LETTRES DE RÉMISSION POUR LES HABITAIS DE BETHESCOURT

ET VfiRElL.

(Trésor des Charles, Reg. 86, f «7 v\)

Charles que comme les habitans et demourans es villes

<le Betencourl et de Yereil en Pertois aient este avec plusieurs

autres genz de plat pais denviron aus effroiz sans ardoir

abatre maisons tuer genz ne meffaire a aucune personne quelconque, et combien que les diz habitanz aient este et. soient touz pilliez et gastez par les diz nobles et que il n'aient rien fait fors euls assembler comme dit est. Neantmoins nostre aine et féal conseillier et lieutenant es dites parties le conte de Vaudemont les a fait adiourner par devant lui a certain jour et lieu les diz habitanz nont ose comparoir en leur personne pour doubte qu'il avoient des granz et cruelles exécutions que notre dit lieutenant avoit faites et faisoît faire de jour en jour des genz du dit pais, mais il envoierent certaines personnes en la présence desquels nostre dit lieutenant sans en plus cognoistre de fait et pour sa voulente condempna les diz habitanz quil navoient aucune chose mettait fors de euls assembler comme dit est, en la somme de deux mile escuz, en reservant a condempner dix personnes ou environ des diz habitanz telles comme il le plairoit civilment ou crûninelment si comme bon li sembleroit, de laquelle condempnacion les dites personnes pour la doubte et paour qu'il

avoient de leurs corps noserent appeller si comme nous

avons entendu les diz habitanz qui sont sur les frontières du conte de Barpont cause de la dite condempnacion et aussi doub-

tanz la rigueur du dit conte et se sont traiz et truent ou dit

conte ou ailleurs hors diceluy royaume en délaissant les dites

villes toutes vuides désertes et non habitées avons quitte

remis et pardonne

Paris, septembre 1358.

LKTTKES DE RÉMISSION PODR JEAN FILLOH.

(Trésor dea Chartes, Reg. 86, P 81.)

Charles.... que oye la supplication Jehan Fillon demeurant a Conches les Laigny sur Marne, contenant que comme environ de la nativité saint Jehan Baptiste derrenieremçnt passée ou temps des effroiz qui derrenierement et nagaires ont este quatre hommes darmes desconneuz fussent venuz touz armez en lostel du dit suppliant en la dite ville de Conches, aus quels le dit suppliant donna a leur requeste a hoire liberalinent de son vin, tant comme il en vourrent et pourent boire et tantost après ce nonobstant les diz hommes darmes eussent par leur force pris et pille au dit hostel trois bons chevaux du dit suppliant et avec ce lun des diz hommes eust plusieurs fois pris au corps la famé du dit suppliant en la voulant ravir et violer a force et depuis ycelui homme eust mis main au dit suppliant et finablement par la force crainte et puissance dicelui homme et de ses autres complices dessuz diz il convint que au dit homme le dit suppliant pour sauver lui et sa dite famé baillast et bailla contre sa voulenle sa cinture et sa taxete en la quelle il avoit environ quarante livres parisis de la vente de ses biens meubles que navoit gaire quil venduz pour aler demourer ailleurs hors de la dite ville pour doubte et paeur des ennemis et pilleurs les quiex deniers estoient la plus grant partie de la chavance du dit suppliant qui a sa dite famé grosse denfant et cinq petiz enfanz a nourrir et gouverner la quetle cinture tusse et deniers les diz pilleurs emportèrent et avec ce emmenèrent les diz trois chevaux du dit suppliant par manière de roberie et de pillage en commettant force publique et tantost alerent en lostel d une fille du dit suppliant en la dite ville et ou dit hostel prisrent et pillèrent plusieurs biens et firent traire du celier et chargier sur une charretc une queue de vin qui estoit ou dit hostel par

leur force, combien que par avant eust este notoirement detfendu par cris solempnel fait publiquement et generalment de par Monseigneur et de par nous que en la terre de Laigny ou environ ou ailleurs en brie en quelconque lieu nuls ne pillast ou meffaist en quelque manière aus genz du pais ne preist par force aucuns biens excepte vivres seulement sur paine de perdre corps et avoir, et pour ce que le dit suppliant pria et requist aus diz pilleurs que en regart de pitié il li rendissent un de ses chevaux et que il se vousisscnt déporter et cesser de prendre les biens de sa file, il sacherent leurs espees contre lui et leussent occis si comme il sembloit véhémentement si ce ne fussent les bonnes genz qui la est oient pour la quelle chose le dit suppliant veant la grant iniquité et vouleutc deshordenee des diz pilleurs ramenant aussi en mémoire les grant iniures et pilleries que il li avoient faiz en sa maison comme dit est et pour ce ne povoit atremper ne refraindre sa voulentc son couraige pour eschiver péril de mort, et ainsi comme en lui renauchent et défendant prist viguereusement la propre espee de lun des diz pilleurs et dicelle espee ferit le dit pilleur telement qui len morut. Depuis le quel faiz les diz pilleurs ont de leur mauvaise voulente ars et destruit un hostel du dit suppliant qui bien valoit deux cents livres ou environ, et occis au dit hostel un cousin germain du dit suppliant pour ce que cilx cousins ne vouloit pas mettre et bouter le feu ou dit hostel a leur requeste, pour occasion du quel fait de la mort dicelui pilleur labbe de Laigny a fait prendre saisir et mettre en sa main tous les biens meubles et heritaiges du dit

