PAR QUI MOIEN ET PROMOCION FUT LADITE PAI'X
Fiat pax in virtute tua.
ULOiRE» honneur, révérence avec toute obéissance soit prémise à toy, très excellent et très redoubté prince, Loys, aisné filz du Roy, attendant la couronne par grâce de Dieu, duc de Guyenne et dauphin du Yiennoys
Très excellent seigneur, la très grant joie qui à présent en mon cueur habonde à cause de la nouvelle paix, par
t Ms. de la Bibliothèque royale, ho 7398-22.
DE GUKISTINË 0£ PISAN. 151
mistère divin de toy venue et née, ne souffreroitx|iie je me ténisse de prendre la plame pour escripre en nouvel vo* luoie choses glorieuses en ta louenge. Car non pas seule* ment moy, femme simple et innocent, en qui n'a science i^e autre savoir, ne mais stille vulgar et rural en fait d'es* cripture; mais touz baux entendemens remplis de clergie» orateurs saiges» stillez en réthorique, droit et raison, obligede chanter de toy en vers et en prose, si que à tousjours en demeure mémoire. Car n'es-tn pas celuy qui, par la Dieu grâces, en si jeune aage comme de .xv. ans, par divine inspiracion sans autre moien, malgré Fennemy d'enfer, aversaire du bien de paix, qui par divers contredis Ta cuidié empescher; mais tu constamment et persévéramment, non pas comme l'enfant fléchissable et iégier, mais comme homme meur, très sage, et pesant en œuvre et en fait, as. mise la paix entre ceulx de ton sang, pour la quelle guefre jà de longue main le règne périssoit; et eulx, dispers par horrible haine qui de toutes pars gectoit feu et flamme, as rassemblez, rejoins, raûnis, paciffiez, ensemble accordez, apaisez, mis en nouvelle amour; par loyaux joinctures, dingues et loysibles, sans blasme de nuUuy, ont foyjuré ensemble en ta haulte présence.
O enfant 1 de bonne heure né, tu soies bénéys en ciel et en terre perpétuellement, dont t'est venu tel sens de si grant œuvre faire que chacun réputoit comme chose impossible. Mais ne vint pas de toy sans faille le mouvement, ains de celuy sans la quelle custode pour néant est veillé en la garde de la cité. Lorsque la veille de saint Jehan- Baptiste, en ce présent an. mil .uu.c. et xu.^ si que j*ay esté
152 PIÈCES llfÉDlTES
bien inlotirmée par ceulx qui l'oijrent, gens digne de foy, que tu y oyunt la messe, sur le pas de i'euvangile où il dit de saint Jehan : Et muUi in vatntaie qu$ gaudeèuni^ etc. , tournas à joyeux visaige comme tout fondamment meu, en disant à ton confesseur : c O ! pieust à Dieu que à ceste glorieuse journée nous peussions mectre ensemble par
bonne paix et joye ses deux Jehans. > G'estoit à entendre Jehan» duc de Berri, d'une part, et Jehan, duc de Bourgoigne, de Tantre. c Hais, ce dis-tu, affin que bon traictié d'ores en avant y puissions entreprendre, moienner et bien finer à l'aide de Dieu, est bon que une belle messe à solempnité soit demain dicte en la chapelle de saint Jehan qui est cy près» ou quel lieu les .11. susdits ont grant déTOcion. >
01 noble prince, n'est pas sans miracle ceste chose advenue, veu les contredis et grans répunances: c*est assavoir, toy estant en l'ost devant la cité de.Bourges avec le Roy ton père, à grant assemblée, ou quel lieu n'estoit parlé de paix, ne mais par dérision, que tu adonc de tel chose fusses inspiré. La quelle besoingne depuis la dicte heure, quelz qu'aient esté le$ contredis non mie petits, as tenu ton propos, en y ouvrant constamment jusques à fin de paix. Mais, néanmoins que de Dieu soit tout venu, t'en appartient louenge en tant qu'il t'a fait digne de recevoir de iuy si grant bénéfice ; dont grâces à touzjours mais> par vertueux office ^ es tenu de Iuy rendre. Et doncques tu, vassal de Dieu, de Iuy permis» n'es-tu pas le restoreur, le répareur, le conforteur de toute France, qui as mue guerre en paix, dtieil en joie, mort en vie, hayne en amour, ef-
fusion de sang en convalescence, cherté en habondance, et tout mal en bien?
