XX V
Accord entre le vicomte de Rohan et son sénéchal.
1255, janvier,
Publié par D. Morice, Pr., 1, col. 962-963, d’après un titre de Kercado.
Universis Christi fidelibus presentes litteras inspecturis vel audituris, Alanus Vicecomes de Rohan, salutem in autore salutis. Noverit universitas vestra, quod cum in curia nobilis viri Joannis Comitis Britanniæ inter nos, ex una parte, et Oliverium senescallum vicecomitatus de Rohan, ex altera, contentio verteretur, super hæc videlicet quod dictus Oliverius dicebat, quod non poteramus nec debebamus ponere allocatum præter ipsum ad tenenda placita in Vicecomitu de Rohan, nec habere alium allocatum supra ipsum, qui noster erat Seneschallus feodatus, et nos dicebamus quod hoc facere poteramus et debebamus ; tandem per modum pacis facta est compositio inter nos et dictum Oliverium in hunc modum. Quod nos et heredes nostri possumus et poterimus allocatum nostrum ponere et habere in Vicecomitatu de Rohan ad nostra placita tenenda, qui allocatus, quotiens voluerit, terminos placitorum per se vel per nuntium suum repræsentare poterit, vel removere, contradictione dicti senescalli seu heredum suorum aliqua non obstante. Et si forte Contingeret quod nos seu allocatus noster, vel aliquis nuntius, ex parte alicujus nostrum ad terminos placitorum assignatos non interessemus infra meridiem, ex tunc poterit dictus Oliverius vel ejus alloca-
tus placita tenere ipsius diei assignatæ. Item si contingerit de
tenendis placitis casu aliquo nos seu allocatum nostrum levare, non poterimus alicui alii dicta placita tenenda demandare, nisi
dicto Oliverio, vel ejus allocato, si præsentes fuerint, vel eorum
alter. Pro remittenda vero ejusdem Senescalli contentione supradicta et omnino quitanda, videlicet de non ponendo allocatum in Vicecomitatu de Rohan, prout superius est expressum, é 14
on
nos dedimus dicto Oliverio et ejus heredibus viginti libras annui reditus tenendas a nobis et a nostris hæredibus, prout tenet alias terras suas in Vicecomitatu de Rohan, quas viginti Hibratas annui reditus eidem assignavimus in feodo Deles sito inter Out et Blavet, excepto eo quod Dominus Sylvester de Folleia tenet a nobis in feodo supradicto : salvo lamen dicto Oliverio senescallo petere jus suum, si quod habebat ante istam compositionem contra dictum Sylvestrum in feodo supradicto. Et insuper ad viginti libratas annui reditus perficiendas eidem Oliverio dedimus et assignavimus dominium nostrum de Villa-Christi, toto tamen gentili feodo ipsius parochia nobis vel heredibus nostris post nos integre remanente. Hanc vero donationem taliter assignatam a nobis tenemur garentizare eidem Oliverio ejusque heredibus post eundem contra heredes Domini Ruelloni de foresta, et si aliquo casu non possemus eisdem garentizare, ut dictum est, tenemur eis in nostra terra propinquiori dicto feodo excambium facere competentem. Item volumus et concedimus quod dictus Oliverius et ejus heredes habeant senescalliam suam in parochia de Noal, prout habent alibi in Vicecomitatu de Rohan supradicto. Concessimus et insuper quod omnes sæsinæ suæ a nobis tenendæ, . quas idem Oliverius habebat ante compositionem istam sibi suisque heredibus remaneant, excepto quod nos possimus ponere allocatum nostrum, prout in compositione præsenti superius est expressum. Item si de sorprisiis senescalliæ post decessum patris nostri inter nos et dictum Oliverium aliqua contentio de cætero oriatur, hinc inde concessum est, quod per legitimum patriæ testimonium sine decasura feodi terminetur, et cuilibet nostrum remanebit quod dictum testimonium declarabit. Insuper sciendum quod dictus Oliverius seu heredes sui nullum usagium habent, seu habere debent in posterum in forestis nostris ; per hanc autem compositionem renunciavit idem Oliverius omnibus instrumentis et litteris, si quas habebat super allocatione Vicecomitatus de Rohan ante datam litterarum istarum, et concessit quod de cætero nullam obtineant roboris firmitatem. Hane vero compositionem, prout superius est expressa, tam nos ex una parte, quam dictus Oliverius Senescallus ex altera, juravimus tactis sacro-sanctis Evangeliis fideliter et inviolabiliter observare. In cujus rei testimonium et munimen præsentes litteras dicto Oliverio Senescallo tradidi sigillatas. Actum anno gratiæ 4255, mense januario. .
