A FAIRE AUTRE SEIGNEUR
Et est encor assavoir que les gens de Uôle pevent aler la ou il leur plaira et fere seigneur autre que nous tel com leur plaira et d'oys enqui tenir tous leurs biens et tous leurs hérilaiges de Dôle et du finaige.
Les boines et li termes de cesle franchise doyent durer à Dôle pour tout et des Dôle devers le Pont jusques à Tospital ; devers la porté de Arans jusques es ormes de Aarans; devers la porte de Seans jusques à Seans , devers la porte de Besençon jusques à la croix que Ton appelle la croix Bouchier, et entre ces boines tout en tout à la ronde.
Du MORRE ET DU CUIRE.
Pour ceste franchise et pour cest ordenement cy devant et cy après escript et devisez en ces lettres , les gens de Dôle tuit habitant et demeurant en la ville et entre les boinnes de la franchise devant ditte , sont tenus de morre et gruer , cuire , saichier à nos fours et à nos molins de Dôle et de la rivière de Dôle y blez , avoigne , milz et pénis et fere quanques à fours et à molins appartient, ne en. autre lieu ne povent, ne en la ville ne defuer pour apporter en Ja ville. Et nous leur devons soignier fours et molins souffisans et fourniers et mugniers souffisans et quanques qui y sierl; en telle manière que ly quarteronche de tous blefz , fours , avoigne pour quanque convient paier au molin et aux mugniers et à ceulx qui porteront et rapporteront les biefs doit I deniers; li boisselz II deniers; li amîne IIII deniers; li bichot II solz ; de Tavoingne pour quanque il en convient faire au molin et pour le porter et rapporter doit li quarteronche III mailles ; li boisselz III deniers; li emine YI deniers et li bichet III solz. Et tous blefz li mugniers ou leur commandement
doyent porter au molin et rapporter chiez celz qui li blefz est. Après pour le cuire doit ausi tout blefz ^ fors que avoingne pour quanque il en convient payer au four et pour aidier à porter et rapporter autretant au four comme au moulin ; li preis de ces choses est ainsi devisé pour ce que l*on ne le puisse croistre ne amoindrir. Et les gens de la ville doivent porter d'une part et raporter leur paste et leur pain et li fourniers ou ses commandement d'aultre. De avoingne le bichet pour le séchier et pour le cuire et pour quanqu'il convient payer au four doit II solz ; et la doit li mugniers fere porter au four , quant on li porte pour séchier. Avoingne à toutes choses doit au molin autretant comme autre blefz, et non plus. Et pour le morre et pour le cuire, pour le séchier, pour le porter et raporter aussi comme dessus est diz, les blefz , les farines , les pastes et les pains des gens de Dôle , nous ne autre pour nous ne povons , ne devons riens plus demander fors le devant dit prey de chacune mesure et selon celuy payeray chacune partie des mesures. Et cilz ou celles qui ainsi ne payetoient comme devant est dit , il auroyent perdu le blé , la farine et le pain et III solz d'amende et seroit tout ce au seigneur. Mes ces mesures ne doivent pas estre occusenées, se ung petit plus ou moins y avoit de bléz qu'il n'en efflertà la mesure. — Car nous entendons et disons que tuit li ordénement et les choses qui sont en ces lettres escriptes , doyent estre tenues et gardées fermement de nous et de nos successeurs qui seront ^ignour de Dôlq en bonne foy loyaument et sans toute maie occuison. Et voulons et commandons que ainsi soit fait. Et pour raison de ceste franchise et de cest ordénement nous croissent encor ceulx de Dôle nostre censé de Dôle de LX livres de lente, laquele censé valoit devant douze vins livres chacun an , et ainsi nous vauldra la ditte censé trois cens livres chacun an , lesquelz nous doient estre payez chacun an pour censé et pour croissance, la moittié entour la mi Karesme et la moitié entour la Saint Estienne d'Aoust.
Enqui il dit dis batours.
Après nous voulons encor et ordonnons que li prodommes de Dôle tiengnent et ayent les batours de la ville pour batre escorces
tort ou injure , sauf ce que chescuns de la franchise i puet peschier fors que en nos fauvours et il sunt tuit tenu de moldre , de cuire ^ de batre et de fouller à noz molins et à noz fours, à noz batours et à noz foulles et faire toutes leur autres besoignes qui à ce apartiennent , et qui feroit encontre , il nos devroît sexante sols pour chescune foiz qu'il en mefferoit.
Aus molins nostre mugnier, ne cil qui de par nos i seront, ne doient prandre fors que dou froment et dou soigle la vinte quarte partie; d'orge et d*avoine la sazime partie , ainsi com il est acostumey. Au four lour doit on cuire la quartranche por un denier et dou plus , plus , dou moins , moins.
Encor retenons nostre éminage, de quoi on doit prandre la cinquantime partie , ainsi com il est acostumey.