Cy commence la table des rubriches du Livre de Paix, lequel s'adrèce à très, noble et excellent prince monseigneur le duc de Guienne, aisné filz du roy de France, encommencié le premier Jour de septembre, après Tappoinctement de la paix jurée en la cité d'Aucerre entre Doz seigneurs de France, en l'an de grâce mil un. c. et douze.
Ledit livre est parti en troys parties: la première partie parle à Tennortement de continuacion de paix à mon dit seigneur de Guienne, sur la vertu de prudence, et de ce qu'elle requiert en gouvernement de prince. Acomplie la dicte première partie le derrain jour de novembre et délaissiez adonc le surplus pour cause de matière de paix deffaillie.
Item, recommencié l'euvre en la ir partie, le m* jour de septembre après les convenances de paix rejurées en la ville de Pontoise, et que nos seigneurs de France vindrent à grant joie et paix à Paris, en l'an de grâce mil du. c. et treize. Et. parle de rechief la dite n* partie à louenge et bien de paix à l'ennortement du dit monseigneur de Guienne, et de tenir les princes en amour et la chevalerie sur m vertus; c'est assavoir, justice, magnanimité que on dit hault couraige, et force, en donnant exemples de son ayol le roy Charles Quint.
lo4 PIÈGES INÉDITES
Item, la m* partie parle de bien gouverner le peuple et la chose publique sur m autres vertus : c'est assavoir, clé-< menée, libéralité et vérité.
(!«•• septembre 1412.)
Les chappitres de la première partie :
Le premier chappitre est une louenge en rendant grâces à Dieu de la paix.
Item, louenge en bénéycon à mon dit seigneur de (juienne, de ce que par luy et de son mouvement vint la paix.
Item, parle à mon dit seigneur de Guienne à Tennortement de continuacion.
Item, commence à parler à Tennortement de vertu à mon dit seigneur.
Item, commence à parler de prudence et dont elle vient.
Item, prouve par raisons comment à nul n est tant ex* pédient savoir moult de choses que est au prince, et commence à donner examples du roy Charles, quint du nom.
Item , comment prince se doit gouverner par saiges, et donne exemple du dit roy. ^
Item, dit encores du dit roy.
Item, comment prince doit ouvrer par conseil, et quels conseillers luy atfièrent et quelz non.
Item, parlé des bons conseillers et de quans estaz et quelz doivent eslre environ le prince.
Item, parle des mauvais conseillers et du mal qui peut par eulx ensuivre.
Item» parle encores des mauvais conseillers.
Ilem, des mauvais ofBciers et des moiens qui les mec» tent es offices.
Item, quelz doivent estre officiers et serviteurs de court.
Item, encores des bons serviteurs.
(3 septembre 1413.)
Cy commence la table des rubriches de la ii* partie de ce livre, la quelle n* partie fut commencée le m* jour du moys de septembre, après les convenances de paix rejurées en la ville de Pontoise,^et que ooz seigneurs de France vindrent à grant joie et paix à Paris, en Tan de grâce mil .mi. c. ec treze. Et parle de rechief de la dite iv partie à louenge et bien de paix à l'clnnortement du dit monseigneur de Guienne, et de tenir les princes en amour et la chevalerie sur troys vertus: c'est assavoir, justice^ magnanimité que on dit hault ou grant couraige, et force, en donnant exemple de son dit ayol le roi Charles Quint.
Le premier chappitre parle de la grant joie de paix et s'adresse aux seigneurs.
Item, parle en louant mon dit seigneur de Guienne en l'efTait de la paix.
Item, parle à mondit seigneur de Guienne en Texortant à continuacion de paix.
Item, blasme cruaulté de la quelle vient et sourt guerres
Iteniy commence à parler de la vertu de justice.
Item , dit des propriétez de justice et des bons justi* ciers.
Item, parle du mnl qui vient de non pugnir par justice les malt'aicteurs.
Item, dit des convoiteux justiciers.
. Item, parle de bien garder justice et donne exemple du roy Charles.
Item, parle comment appartient, selon justice, guerdon* ner les bons.
Item, donne exemple des Roumains en l'élection des oUfices.
Item, commence à parler de la vertu de mananimité.
Item, parle à l'exortement de haut courage à mon dit seigneur de Guienne.
Item, dit comment ne sciet. à prince estre trop solitaire.
Item, dit du roy Charles à propos de magnanimité.
Item, conlimence "à parler de la vertu de quel force est homme fort.
Item, parle de la vertu de force en la personne du roy Charles et devise de ses guerres.
