saluste fait mencion et dit, que ceulx qui sont pouvres es citez, c'est assavoir le peuple, ont tousjours envie sur les riches; et pour ce eslièvent-ilz voluntiers et exaulcent les mauvais. Si vouldroient addès nouvelles seigneuries et mutacions. Et comme jamais ne leur souffise, quelz que bons gouvernemens qu'ilz aient, vouldroient tousjours que estât de cité se rechangeast. Et que ceste sentence soit vraye, le nous aprent l'expérience des choses de nouvel passées. Car pour ce que telz gens sont pouvres et indigens, et ne pevent avoir riens, se de jour en jour à leurs labours ne le gaignent, vouldroient toujours guerre par espécial civille, affin de courir sus aux riches, pour ce que ilz se voient en plus grant quantité que eulx. Et n'est autre chose leur donner auctorité et les enbesongner de fait de guerre , ne mais donner licence aux larrons et murdriers, qui paour des fourches se seullent tapir es bois, qu'ilz facent hardiement leurs murdres et larrecins publiquement et en appert, et à ceulx qui ne le sont mesmemenl, que ilz le devienent.

Si n'est plus granl folie à prince et seigneur, si je l'ose

DE CIlRISTlNIi DE PISAN. i ()7

dire, qui veuU obtenir sa seigneurie franchement et en paix, que donner licence au menu commun de soy armer; et cueil droitement la verge celuy qui ce fait, dont est après batu, si que expérience le nous a tesmoigné, etc. Si ose dire que ce à porter armes s'acoustument, ne sont pas tenuz de légier sans rébellion, et que le seigneur mesme, par ce qu'ilz sont muables et que toujours vouldroient nouvelletez , si que dit est, ne soit quelque foiz en péril de sa vie perdre. Et pour ce que bien le savoit ung sage duc d'Athènes , quant il ot subjugué à grant peine le peuple de Lacédémone, leur commanda à exercer leurs mestiers, et que plus ne s'armassent.

Dont , veu les évidens raisons dessus dites et maintes autres qui dire se pourroient, je conclus, selon mon advis, soubz correction, que mieulx seroit à ung prince en ses guerres, s'il n'avoit assez nobles et gens d'armes en son pais pour y emploier, qu'il prensist ainçois souldaiers esiranges, si qu'en Italie font et autres maints lieux, combien que assez de gent peut-eslre diroient le contraire, et leur raison seroit pour ce que plus aspres et fiers, se leur semble, seroient à la deffence du païs et à l'aide de leur seigneur que les estrangiers. Mais je di que tout ce est riens ; car, si que dit Végèce , il n'est deffence ne autre force en guerre, fors de ceulx des quels c'est leur mestier, c'est assavoir très bons hommes d'armes, et comme en gent de commune n'ait point d'arest ne seureté aucune, et ne vallenl no mais à grever à leur avantaige et fait de pillaige, n'y fait à emploier.

1C8 PIÈCES liNÉDlTES

Cy dit la manière comment appartient à prince tenir le menu peuple, a [fin de le garder de présompcion et cause de rebeller. (Chap. xv, idem.)

Affin, dit Christine, que leurs vagues désirs cessent, ne que plus les semblables maulx passez ne puissent ensuivir, est bon, me semble, que le prince, tant pour faire son devoir principalement vers Dieu, comme aifin que cause n'ait peuple de plus murmurer ne eulx tenir mal contens, que il le gouverne deuement et soubz très bonne justice, ne les seuflre estre foulez ne pillez par gens d'armes, ny de personne; les deffendre diligemment de tous ennemis, si que fait le bon pastour ses brebis, et que faire le doit; vueille et ordonne que se riens est prins du leur ou de leur paine, que tantost soient paiez et contentez; car, dit le sage, ne tiens le salaire du laboureur du soir au matin, af6n que maudisson ne te nuise. Ne prengne sur eulx subcide, tailles, ne à quelconque charge ne les impose outre la nécessité de soutenir ses guerres, si que droit ie permet; les tiengne en paix, et que nul ne les oppresse ne face grief, affin que cause n'aient d'eulx esmouvoir ne occupper en autres choses ne mais à leurs labours et mesliers; leur soit débonnaire et bénigne en parolle, s'il eschietque à luy parlent, et favorable à leurs justes péticions, de cruaulté nullement n'use vers eulx : ains vueille que ilz soient traités amiablement.

Et quant il va par la ville ou autre part, ou à l'encontre

luy viennent ei le saluent, les salue très doulcement et d^ bénigne cliière.

Item, ordonne que ilz ne portent hnbiz oulirageux ne autres que leur appartiennent, sans prendre ceulx des gentilz hommes, broderies ne devise, comme tel orgueil puisl estre préjudiciable, et peut-estre est. Item, et affin qu'ilz s'aprengnent à estre mieulx moriginez , face deffendre ses maugroiemens , reniemens et ses oulirageux sermens de nostre Seigneur, soubz paine de grant pugnicion en général deffence ; aussi bien en soient pugniz grans comme petiz, et mesmement gens de court, affin de mieulx duire ung chacun, et eschever murmure des petiz, et par justice amodérée soient après pugniz les deffaillans; avec ce ses folles compaignies et assemblées en maisons sans juste achoison leur fussent véez.

Item, et comme oisiveté soit cause, souvent avient, d'induire jeunèce à mains maulx faire et folles conspirations, que certaines gens fussent establiz par belle justice pour tousjours ensercher et prendre garde que aucun desroy ne fust machiné en ville, et que telz l'ollastres gallans oyseux qui vont çà et là ou par ses tavernes, sans riens faire, ne leur fust plus souffert, ains bien engins fussent de quoy servent et que vont faisant, mis en prison s'ilz ne vont à leurs mestiers, s'il est jour ouvrier.

Item, fussent bien acertes deffendues ces folles paroUes parcialles qui ont couru et encores ne cessent, dont mal pourroit venir, et pugnir ceulx qui plus en useroient pour chastier les autres.

Et à brief dire, par telz voies tenir en généralité et

toutes autres bonnes ordonnances, que sur ce aviser se pourroit le prince tenir son peuple en paix, faisant leur grant prouffit pour ce que plus ne s'en tendroient aux pertes de temps que faire souloient, ains chacun à son droit mestier. Si seroient bien contens de luy, puis qu'en paix on les tendroit et soubz bonne justice, et porront enrichir, por quoy mieulx aroient l'aise de luy aider, se besoing en avoit. Et par ainsi vivroit le peuple soubz bon seigneur glorieusement, etc.