suppliant

Paris, août 1358.

UTTIIK d'ÉTIENNE MARCEL AUX BONNES VILLES DE FRANCE ET DE FLANDRE.

(Publiée par M. Kervyn de Lettenhowc dans les Bulletin» de l'Académie royale

de Belgique, tom. XX, n* 9.)

Très-chiers seigneurs et grans amis , vous avez bien sceu comment en la bonne ville de Paris , après la prise du roy nostre sire, faicte a Poitiers, du commandement de monseigneur le duc de Normandie, convocation général fu faicte des trois estas du royaume de France, clergié, nobles et bonnes villes, pour avoir conseil sur le fait de la délivrance du roy nostredit seigneur et sur la défense du royaume et des subgés, et le bon gouvernement d'icelli qui, par longtemps par les fauls etdesloyauk conseillers et corrompus officiers avoit petitement esté gouvernez, dont les grans maulz que chascun a veu pour lesdites causes et pluseurs autres sont avenuz au royaume et aus subgés, et aussi pour avoir finance convenable par consentement de tous pour le fait de la guerre, et combien que desdits estas fussent à ladictc journée très-grans et notables nombres et des remèdes sur tous lesdis poins et aussi des aides fussent tout en accort, toutevoies la chose fu empeschée, délaiée et < froissée par les malices et fausses inductions desdis conseilliers \ et officiers à l'oppinion desquels se enclina monseigneur le duc plus que à tout le bon conseil qui donnet li fu par tous les estas du dit royaume, dont grant mal s'ensuyvirent et grans perdicions de paiis et pour ce furent faictes autres assemblées pour lesdictes causçs lan lesdictes sainctes ordonnances faictes premièrement et en escript rédigées furent par tous loées et approuvées, promises et jurées et par monseigneur le duc en las de soye et en cire vert conformées et par li promises et jurées, èsquelles avoit cinq poins principauls : premièrement que justice fust réformée, tenue et gardée, la multitude de mauvais et corrompus officiers qui destruisoient le peuple oslée, les grans

\M ETIENNE MAHCËL.

aliénations laides du patrimoine du royaume en personnes indignes au grant dommage du roy et du royaume fussent rappelles et au patrimoine réincorporés, la personne du monseigneur le due de bonnes personnes sages et loyauls, de bons, vrais et loyaulx conseilliers fust associée et bien aornée, et regetez de sa compaignie plusieurs de petit estât et de petit sens qu'il créoit plus (pie mestiers ne li fust qui estoient ou sont de mauvaise famé et renommée, défense bonne et convenable parfait d'armes contre les ennemis fust aus subgés du royaume administrée et prestée, les prises qui se faisoient sur le peuple sans rien paier, dont li peuple avoit esté très-grandement domagiez, fussent du tout ostées, lesquelles ordonnances en tous les peins dessusdis furent par monseigneur le duc et plusieurs mauvais eslans près de li froissiés et cassées, et grans divisions entre les estas engeurées, car li pluseurs des nobles, des choses par euls consenties , accordées, promises et jurées et aussi du clergié se départirent et du tout des bonnes villes se divisèrent, ne rien des choses accordées se paièrent et à la josne volenté de monseigneur le duc du tout se confermèrent, afin que sur euls, sur leurs terres, ne sur leur subgés ne fust aucune chose prise, ne levée, et pour ce, très chier seigneur et très-vray ami, que nous et plusieurs autres bonnes villes les susdicles ordonnances par nous et tous autres comme dit est, accordées et jurées, vousisimes tenir et accomplir sens comparoison et par ces deflaus et plusieurs autres veyens nous et le royaume en estât de perdition, et pour ce que souvent, à monseigneur le duc et son conseil en faisions requeste de y remédier, nous avons moult encouru la malevolenté de li et desdis nobles en nous mettant sus à grant tort que nous vouliens avoir le gouvernement du royaume, et combien que monseigneur le duc bel en respondesist et à faire lepromesist, rien n'en faisoit, mais tout le contraire et contre nous et ceuls qui ensuyvoient nostre opinion estoit en corage se forment meus que par maintes voies procuroit et faisoit procurer nostre destruction et se esludioit faire en le bonne, cité de Paris, des menus contre nous grant commotion, pour laquelle chose et aucunes autres aucun mauvais de ses conseilliers en très-bon petit de nombre en ont esté justement in s à mort , qui en ce et en plusieurs autres grans inauls le norrissoient et entroduisoient, depuis lesquelles

