XX VII

Lettre du sénéchal de Rennes à l’évêque de Dol pour faire exécuter, sur les biens de Guillaume Le Bouteiller sis dans le regaire de Dol, un jugement par défaut prononcé contre celui-ci le condamnant à des restitutions envers le Chapitre de Dol.

Publié par D. Morice, Preuves, I, col. 946-947, d’après le Cartulaire du Chapitre de Dol Alanus ; cf. Bibl. nat., ms. fr. 22329, fol. 95-96.

Reverendo in Christo Patri ac Domino Stephano, Dei gratia Dolensi episcopo, Johannes de Deliec, miles, senescallus Redonensis, salutem et reverentiam debitam ac devotam. Cum Capitulum Dolense Domino Regi Francie conquestum fuerit et Domino Comiti Britannie, tanquam principi et Ecclesie defensori, de Guillermo dicto Buticulario, milite, filio Gaufridi dicti Buticularii vestre diocesis, qui decimas quas idem Capitulum habebat in parrochia de Roslandrieuc, ejusdem diocesis et res hominum ejusdem diocesis et res hominum ejusdem Capituli ceperat violenter usque ad valorem cc lib. monete currentis, ut idem Capitulum asserebat, requirentes ipsum Comitem ut predicta damna eisdem restituere et sibi et eorum possessionibus et hominibus securitatem ab eodem Guillelmo prestari faceret. Nos, de mandato Regis et Comitis, predictum Guillelmum citari fecimus coram nobis apud Redones super premissis Domino comiti responsurum, qui post essonias plurimas et dilaciones et multos defectus factos et judicatos coram nobis apud Redones, dictum Capitulum et eorum possessiones et homines et res ipsorum assecuravit, prestito super hoc juramento; juravit etiam quod judicio curie Comitis staret super omnibus premissis. Postea vero, die Veneris ante Nativi- -tatem Domini sibi super dictis querelis assignata coram nobis Redonis defecit idem Willelmus et judicatus fuit in defectum.

Unde propter multos ipsius Willelmi defectus coram nobis factos,

judicatos et sufficienter recordatos, judicatum fuit contra predic-

tum Guillelmum quod secundum jus et usum Britannie et omni-

bus querelis predictis injuriam fecerat Capitulo memorato, et

quod idem Capitulum in dictarum decimarum possessione paci-

fica remanebat et remanere debebat, et quod idem Guillelmus

eodem Capitulo damna que sibi et suis hominibus ipsius Capituli

occasione fecerat, ad ipsius Capituli probationem super bona ip-

sius Guillelmi, si aliqua inveniri possent, restituere tenebatur ;

ad quam probationem faciendam dicto Capitulo, assignavimus

diem Jovis proximum ante Epiphaniam Domini, coram nobis Re-

donis, et eumdem Guillelmum per judicium citari fecimus ad

eamdem diem ut veniret visurus dictam probationem recipi vel

curia faceret et super hoc quod deberet. Qua die dictum Capitu-

lum per sufficientes procuratores, predicta damna, presente dicto

Guillelmo audiente hac et vidente, usque ad valorem novies vi-" genti et vi libras monete currentis sufficienter probavit. Cum

igitur non inveniamus in Comitatu Britannie extra feodum ves-

trum de bonis ipsius Guillelmi unde predicto Capitulo de predicta

summa pecunie satisfieri possit, paternitati vestre mandamus

quatenus tradatis eidem Capitulo jus quod habet vel habere potest

in buticulagio Dolensi idem Guillelmus, et si illud non sufficiat

aliquo casu contingente, tradatur dicto Capitulo de juribus et bo-

nis ejus sufficienter ad valorem dicte summe, nomine pignoris et

bannum faciatis et expletam tanquam de pignore et quod super

hoc factum erit, nobis mandetis cum a dicto Capitulo fueritis requisiti. Actum anno Domini MCCL. Bene et diu valeat Paternitas

vestra. Tantum igitur super hoc faciatis, ne propter defectum vestrum opporteat nos manum apponere graviorem.