* Encor retenons lo dime des vins et des bléz ens terres et ens vignes , ens queles nos le avons acostumey à recevoir. Aussi retenons les haies, lo marchié, les foires, lo ban dou mois d'Aost et la justise haute et basse et les émendes en tel manière que lo murtrier ou lo larron pris ou présant meffait nos ou nostre comandemanz devons justisier selonc son.meffait , sanz lo consoil de la vile.
L'orne diffamey devons justisier per lo consoil de la vile et doit estre li diffamations examinée à l'arbitrage des quatre proudomes jurez et dou prévost dou leu ou de nostre baillif. Et est à savoir que tuit li habitant en la dite franchise de Poloigni nos doient ost et chevauchie à lour propres despans et aidier à deffandre nos et nostre terre et lour dedanz Tarceveschié de Besençon et que nostre prévoz ou nostre chastelains de Poloigny les pueent mener touz ou alcun ou plusours de lour pour gagier ou pour rescourre gages ou pour revangier pour la besoigue dou signour ou de la vile . ou de alcun de la vile, toutes foies qu'il les en requerront ; et ne les en doit on requérir sans leaul et bone occuson et i puet chescuns qui auroit essoine léal , envoiier pour lui home récipiauble. Et sunt tenu de garder la vile de Poloigni à lour pooir , au consoil dou prévost et des quatre proudomes ju^6z et doient obéir aus bans et aus comandemanz de nos , de nostre baillif et de nostre prévost; lyquel ban et comandemeat doient estre raisonauble et
sans malvaises occusons et salve la franchise ci desux escrite et cy
Cil qui fiert d'arme esmolue et fait sanc nos doit sexante sols etTémendeau féru.
Ruz de pierre falliz nos doit soixante sols , et se il Sert , il nos doit trois sols sans sanc , et se sanc i ay , il nos doit nuef sols et Tamande au féru.
Férirs sans sanc nos doit trois sols de quoi qu'on fidre, et se sanc y ay sans arme esmolue , nuef sols.
Vilenie dite nos doit trois sols et Témande à celui cui li injure est faite ou dite. Touz clains nos doit trois sols et les doit pàiier cil qui est trovéz en colpe. Et doient les émendes de ces qui auront recehu Tinjure ou io damage estre adjugiés per lo prévost au conseil des quatre proudomes, selonc la qualitey et la quan-' titey des persones et des meffaiz. Trespas de ban de signour nos doit trois sols. Qui deffaudroit d'aler en ost ou en chevaucfaie il nos devra sexante sols. Qui traira coutel et serai présumié de férir. home, il nos devrai sexante sols. — Au jour dou marchié ou de foire nuls ne doit achater denrées fors dou cors de la vile de Poloigni et qui lo feroit , il nos devrai trois sols d'amande. Nuls ne doit achater dedanz les bones de ceste franchise poissons pour revandre et qui lo fera , il nos devrai trois sols. — Qui meffait en vigne , encurtil, envergier, en champs , en prézet en arbre, de jours il nos doit trois sols d'amande , et de nuit sexante sols. Les bestes qui seront trovéesde nuit domagefaçanz, se l'on les i garde, nos devront sexante sols , et s'en ne les i garde trois sols. Li bues , li vache , li chevals , li asues , li pors , li chiôvre et toute grosse beste trovée en domage puis lo ban mis nos devront trois sols.
Nuls habitanz dedanz ceste franchise n'est tenuz de faire droit, ne ne puet estre traiz en cause fors des bones de celé franchise , sur chose qui apartoigne à la soignerie de Poloigni. — Se cas doutous avient qui ne soit expresséz en ceste charte et dou quel nostre prévoz ne sache jugier, ne li quatre proudome consoillier, il en doient avoir conseil à sages genz de nostre terre ou en nos^ tre hostel et déterminer lo cas selonc leur çpnsoil,
Et pour ce que ceste franchise et cest ord enement soyent plus certains et qu'il ne puissent empirer ne amoindrir , nous commandons et voulons que nulz qui puisse jamais avoir seigneurie en la ville de Dôle pour raison, d'éritaige ou de Ged rendu , ou de dom , ou de gaigerie ou pour force faicte ou pour quelcumque autre raison , ne puisse avoir povoir ne seignorie en Dôle, ne en la foyaulté de la ville, tant qu'il ait jurié le serment de la franchise, et qu'il ait confermée par ses lettres, aussi comme dessus est escript, tant longuement que ce demoura pour la corpe au seigneur de Dôle.
Après nous prions et requérons à nostre chier seigneur, Phelippes de Savoye et de Bourgongne, conte palatin , notre mary , que , il ceste chose veille et octroyé et consente , louoit et confermoit et tesmoignoit aussi comme dessus est escript, et en tesmoignaige de tout ce , mette son seel pendant avec le nostre en ces lettres.