choses ledit monseigneur le duc avecques grant quantité de nobles yeullans la destruction universele de nous, des gens des bonnes villes et de tout le plat paiis sont en armes et en host pour notre destruction devant la bonne ville de Paris et ont eslê à Meaulx lan de bonne foy les citoyens les avoient reçeus, lan il ont destruit la cité et tous les citoiens et fait plusieurs horribles mauls, selon ce que de ce et des choses dessusdites et de plusieurs autres vous porra plus plainement apparoir par certains rooles, lesquels nous vous envions soubz le contre-scel de la ville de Paris clos. Et vous supplions et prions tant et si acertes comme plus poons que tout vostre commun assemblé et en audience vous plaise lesdis rooles faire lire, avecques ces présentes et clèrement exposer à vostre commun les choses qui contenues y sont.

Très-chiers seigneurs et bons amis, nous pensons que vous avez bien oy parler comment très-grant multitude de nobles, tant de vostre paiis de Flandres, d'Artois, de Boulonois, de Guinois, de Ponthieu, de Haynault, de Gorbiois, de Beauvoisis et de Vermendois, comme de plusieurs antres lieux par manière universele de nobles universaument contre non nobles, sens faire distinction quelconques de coulpables ou non coulpables, de bons ou de mauvais, sont venuz en armes par manière d'ostilité, de murdre etderoberie,decal'yaue delà Somme et aussi deçà l' y aue d'Oise, et combien que à plusieurs d'euls rien ne leur ait esté méfiait, toutevoiesil ont ars les villes, tué les bonnes gens des paiis, sens pité et miséricorde quelconques, robè et pillié tout quanques il ont trouvé, femmes, enfans, prestres, religieux mis à crueuses gehines pour savoir l'avoir des gens et ycels prendre et rober, et plusieurs d'iceuls fait morir es gehines, les églises robécs, les calices, sainctuaires, chapes ostées et robez, les prestres célébrens pris et les calices ostez de devant euls et li aucun d'euls le corps Nostre-Sire geté à leurs variés, le précieux sang Nostre- Sire geté à la paroit, les vaissaulx où estoit le corps Nostre-Sire pris, les églises, abbaies, priorez et églises parochiaulz que il ne ardoient mis à raençon et les personnes de Saiucte Église, les pucelles corrompues et les femmes violées en présence de leur maris, et briefment fait plus de mauls plus cruclment et plus inhumainement que onques ne firent les Wandres, ne Sarrasin, et plusieurs des dictes pilles, ont porté en Flandres, en Artois et

m ÈTIBNNE MAHCBL.

en Verniendois, et très-grant quantité en ont laissée à Coinpiègne qui èsdis fais les a soustenus et soustient à la destruction du plat pais et des bonnes villes (et encore èsdis mauls persévèrent de jour en jour, et tous inarchans qu'ils trouvent mettent à mort en raençonnent et osteut leurs marchandises, tout homme non noble de bonnes villes ou de plat paiis et les laboureurs tous mettent à mort et robent et dérobent), ont pris quarante et cinq mules chargiez de draps de Flandres et d'ailleurs, et yceuls ont pilliez et osiez aus marêhans qui les inenoient avjcques lesdis draps. Et ainsi véons elèrement qu'il nous entendent univers&ument tous des bonnes villes et du plat paiis sens pité ne miséricorde, se Dieux ne nous secourt et aide, et no bon amy, frère et voisin, mettre à destruction. Et bien savons que monseigneur le duc, nous, noz biens et de tout le plat paiis a mis en habandon aus nobles et de ce qu'il ont fait et feront sur nous, les a advoez, ne n'ont autres gaiges de li que ce que il peuvent rober, et combien que lidit noble, depuis la prise du roy notre sire, ne se soient volu armer contre les ennemis du royaume, si comme chascun a veu et sceu, ne aussi monseigneur le duc, toutevoies contre nous se sont armé et contre le commun, et pour la trèsgrant hayne qu'il ont à nous, a tout le commun et les grant pilles et roberies que il font sur le peuple, il en vient grant et si grant quantité que c'est merveille. Si avons bien mestier de l'aide de Nostre-Sire, de la vostre et de tous noz bons amis, et ceuls qui aideront à défendre le bon peuple, les bons laboureurs et les bons inarchans sens lesquels nous ne poons vivre, contre ces inurdriers, robeurs et cruaus ennemis de Dieu et de la foy, acquerront plus grant mérite envers Nostre-Sire que se il aloient tout croisié contre les Sarrasins, et certes il ont jà fait tant de mauls deçà la Somme et on Beauvoisis et deçà l'yaue d'Oise et tant tué de laboureurs, qu'il est grant doubte que ceste année, qui ès dis paiis estoit très fertile de blez et de vins, ne soit du tout gastée et périe et qu'il n'y ait qui labeure et cueille les vins, ne aussi où mettre les vins pour les vassiauls des villes qui sont tous ars et aussi les villes.