Item, nomme les nomsfd'ûucuns bons chevetains et vaillans chevaliers et nobles hommes, en fait de guerre du temps du susdit roy Charles.
Gy commence la table de la tierce partie de ce livre qui parle de bien gouverner le peuple et la chose publique r
DE GHRiSTmE DE PISAN. 157
sur troys autres vertus : c'est assavoir clémence, libéralité et vérité.
Le premier chapitre parle eu louant la vertu de clémence et bénignité en prince.
Item, dit comment ceulx du peuple doivent estre compris en la paix.
Item, parle de la force et puissance de France quant elle est à vivre en soy-mesmes en bonne paix.
Item, du mal qui avient par mauvais homme puissant et qui ait seigneurie.
Item, encores de mauvais seigneur, du grief qu'il fait et du mal qui en vient.
Item , comment c'est grant honneur à prince tenir touz les estaz de la policie en leur degrez et ainsi qu'el appartient.
Item, comment peuple doit estre traicté doulcement par bon prince.
Item, de ce mesmes exemple 4e la Saincte Escripture.
Item, parle de plusieurs signes d'amour que Dieu a démonstré à peuple.
Item, ensuit une épistre adréçant au peuple, qui parle à l'exortaéion et enseignement; par exemple, comment desplalt à Dieu rébellion et murmure de commun vers seigneur.
Item, comment il n'appartient que les menuz populaires soient mis es offices et estaz dé la cité.
Item, parle du péril que c'est de donner à menu peuple plus auctorité qu'il ne leur affiert.
Item, des manières bonnes à tenir, affin que les nobles lussent en touz temps excercitez aux armes.
Item, rameotoil le péril et mal qui ensuit et peut ensuiyyr de guerre civille» afin de se garder de n'y encbeoir.
Item 9 la manière comment appartient à prince tenir le menu peuple, affin de le garder de présompcion et cause de rébellion.
Item , tire, à propos de la vertu de clémence en bon prince, exemple du sage roy Charles»
Item, encores du roy Charles comment par sa sagesse, clémence et bénignité acquéroit toujours terres et amis.
Item, comment le sage roy Charles amoit science et bon* nouroit clercs et clergie.
Item, dit d'aucuns exemples que Dieux envoia à princes cruelz.
Item, comment cruaulté vient d'orgueil.
Item, dit des pugnicîons que Dieu envoya à princes orgueilleux.
Item, commence à parler de la vertu de libéralité, de quoy elle sert etxîomment elle est convenable à prince.
Item, parle de la vertu de largesse, et de quoy elle sert.
Item, de convoitise et du mal qui en vient.
itemy^^parle^du Uasme qui est dit du vice de convoitise.
Item , parle encores soubz la vertu de libéralité , la bonne ordonnance que le susdit roy tenoit en pyant requestes.
Item, parle des beaux ouvrages que le sttsdit fist faire et comment faisoit gaingner les gens du peuple.
Kern, parle des grans charges et affaires que le dit roy "Charles avoit en fraiz, en mises; et comment, nonc^tant œ tout, se fournissoit bien et bel en paye et despence.
Item , des manières que le roy tenoit en honourant les estrangiers.
Item, parle de la larges&e dudit roy et la discrète manière qu'il tenoit en fait de donner dons.
Item, commence à parler de la vertu de vérité et comment elle doit estre emprinsée.
Item, déraonstre comment c'est grant laidure estre la vice de mençonge, si commun en touz les estaz qu'il est.
Item parle de Tordre et manièi^ de belle éloquence en prince.
Item, dit encores de l'ordre de parleure selon la science de réthorique.
Item, n'avoir moult de langaige.
Item , comment c'est chose mal séant à prince estre ayreux et parler furieusement.
Item, blasme volupté de corps en prince et estre trop habandonné à plaisirs charnelz.
Item, encores de ce mesmes et louenge de Tordre de mariage.
Item, commence à parler en brief d'aucunes des vertus devant dictes en les approuvant par auctorité, et premièrement de justice.
Item, comment appartient à ceulx qui sont venuz et descenduz de haulte atrace et lignée, le démonstrer par euvre.
Item, le grant mal qu'il peut venir à prince par le vice de paresse.
Item, comment prince doit voluntiers communiquer en^ tre les siens.
Item^ comment prince ne doit amer flateurs.
Item» comment doit avoir certain ordre es faiz et manière de vivre du prince.
Item, de charité partenant à prince.
Item, d'aucuns enseignemens d'Àristote.
Item, parle en concluant de maintenir amistié. Item, le derrain chapitre et la fin du livre.