Et nous ledit Phelippe de Savoye et de Bourgongne , conte palatin , pour le grant bien que nous espérons et créons qu'il en puet advenir, voulons, octroyons et consentons, louons et conformons tout quanque laditte Aalix nostre chière femme en ail fait et ordonné , et promelons en bonne foy laditte franchise à tenir fermement, et l'avons faitjurer à nostre bailly de Bourgongne et à nostre prévost de Dôle. En tesmoignage desquels choses escripte en ceste charte toutes ensamble et chacune par ly , nous ledit Phelippe de Savoye et de Bourgongne, et nous contesse palatine sa femme , avons mis nos seaulx pendans en ces lettres, données à S*-6eorge de Lespramche , lendemain de la fesle à la bien ahurée Marie Hagdaloigne, l'an de l'Incarnacion de nostre seigneur courront par mil deux cens soixante et quatorze.
jPranolxises accordées & la ▼llle de Pollsny
par Otb on comte palatin de Bourgosne
en IdSS.
Nos Oihes cuens palatins de Bourgoigne et sires de Salins, façons savoir à tous ces qui ces présentes letres verront et orront que^ nos desirrant et vuillant le acreissemant et le multiplieinant de nôstre vile de Poloigni et des habilanz en icel leu, douons et otrions à la dite vile et aus habitanz de Poloigni franchise et libertey en la forme et en la manière que cy après est escript. C'est à savoir que nos volons et otrions que tuit li habitant en la vile de Poloigni et dedanz les termes de la franchise cy après spécifiiez, il et lour hoir perpetuelmant soient franc, quitte, et délivre de toutes tailles, prises, corvées, exactions de main-morte et de toutes manières de servitules et aides, sauz les quatre cas cy après devisez : c'est à savoir quant li sires de Poloigni saroit faiz novealz chevaliers et a sa muete pour aler outre mer , et por sa ainsnée fille marier et pour lui aidier à raimbre se il estoit pris, dont Dex le gart. Et en ces quatre cas doit estre getée ly aide raisonaublemant à ces de Poloigni per lo chastelain et per lo prévost dou leu et per les quatre proudomes qui i seront estaubli. Et volons et otrions qu'il puissent faire antre lour commun por la commune besoigne de la vile et des apartenances et geter tailles^et collectes entre lour pour maintenir les murs , les'portes , les fermetéz, les ponz et les chemins de la vile de Poloigni, et pour faire le communal profit de la vile de Poloigni et des apartenances; lesquels murs , portes, fermetéz , ponz et chemins il doieat faire et maintenir en bon estât au lour.
Et por cel commun govemer et maintenir lour douons auctoritéi et pooir de eslire quatre proudomes , lesquels il puissent changer chescun an , l'un ou les dous ou touz à lour volentey et mètre autre. Et li habitant dedanz la dite franchise les soient tenu
genz ou lor comandemanz au leu et doner letres de lor sairemanz ainsi faiz.
Encor est à savoir que li communals de la vile doient jurer féaltey à chescun signer de la vile, ainsi corn il i venront li uns après l'autre. Et por ce que ceste franchise et libériez soient plus certain et qu'elle ne pusse estre corrompue , ne amaindrie , nos estaublissons que nuls qui jamais voigne à la soignerie de Poloigni tenir , soit per raison de héritage , ou de don , ou de gagière, ou de fié randu ou autrement, ne puisse des dites censés des toises et des vins rien avoir, ne prandre jusqu'à tant qu'il ait jurey de tenir la franchise de Poloigni ainsi com ele est donée entièrement et qu'il Tait confirmée par ses letres ainsi com desux est escrit; et de tant de termine com il demoreroientet cesseroient de ce faire , il doient avoir perdu quant qui en celui termine seroit ou devroit estre issue ou valours des dites censés , après de ce que li sires sor ce requis en auroit estéi défaillanz per trois mois , se il n'estoit fors dou pays , ou s'il n'a voit léal essoine.
Et pour ce que toutes ces choses soient fermes et estaubles perpétuelment et que nulz de noz hoirs , successeurs ou escbéanz ne puissent jamais venir encontre , nos avons mis nostre séal pendant en ces letres ; décernant et déclarant estre irrite et de nule valeur quelconques chose fust faite per nos, per noz hoirs, suocessours ou eschéanz ou per les noz , contre la teneur de ceste présante letre , et avons priié et fait mètre en iceles letres présantes lo séal de révérend Père et Signor en Crist , Ode per la grâce de Deu archevesque de Besençon et de nostre chière compaigne Mahaut contesse de Bourgoigne avec lo nostre séal en tesmoignage de véritey.
Et nos li dit Odes , per la grâce de Dieu archevesque de Besençon et Mahaus contesse de Borgoigne , en tesmoignage de véritey avons mis à la requeste dou dit conte noz séals en ces letres , avoec losuen séal.
Donées à Fondrement le mécredi d'avant la nativitey nostre Signor , Tan de sa Incarnation , mil dous cens octante et huit.
Sig^né: Gregorius,
- îll —