Très-chiers seigneurs et très-bon amy, toutes les choses dessusdites, nous vous escripsons pour ce que nous savons certainement que la bonne ville de Paris et les bons inarchans de la * bonne ville de Paris et des bonnes villes, le bon commun et les

lions laboureurs, vous amcz et avez lousjours amé et à trois fins les vous escripsons : la première à fin que vous véez la bonne raison et justice que nous avons et le grant tort, desloyaulté et injustice que on a sur nous et sur le peuple; la seconde fin, à fin d'avoir vostrc conseil et aide, car les choses nous sont grandes, pesans et périlleuses, et non pas tant seulement à nous et au paiis qui sont domagiez, mais aussi à vous et aus autres paiis lan il convient courre marchandise, et lan il convient porter les vivres de blez et de vins des paiis qu'il ont ainsi gastez sens cause, et bien poez veoir que se on gastoit le paiis de Laonnois, ainsi que on a gasté le paiis de Beauvoisis, tout le paiis de delà l'yaue d'Oise, qui sert de vins le bon paiis de Flandres, de Haynaut, de Cambrésis seroit destruit, dont grand dommage s'ensuivroit audit paiis ; la tierce fin, car plusieurs nobles dudit paiis de Flandres qui ontfaictes lesdictes roberies, et des autres paiis dessusdis; et qui lesdites robesjes ont portées ès dis lieux dessusdis, que tous lesdis biens que voûte sentirez estre en vostre terre et pooir vous leur ostez de fait et mettez en vostre main comme en main seure. Et pour ce que li dessusdit sont encore en faisant lesdis mauls à host devant la bonne ville de Paris, afin de nous destruire, qui rien ne leur avons mefïait, et combien que tous ne les cognoissiens mie, de plusieurs nous vous envoions les noms en un roolet dos et scellé du scel de ladicte ville de Paris, lesquels ou plusieurs d'euls, par la poissance que Dieux vous a donnet, nous vous supplions, tant comme nous poons, que sur leurs corps et sur leurs biens, à l'onneur et salvacion de nous, vous y veulliez pourveoir par tele manière que vos grans discrecions verront qu'il sera à faire et qu'il n'ayent plus hardement, ne poissance de nous meffaire, car à vostre requeste ainsi le vous feriera-nous en cas pareil.

Très-chier seigneur et bon amy, pour ce que aucun d'euls ou de leurs amis se voudroient envers vous excuser des mauls qu'il ont fais en Beauvoisis et aussi sur nous, pour ce que aucunes gens du plat paiis de Beauvoisis commencèrent le riot sur les gentils hommes en euls tuant, leurs femmes et enfans, et en abattant leurs maisons, et que à ce nous leurs fusines aidant et confortant, et de ce pu et ou porroit estre faicte à hault et noble prinpce monseigneur le conte de Flandres et à vous information

il)6 (TIENNE MARCEL.

