Mouchrif, inspecteur

que si ces gerimé' (amendes) qu’il faicttant sur l’agresseur que sur le deffendeur ne montent à cette somme de quatre cens tomans,qui sont pour son entretien, l’on luy parachève au compte du Roy cette somme. Ces deux officiers qui s’entendent comme larrons en foire, font si bien leur calcul et leur addition par soustraction, que le Roy leur est tousiours redebvable.

Ce daroga icy, une plainte lui estant faicte, regarde à travers ses gens qui sont là la gueule ouverte pour gober la victime ; celuy qui luy plaist ou peut-estre le premier en date de service pour son entretien, beaucoup de temps s’estant passé que l’on ne luy a donné quelque os à ronger, il l’appelle. Celuy-cy entend au premier mot, bélé aga'^, (ouy, maistre, seigneur); va t’en prendre un tel et me l’amène. Celuy-cy part comme un traict d’arbaleste, et tournera, virera tant qu’il trouvera son homme. S’il y a de la résistance, en menaçant du daroga, il mettra toute une contrée en qualité de records pour luy aider; il liera le prisonnier, le traictera avec telle rudesse et sévérité que bon luy semblera, et le mènera ignominieusement, s’il veut ; c’est une ame damnée délibvrée en la puissance du diable. L’ayant amené, le daroga dira que l’on le mette aux fers, enzeiidon kroné" (prison). Là, incontinent, ils luy fouillent en sa poche pour luy oster le quelque peu d’argent qu’il y aura. Icy, le geôlier qui tient ce lieu à ferme, le soir venu, commande à ce prisonnier de faire venir tant et tant de mangeries de telle et telle sorte, qu’il faut par nécessité qu’il fasse venir pour appaiser ces lions, autrement il pourra bien subir le dictum de droit: qui n’a point de monnoye, qu’il le paie de son corps. Le soir venu, l’on luy demande tant pour son giste, non que l’on luy baille aucune chose pour dormir, sinon la terre toute nuë, de sorte que si l’on dit en nos pais la galère, il faudroit dire la pribon chez les Mores. Quoy que fasse le