et rnlacion mains véritable, plaise vous savoir quelesdites choses furent en Beauvoisis commencées et faictes sens notre sceu et volonté, et mieuls ameriens estre mort que avoir apprové les fais par la manière qu'il furent commencié par aucuns des gens du plat paiis de Beauvoisis, mais envoiasmes bien trois cens cornbatans de noz gens et lettres de crèdance pour euls faire désister de grans mauls qu'il faisoient , et pour ce qu'il ne voudrent désister des choses qu'il faisoient, ne encliner à nostre requeste, nos gens se départirent d'euls et de nostre commandement firent crier bien en soixante villes sur paine de perdre la teste que nuls ne tuast femmes, ne enfans de gentil homme, ne gentil femme se il n'estoit ennemi de la bonne ville de Paris, ne ne robast, pillast, ardeist, ne abatist maisons qu'il eussent, et au temps de lors avoit en la ville de Paris plus de mille que gentils hommes que gentils femmes et y estoit ma dame de Flandres, ma dame la royne Jehamie et ma dame d'Orliens, et à tous on ne fit que bien et honneur et encores en y a mil qui y sont venus à seurté, ne à bons gentils hommes, ne à bonnes gentils femmes qui nul mal n'ont fait au peuple, ne ne veulent faire, nous ne volons nul mal. Et depuis les choses avenues en Beauvoisis, monseigneur de Navarre qui oudit paiis estoit à gens d'armes auquel il vindrent courre sus et lesquels il desconfit par quatre fois et leurs capitaines prist et copa les testes, mist le paiis tout à pais et du consentement des nobles du paiis de Beauvoisis et de Veqcin, qui avoient esté domagé et injurié, et aussi des gens des villes du plat paiis de Beauvoisis ordonna que de chaseûne ville quatre des plus principauls de ceuls qui avoient fait les excès seraient pris et justicié, et dix du paiis de Beauvoisis seroient pris qui savoient les domages qui avoient esté fait aus gentils hommes, les villes et les personnes par qui ce avoit esté fait et seroit rapporté à monseigneur de Navarre, et il feroit faire restitucion convenable des domages ausdis gentilshommes, et parmi ce les bonnes gens du plat paiis de Beauvoisis, les villes et le paiis dévoient demourer en seurté et en pais. Ce non obstant les gentils hommes du paiis de Beauvoisis, de Veccin, monseigneur de Navarre parti, et aussi li autres nobles des paiis dessusdis que rien ne touchoit, se assemblèrent et tout le paiis de Beauvoisis destruisirent et pillèrent, et sur l'ombre dudit fait

do Beauvoisis, li gentil homme en plusieurs el divers lieux oui faicles grans assemblées , et s'en sont venu en plusieurs lieux desdis paiis deçà la Somme et la rivière d'Oise, et sur ycculs qui du fait dé Beauvoisis rien ne savoient et qui en estaient, pur et ignosccnt, ont couru, robé, pillié, ars et tué, et tous les paiis destruis et encore font de jour en jour.

Très-chicr seigneur et bon ami, veulliez nous pardonner et avoir pour excusez se si tant vous avons escript desdictes choses, car li chemins estaient très-périlleux et mal seur, et ces gentils hommes tous les paiis et tous les chemins occupoient. Toutevoies, veulliez savoir que combien que plusieurs gentils hommes et gens d'armes en très-grant nombre soient devant la bonne ville de Paris avecques monseigneur le duc, que nous et nostre commun sommes bien tout un et en bonne volenté de défendre, et y a, Dieu mercy, très-bonne ordonnance et grant rnarchié de vivres et très-grant quantité, et pour l'onneur de la bonne ville de Paris défendre et eschiver que nous qui avions toujours esté franc, ne chéons en la serviluteen laquelle nous veulent mettre ces gentilz hommes qui sont plus villain que gentil, nous exposerons nos corps et nos biens et morrons ançois tuit que nous souffrons qu'il nous mettent en servitute. Car de nous et des autres, il se sont vanté qu'il nous osteronl tout que un Manchot qu'il nous lairont et nous feront traire à le cherue avecques les chevaulx ; mais à l'aide de Dieu, de vous et de noz bons seigneurs et amis et de très-excellent prinpce monseigneur de Navarre ouquel nous trouvons très-grant confort et très-grant aide et ayme très-parfaitement les bonnes villes et le bon commun, nous les en garderons bien.

Très-chier seigneur et bon ami, nous nous recommandons à vous et nous offrons à vous de quanques nous savons et poons faire, et vous prions que les dessusdis rooles et ces présentes, après ce que vous les aurez veues et leues, vous plaise envoior en aucunes des bonnes villes dudit paiis de Flandres ans bonnes gens et commun d'icelles ausquellez prions et requérons semblablement comme à vous faire les choses dessusdictes.

Li Sains-Esperis, par sa grâce, vous veuille sauver et garder. Sur toutes les choses que nous vous escripsons, nous désirons moult avoir nouvelles de vous et response ; sy vous supplions

qu'il la vous plaise à faire le plus liastivement que vous porrez bonnement.

Escript à Paris, le xi* jour de juillet, l'an LVIll.

Les tout vostres,

LE PRÉVOST DBS MARCHANS ET LES ESC HE VINS ET LES MAISTRES DES MESTIERS DE LA BONNE VILLE DE PARIS.